174. Bu gün nə edəcəyimi bilmirəm, günlük. Deyəsən bu gün günlüyə bu saytda yaşadıqlarımı və reaksiyamı yazmaq istəyirəm. Bu sayta girdiyim gün əsasən LGBT söhbətlərinə görə linç yemişəm. insanlar sırf başqalarını qıcıqlandırmaq üçün yazdığımı zənn edir. Daha anlamırlar ki, qardaş, maraqlandığım, az-çox bildiyim mövzu elə budur da. Bilmədiyim şeydən maksimum nə yaza bilərəm ki? Və açığını desək, burada homofob bir kütlə var. "Niyə gözə soxursan?" deyən kim, umbaylanmağımı istəyən kim (təbrik edirəm, qayda pozduğum üçün umbaylanmışam onsuz). Niyə gözə soxursan deyənlər üçün sadəcə bunu yazmaq istəyirəm;
1)Çünki heteroseksual olmağı dayandırmaq üçün heç bir yerdə təlimat və ya “terapiyalar” yoxdur;
2)Çünki dünyada elə bir ölkə yoxdur ki, heteroseksual olmaq qeyri-qanuni olsun və ya öz heteroseksuallığına görə həyati təhlükə ilə üzləşəsən;
3)Çünki heteroseksual nikahların qanunsuz olduğu ölkə yoxdur;
4)Çünki heç kim heteroseksual oriyentasiyana görə səni təhqir etmir və sənə hücum etmir;
5)Çünki heç kim geyinib-soyunma otağında(məs., hovuzda və ya məşq zalında) heteroseksualla birgə olduğuna görə şikayət etmir;
6)Çünki heteroseksualların təqibinə, onlara hücum etməyə və məhv etməyə yönəlmiş radikal və ya dini qruplar mövcud deyil;
7)Çünki heç bir din özünü anti-heteroseksual elan etməyib;
8)Çünki heçbir valideyn deməz ki: “qoy lap uşağım narkoman olsun, amma heteroseksual olmasın” və öz övladını heteroseksuallığa görə evdən qovmaz;
9)Çünki heteroseksual qəhrəmanları olan filmlər, kitablar, tamaşalar və ya reklamlar qadağan olunmur;
10)Çünki heteroseksuallıq heç vaxt heç kim tərəfindən cinayət hesab olunmayıb.
Gözə soxuram, bölüşməyə çalışıram, tək sözlükdə deyil, hər yerdə. Sözlük də mənim üçün bir alternativ çıxışdır. Hə, bu arada, sözaltı məndə bağımlılıq yaratmağa başlayıb, sevdim buranı. Nəysə, boş verin, yenə boş-boğazlığa başladım.