170. Sözlük, bilmirəm niyə amma elə hissedirəm ki, bütün dünya dağılsa da mənə, ətrafımdakılara heç nə olmayacaq. Yəqin ki, həyatı bircə günün, bircə saatın içində dəyişən insanlar da hər şey baş verməzdən əvvəl belə düşünürmüş. Əslində düşünmək də deyil, inanmaq istəməkdi. Hər an hər şey baş verə bilər–bilirsən, amma inanmaq istəmirsən, təsəvvürünə gətirmək belə qorxudur.
Başqa? Bilmirəm. Dəyişsə nə olar həyatım? Bütün sevdiklərimi bir anda itirsəm? Ya da onlar məni itirsə? Bilmirəm.
Bax belə, düşündükcə düşünürsən, demək olar, bütün sualların cavabı da "bilmirəm" olur. Bir yerdə yorulub "hər şey yaxşı olacaq" deyib keçirsən.