203. ölkə xaricinə təhsil almağa getməzdən öncə bir insanla tanış oldum.
hər yerə əli çatan, hündür maşın sürən day-day tiplərindən.
məndən kömək istədi, onun üçün çox önəmli bir mövzu idi.
mənə borclu qaldığını və bunu heç vaxt unutmayacağını dedi, sözündə bütöv adam idi.
universitetə qəbul olmağımla bağlı məclis qurulduğu gün bu adamı da dəvət etdim, masadakı hər kəs adamı gördüklərində ayağa qalxıb iki əlli görüşdülər, ölkədə adamı tanımayan az adam var onsuz da.
iki il sonra yay tətilinə Azərbaycana qayıtdım, bir də nə görsəm yaxşıdır, bizimkilər adamın qızını əmim oğluna alıblar, dayım qızını məktəbə düzəldib, həyatda heç bir uğur qazanmayan və adımı belə bilməyən əmimi adam edib, işi, maşını zadı var artıq.
adamın bu kimi etdiklərini yazsam barmaqlarım yorular, hətta bəziləri yenicə eşidirəm.
universiteti bitirəndən sonra üzüm gəlmədi deyəm ki, müəllim sizin işçi axtardığınız ixtisas üzrə təhsil almışam, bəlkə mənə də bir zad edəsiz.