11. insanlar arasında "saf", "avam", "tifil", "asosial" kimi yersiz və qıcıqlandırıcı etiketlərə məruz qalmaqdır ilk növbədə. Təbiidir, hər gün qarşısından keçdiyiniz bağçanın ya məktəbin həyətinə çox yox, 2 dəqiqə nəzər yetirin. Əyləncəsi ilə digərlərinə zərər verməyən, səs kirliliyi yaratmayan, "sakit" neçə uşaq görəcəksiniz ki? Azlıq bəzən dəyərli, bəzən də anormal olaraq qəbul olunur. internetdən yanlış istifadənin uşaqların təbiətini zəhərlədiyi bir əsrdə "sakit uşaq olmaq" məncə, xüsusi bir istisnadır. Uşaqlığını sakit olaraq keçirmiş, uşaqlarına uşaq yox, əhliləşdirilməmiş heyvan qəlibi verən cəmiyyətin yetirmələri arasında böyümənin mənfilərini də ən az müsbətləri qədər dadmış birisi olaraq, mənim gözümdə "sakit uşaq olmaq" həmişə üstünlük, "hiperaktiv uşaq olmaq" həmişə anormallıq əlaməti olacaq.