247. Hər il 15 sentyabrda 47 gün əvvəl devrilmiş kommunanın və güllələnmələrinə 5 gün qalmış, nəticə etibarilə heç bir səlahiyyətləri və gücləri olmayan bolşeviklərin işğal altında tutduqları bakının osmanlı ordusu tərəfindən azad edildiyini xarab radio kimi təkrarlamaları. Həmin vaxtda bolşeviklərin hakimiyyətdə olmadığına diqqət çəkirəm. Osmanlı ordusu gələndə hakimiyyətdə ingilis dəstəkli əksinqilab hökuməti dururdu, təbii ki, bizimkilərin götü çatmadığı üçün bolşevik daşnak yerinə ingilis daşnak deyə bilmirlər.
Azərbaycan tarixşünaslığı və məktəb dərslikləri ağlın düşmənidir, bu kitablarla tarix öyrəndiyini zənn edənin əqli sağlamlığını qoruya bildiyinə şübhə edirəm. Faktiki olaraq azərbaycan tarixçiliyi revizionizmə əsaslanır, stalinizmdən başlayaraq uydurma tarix yazıçılığı başladı, azərbaycana aidiyyəti olmayan şəxslər azərbaycanlılaşdırıldı, bundan başqa ölkənin bütün qeyri-türk xalqları azərbaycanlı kimliyi altında əridilərək bugünkü pan-türkizmin əsası qoyuldu, bundan ötürü hələ də insanlar azərbaycanın 91 faizinin türk mənşəli olduğunu zənn edir, 30-cu illərə aid talış əhalisinin statistikasına baxsalar bu insanların mütəmadi olaraq planlı şəkildə silindiyini görərlər. Bəs noldu bu insanlara, güllələndilər, sürgün olundular yoxsa başqa bir şey? Yox, heç biri olmadı, əvvəl də olduğu kimi yaşamağa davam etdilər, sadəcə etnik kimliklərindən məhrum edildilər, çünki stalinin millətlər siyasəti hər bir respublikadakı müvafiq hakim xalqın sayca da hakim xalqa çevrilməsini nəzərdə tuturdu. Bu, rusiyada ruslar, ermənistanda ermənilər, gürcüstanda gürcülər, azərbaycanda isə azərbaycanlılar idi. Stalinin ölümündən yarım əsr, ssri-nin tarixə qarışmasından isə 30 il keçməsinə baxmayaraq hələ də özünü alovlu milliyətçi və vətənpərvər adlandıranlar stalinizmin cəfəngiyyatından yapışmağa davam edirlər. Bu da azərbaycana və azərbaycanlılara xas xüsusiyyətlərdən daha biri.