18. satanizm, başlıca klassik satanizm, ateistik satanizm, luciferianizm kimi bir çox qola ayrılır amma ən yayğını və köhnə olanı spiritual satanizmdir və məntiq eynidir:
kainatı yaradan əsl böyük tanrı şeytandır və şeytan eynilə politeist dinlərdəki kimi özünə başmələklər kimi köməkçilər yaratmışdır və bunun yanında əzəldən bəri var olan bəzi varlıqlar da vardır. bütün bu varlıqların bir rolu vardır və allah da bunlardan biridir. amma allah, şeytana qarşı gəlir və özünün ilah olduğunu deməyə başlar, inqilaba cəhd edər. yəni allah egonu təmsil edən tanrıdır. allah, şeytanla mübarizə etmək üçün insanlara əsl tanrının özü olduğunu iddia edən saxta dinlər göndərər və saxta peyğəmbərlər seçər. beləliklə insanlar, əslində yaxşı olan şeytanın pis olduğunu, əslində gerçək tanrının allah olduğunu sanaraq doğru yoldan dönmüş olarlar. yəni satanizmə görə allah ilə şeytanın rolları dəyişir ümumi götürsək. bu başlıqdakı digər entrylərə və satanizmin ətrafımızda necə bilindiyinə baxsaq əsasən pişik kəsmək və bakirə qızları qurban verməkdən ibarət sanılır, amma bunların satanizmə dəxli yoxdur. satanizmin fəlsəfəsi, böhtana uğramış tanrını qorumaqdır. çünki şeytan, bizə ən çox bənzəyən, iftiraya uğramış, sorğulayan, qarşı gələn, məntiqi təmsil edən və insanlara xidmət edən tanrıdır.