azərbaycanlıların cahil olması


    2. Hökumətin illərdir ki, bilərəkdən toplumun beyninə yeritdiyi onlarla zərərli fikirlərdən biri. insan cahil olanda nə olar ki? "Oxumuş cahillər" inciməsin, onları tənqid edəcəyəm. Hər bir insanın müxtəlif səviyyələrə çatmasında fərqli situasiyalar rol oynayır. Nəyisə, bu barədə uzun yazmaq istəmirəm. Yorulmuşam bunu deməkdən. Mənim müxtəlif sahələrdə fəaliyyət göstərən dostlarım var. Professoru da da var, fəhləsi də, politoloqu da var, çayçısı, hüquqşünası da var, məhkumluq həyatı yaşamışı da, çəkəni var, içəni var, müəllimi var, həkimi var, aktyoru, şairi və s. Var da var yəni ki. Məni bəyənməyənlər də çoxdur. Heç özüm də özümü tərbiyə etməklə məşğulam deyə, insanların səhvi məni sevindirmir. Biz bizi tənqid, hətta utanmadan toplumu təhqir edərək, guya ki cəhalətlə mübarizə aparırıq. Bu mübarizə aparanları da qınamıram ee. Gülüş olsun deyə bizi təhqir edənləri oxumuşuq, amma Hüseyn Cavid oxumamışıq. Nəyisə, Sözümün canı başqadır. "Biz oxumuşuq, bizi anlamırlar." Pəhh qaqam, öz dövründə bəyənilməyən filosoflardandır, elm adamlarındandır. Eşidən də elə bilir ki, "yeriyən təyyarə" kəşf edibmiş xəbərimiz yoxdur. Çox kədərli bir həqiqət var. Bu dünyada hər birimizdən savadlı kimsə var. Elə olmasaydı, indi də giləmeyvə yığıb, dağ keçisi qovurduq. Cəhalətdən onun etirafı ilə xilas olmaq olar. Bunu özünə etiraf etməyən 10000 ədəd də kitab oxusa da, özünü öldürsə də, cahildir. Bəli, bu ölkənin bir cahili də mənəm. Bundan utanmıram. Bir gün bəlkə də, xilas olaram, ancaq bir toplumu hər hansısa başlıq altında təhqir edənlər heç vaxt xilas ola bilməyəcəklər.

    Hökumət niyə bunu təbliğ edir və ideologiyasının bir parçasına çevirir? Biz özümüzlə mübarizə apararaq müxtəlif kateqoriyalara bölünürük. Bir kateqoriya da bütün günahı digər kateqoriyaların üstünə yıxır. Hökumət də safdır, təmizdir. Kim danışırsa, ona deyilir ki, "ayə sakit dur ee, bu millətə xeyri yoxdur." Allah məni öldürsün ki, əksəriyyət də belə danışır. Belə deyinir. Belə çox ağıllı insanımız var. Hamı da əladır. Ən azı sənin mənim qədər. Bu millətin bir düşməni var, o da hökumətidir. Sarılın birbirinizə. Bərk-bərk qucaqlayın. Son günlər tək ehtiyacımız budur.






hamısını göstər