1. 2017-ci il istehsalı, eyni adlı roman əsasında çəkilmiş romantik-dram filmi.
--spoiler--

italiyanın bir qəsəbəsində tətil edən elio və ailəsinin yanına atasının dəvətilə gənc arxeoloq oliver gəlir. bir müddət sonra isə elio ilə bir-birinə aşiq olurlar.
bizim ailədə uşaq vaxtınnan heç nəyə nə sevgi, nə də nifrət aşılanmayıb. buna görə də homoseksuallıq məndə heç vaxt nifrət oyadan bir şey olmayıb. amma yenə də müəyyən bir vaxta qədər iki oğlanın ya da qızın bir-birini sevməsi, arzulaması mənə qəribə görünürdü. amma vaxt keçdikcə cinsin sevgidə həqiqətən məna kəsb etmədiyini başa düşdüm.
bu filmlə bağlı ən sevdiyim cəhət də elə bu oldu. mən izləyəndə daim nəsə olacağını gözlədim. bir səhnədə elio ailəvi dostları olan homoseksual cütlüyün onlara gəlməsini istəmir, hətta onlara gülür. atası bu vəziyyətə çox əsəbiləşir, ona cinsi meyilin heç bir əhəmiyyəti olmadığını deyir. mən bu səhnənin atasının öz oğlunun da homoseksual olduğunu biləndə reaksiyasının fərqli olacağını vurğulamaq üçün olduğunu fikirləşmişdim. amma əslində tamam başqa cür oldu. yəni oliver ya da eliodan hər hansı biri oğlan yox qız olsaydı film eynilə bu cür davam edərdi.
filmdə ən sevdiyim obraz isə marzia idi. elionun özünə "normal" olduğunu isbat etmək üçün sevirmiş kimi davrandığı qız.
çəkilişlər aparılan yerlərin gözəlliyi və mahnılar da filmi sevməyə əlavə səbəblərdi.

--spoiler--