75. homoerotik nağıllar diyarında

əllərimi sarı budlarında gəzdirirəm
seyrək qızıl rəng tüklərin arasında ilan tək dolanıram
qara quzğun sarı sünbül tarlalarının üstündən uçur
qışın ilk gün işığına narıncı xəzi parlayan tülkü
sonra əllərim çürüyür
və gənc ağbəniz bir pəriyə çevrilirəm
gölün kənarına gəldim küllü bədənimi təmizləmək üçün
yolda bir neçə oğlan və qurbağalarla rastlaşdım
təkliflər etdilər, rədd etdim
bu dəqiqə tək düşündüyüm şey çimməkdi deyərək.
göldə su pəriləri məni yanlarına çağırdı
qaymaqlı qəhvə içərək qeybət etdik
ataları gəldi və mənə evlənmə təklifi etdi
yox dediyimə görə məni qızılgülə çevirdi
gölün dayazlığında ətirli qızılgül
sonra bir ovçu qanlı əllərini suda yuyarkən
məni gördü
dərib, ləçəklərimi boynuna sürdü
günəşdən yanmış əzələli bədəninə yayıldım
quruyub qalmış qan qoxusunu öz ətrimlə boğdum
min ilərlə bu ovçunun boynunda gəzdim
şərf kimi ya da soyuk hava kimi.
onun boynunu gənç oğlanlar öpərkən,
bütün bunlar olarkən tək düşündüyüm şey
ağbəniz dərinə necə çatabiləcəyim idi.