161. Get-gedə kütləşdiyimi hiss edirəm.
2 il əvvəlki və indiki entrylərimi müqayisə edəndə fərq hiss olunur. Ya sönmüşəm, bezmişəm, ya da həqiqətən yavaş-yavaş ağlım əlimdən gedir.
Həyatda ən çox maraqlanmaği sevdiyim mövzu tarix idi, primitiv məlumatlar belə yadımdan çıxıb.
Əvvəlki qədər analitik düşünə bilmirəm, bu hiss məni bezdirir. Kimləsə görüşməkdən də qaçıram, əvvəl özümə çox güvənirdim ki, görüşəndə bülbül kimi ötürəm.
Keçən gün elə də yaxın olmayan dostumla görüşəndə özüm belə şokda idim, nəsə danışmağa, harasa getməyə dair ağlımda ideyalar yox idi. Həmişə də qıraqdan təlaşlı görünürəm, amma elə hiss etmirəm. Hamı deyir niyə narahatsan? Özümdən asılı olmur.
Bunların fərqinə yeni varıram, ən yaxın 3-5 adamdan başqa çəkinirəm, qorxuram insanlarla görüşməyə. 2-3 ay görüşməyim deyə fırlatdıgım yeni insanları da bloka atdım qorxudan.
Dayazlaşmaq hissi nəfəsimi kəsir, görüm növbəti aylar nələr olacaq.