4. Bu gün izlədiyim və təsirində qaldığım film

Filmin mövzusu: "Qul bazarı"ndan iş adı ilə toplanan bir qrup adam varlı bir adamın evinə gətirilir. Burada işçilərə zülm edilir, onlar qul kimi işlədilir və dustaq edilirlər. Mövcud sistemə baş qaldıranları, etiraz edənləri işçi qrupundan ayırıb köpək qrupuna salırlar. Onları it kimi saxlayırlar, boyunlarına zəncir vurub, it daxmasına salırlar. Varlı adamın qonaqları olanda bu insanlar yuvalardan çıxarılıb mərc ilə döyüşdürülürlər.
Qəhrəmanımız sistemə boyun əyməmək üçün, insanlığını itirməmək üçün mübarizə aparır. Bu çox çətin mübarizədir. Hamının səndən üz döndərdiyi, sistemin qulu olduğu halda tək mübarizə aparmaq kimi. Bu cür şəraitdə azad olmaq çox çətindir. Film boyunca əsas obrazımızın insan qalmaq və azad olmaq uğrundakı mübarizəsinə şahid olacaqsınız.