əjdaha lazımdı
izlə
dostlar
mən
googlla
öyrənildiyində təəccübləndirən məlumatlar
-
ankara
-
xədicə ismayıl
-
it
-
mario vargas llosa
-
intellektual məlumatlar
-
az bilinən azərbaycan filmləri
-
köpəkoğlu
-
russkoyazıçnı olmaq
-
feminizm
başlıqdakı ən bəyənilən yazılar:
+7 əjdaha
7. Rejissor *Tofiq Tağızadə*nin yerli TV kanallarda yayınlanması (qeyri-rəsmi) qadağan edilən 1994-cü il istehsalı filmi. Fikrimcə, hər bir gəncin mütləq və mütləq izləməli olduğu, azərbaycan kinematoqrafiyasının *underrated* şedevrlarından biri.
Bir qarın yemək üçün "Qul bazarında" toplanmış, iş axtaran bir qrup şəxs aldadılaraq qul kimi işlədilmək üçün daş karxanasına gətirilirlər. Daş karxanası xüsusi şəkildə mühafizə edilir və buradan qaçış demək olar ki, qeyri-mümkündür. Buranın sahibləri istədiyi adamı it kimi hürdürə biləcəyini iddia edən varlı biznesmenlərdir. Buranın qaydaları isə tamam başqa cürdür. Ya qaydalara tabe olaraq səsini çıxarmadan işləyəcəksən, ya da ki ölmək bir yana, ölməkdən betər günə salınacaqsan. Ölmək isə ən rahat yol olardı. Səhərdən axşamacan it kimi işləyib, itin önünə atılan yeməklərdən yeməlisən. Susmalısan. Qaydalara qarşı gələnləri isə bax əsl it zülmü gözləyir.
Burada rahat yaşamaq üçün alternativ yol da var. it kimi hürməlisən. Bəli, it kimi. Bu biznesin sahibi olan varlı iş adamının önündə it kimi hürməli, ona yaltaqlanmalı, sadiq qalmalı, digər iş yoldaşların barədə "işverənlik" etməlisən. Bax bu zaman sən "itlər cəmiyyətinin" fəxri üzvü adına layiq görülürsən və boynundan xaltayabənzər "medal" asılır. Vaxtı-vaxtında yaxşı yeməklər yeyə bilirsən.
Filmin baş personaji ya rejim qarşısında diz çökərək digərləri kimi "quyruq bulamalı", ya da ki hər cür "sındırılmağı" göz önünə alaraq öz əqidəsindən heç vaxt dönməməlidir.
Spoiler vermək niyyətində deyiləm, amma filmdəki dialoqdan bir hissəni paylaşmaq yerinə düşər deyə düşünürəm:
"...Elə mən də səni kimi güclü idim. Sonra əydilər, alçaltdılar. Mənə elə baxma! Heç kəs bu dünyada anadan satqın, əclaf doğulmayıb. inadkarlıq heç kimə xeyir vermir. Ehtiyac məni bu günə saldı. Varlığımı, mənliyimi, arzularımı itirdim. Məcbur elədilər..."
+5 əjdaha
8. - Mənə elə baxma, heç kəs bu dünyada anadan satqın, əclaf doğulmayıb. inadkarlıq heç kimə xeyir vermir. Ehtiyac məni bu günə saldı, varlığımı, mənliyimi, arzularımı itirdim! Məcbur elədilər! Mən də qaçmaq istəyirdim, tutdular.
- Bəs səni, səni niyə asmadılar?
- Nə, asmaq?! Asmaq nədir?! Mənə hələ bir mükafat da verdilər.
- Nə mükafat?
- Məni "itlər cəmiyyəti" üzvlüyünə namizəd seçdilər. Sonra dedilər ki, əgər onlara sədaqətlə, məhəbbətlə qulluq etsəm tezliklə məni itlər cəmiyyətinə üzv qəbul edəcəklər. Ona görə də mən səni satmalıyam.
- Ay əclaf! Ay satqın! Əgər onlar məni assalar bəs sən vicdan əzabı çəkməyəcəksən?
- Sən onun fikrini çəkmə. Onlar səni asmayacaqlar ki. Onlar səni göz bəbəyi kimi qoruyacaqlar. Çünki sənin üstündə mərc gəliblər. Böyük məbləğdən.
- Nə?
- Hə, şərtləri də budur ki, səni it eləsinlər. Ona görə də sən onlara diri lazımsan ölü yox.
"Köpək" filmindən (1994)
Rejissor: Tofiq Tağızadə
Kapitalist sistemin iç üzünü göstərən film, köpəyə dönmüş məzlum insanlar, onların faciəsi haqqındadır. iş axtaran bir qrup insan oğurlanaraq qul kimi işlədilir. Eyni zamanda filmdə deyilir ki, hansı şəraitə düşürsə düşsün, qarşısına nə kimi çətinliklər çıxırsa çıxsın insan insan olaraq qalır.
+4 əjdaha
4. Bu gün izlədiyim və təsirində qaldığım film
Filmin mövzusu: "Qul bazarı"ndan iş adı ilə toplanan bir qrup adam varlı bir adamın evinə gətirilir. Burada işçilərə zülm edilir, onlar qul kimi işlədilir və dustaq edilirlər. Mövcud sistemə baş qaldıranları, etiraz edənləri işçi qrupundan ayırıb köpək qrupuna salırlar. Onları it kimi saxlayırlar, boyunlarına zəncir vurub, it daxmasına salırlar. Varlı adamın qonaqları olanda bu insanlar yuvalardan çıxarılıb mərc ilə döyüşdürülürlər.
Qəhrəmanımız sistemə boyun əyməmək üçün, insanlığını itirməmək üçün mübarizə aparır. Bu çox çətin mübarizədir. Hamının səndən üz döndərdiyi, sistemin qulu olduğu halda tək mübarizə aparmaq kimi. Bu cür şəraitdə azad olmaq çox çətindir. Film boyunca əsas obrazımızın insan qalmaq və azad olmaq uğrundakı mübarizəsinə şahid olacaqsınız.
+4 əjdaha
5. televiziyalarda çox nadir hallarda efirə verilməsi *
rast gəlməmişəm
və ya ümumiyyətlə efirə verilməməsi hazırda idarə olunma prinsipimizin filmdəkinə bənzər olduğuna işarədir *
əlbəttə bunu görmək üçün əslində bu işarəyə ehtiyac yoxdu
+2 əjdaha
3. hal-hazırki dövrümüzün acı reallığının öz əksini tapdığı azəri filmidir.ölkəmizin belə kino tarixi olduğu halda indiki çəkilən azəri filmləri belə bərbad səviyyədə olmamalıdır.
+2 əjdaha
6. Usta rejissor Tofiq Tağızadənin, ssenari müəllifi Loğman Kərimov, Ayrıca baş rollarda Məmməd Səfa, Fuad Poladov, Yaşar Nuri kimi aktyorların rol aldığı şedevr Azərbaycan filmi. Xüsusilə filmin gerçəkçiliyi adamı xeyli gərginləşdirir
hamısını göstər
