1. əsir götürülənin əsir götürən insana duyğusal olaraq bağlanması kimi izah edilən psixoloji vəziyyət.
psixiatr nils bejerot tərəfindən adlandırılan bu sindromun adı 1973-cü ildə isveçin paytaxtı stokholm şəhərində baş verən bir hadisədən qaynaqlanır. bank soyğunçusu tərəfindən 6 günlük əsir götürülən bir qadın soyğunçuya duyğusal olaraq bağlanır. sərbəstliyinə qovuşduğu zaman soyğunçuyu müdafiə etməklə yanaşı, nişanlısından ayrılıb həmin soyğunçuyu həbsdən çıxana qədər gözləyir.
bu sindroma bir çox əsirlərdə rast gəlinmişdir.