149. Yaltaq insanlar. Yaltaqlıq Azərbaycan əhalisinin böyük bir hissəsinin xarakterinə xas özəllikdir. Yaltaqlığın mütləq altında nəsə səbəb yatır. Ya vəzifə üçün yaltaqlıq edirlər, ya insanların içində sevilmək üçün yaltaqlıq edirlər, ya qorxudan yaltaqlıq edirlər ki, sabah birsi gün başlarına pis birşey gəlsə ortaya detal kimi qoysunlar. Heç kim sevgidən və ya hörmətdən yaltaqlıq etmir. Ona görə də biraz ağılı müdrikliyi olan insanlar, ətrafında yaltaq insan görməyi xoşlamırlar. Çünki işdir həmin sistem və ya həmin insan dövran dönüb çöksə, ona ən birinci qarşı çıxan və ona qarşı mübarizə aparan insan elə ona yaltaqlanan insan olur. Necə deyərlər bir növ gəmi batmağa başlayanda, gəmini birinci tərk edən insan da yaltaqlıq edən insanlar olur. Yaltaq insan həmdə haradasa yalançı insanda deməkdir. Bu insanlardan uzaq durulası əsas səbəblərdən biridə budur.

Yaltaqlıq edən insan mütləq bunun altında nəsə güdür, 1 qram belə olsa içində nəsə bir istək olur, buda özünü yaltaqlığla biruzə verir. Yaltaqlığ edən insan nəsə əldə etsə də, bu səfərdə qorxudan yaltaqlığ etməyə başlayır ki, əldə etdiyini itirməsin. Ona görə də nə bir hörməti olur, nə də bir gücü (Hər mənada). Birdə var heçnə əldə etməyəcəyini bilərək yaltaqlığ edənlər. Yəqin ölkə də görüb hələdə çox qəribsədiyim insan modeli budur. Oturub hansısa rayonun google mapsda çıxmayan kəndində, həm mədəni baxımdan həmdə insanı baxımdan inkişaf etməmiş biri, başlayır vvhatsapdan, nəbilim instadan, zaddan vəzifəli şəxslərin, yada hakimiyyətdəki insanların şəkillərini qoyur. Onlara məthiyələr düzür. Belə insanları həqiqətən anlamıram ki, bu nədən ibarətdir? Özü üçün şou göstərib prestijli durmağa çalışır bəlkə? Kim olur olsun nə üçün olur olsun yaltaqlıq edən insanlar haqqında sadəcə bunu deyəbilərəm ki çox iyrənc görünür.

"Dünyada həqiqəti söyləmək qədər çətin,
Yaltaqlanmaq qədər asan bir şey yoxdur."