9. yuxarıdakı tarifi doğru olan amma bəzi nüansları əlavə etmək istədiyim salatdır. toyuq və ya mal ətindən ancaq birinin (mümkünsə toyuq filesi, əsl salat dadını almaq üçün toyuq daha məqsədəuyğundur) qatılması arzuolunandır.

qaynadılmış toyuğun dərisi salata qatılmamalıdır.

qaynadılmış kökün qabıqları tam soyulmalı və mümkünsə tənbəllik edilməyərək əgər kökün özəyi möhkəmdirsə bıçaqla çıxarılmalı, salata qatılmamalıdır. (əks halda ağızda narahatlıq yarada bilər)

və ən vacib nüanslardan biri xama və mayonez nisbətidir, ideal şəkildə tutulmasa ağıza mayonez və ya xama dadı gəlir ki, bu da xoşagələn hal deyil. həmçinin salatın miqdarına uyğun mayonez vurulmalıdır, çox yerdə mayonez içində üzən tərəvəzlər görürəm, no no no, olmaz.

bir də tərəvəzlər nə əziləcək qədər kiçik, nə də ağızda ayrıca hissediləcək qədər böyük ölçüdə doğranılmamalıdır.

sonda isə lazım qədər duz, istiot 1 dəstə keşniş və 1 dəstə şüyütlə salatı taclandırırsınız, nuş olsun -*