1. bir millətin nə qədər səmimiyyətsiz olduğunu göstərən və yalnız qadınların belinə yüklənən ümummili ritual. bir nəfər dünyasını dəyişir. qohumlar, yaxınlar, tanışlar başsağlığı üçün yığışır. bu qədərini başa düşmək olar. mərhumun çox yaxın qohumları, xüsusilə də qadın cinsindən olanlar, bu hadisəyə olan üzüntüsünü ağlayaraq yaşayır. bunu da bir dərəcəyə qədər başa düşmək olar. amma daha qohumumun qohumunun qohumudur deyə gələnlərin, biraz məsafəli qonşuların ağlaşma etməsi nə qədər səmimi bir hərəkətdir? yəni bu adamın ölümü bu dərəcədə hay küy salacaq qədər üzübmü onları? çox güman ki, yox. sadəcə, ənənə xatirinə məclisə girir və mühitin də təsirinə düşüb zorla özünü ağlatdırır. maraqlıdır, bu ağlaşmada kiminsə iştirak etməməsi nə ilə nəticələnər?