12. Düzgün düşünmə qaydalarını öyrədən elm.

Məntiq elminin ortaya çıxış məqsədi fəlsəfəyə giriş mahiyyətində olub. Yəni fəlsəfəçi olmaq istəyirsənsə əvvəlcə məntiq elmini öyrən. Aristotel fəlsəfəyə giriş üçün "orqanon" adlanan kitab seriyası yazır. Yanlış xatırlamıramsa kitablara bu ad aristotel tərəfindən yox daha sonralar verilib. Orqanon sözü də alət mənasına gəlir. Yadda qalsın deyə fəlsəfə elminin toolbox'u deyə düşünə bilərsiniz.

islam dünyasında mədrəsələrdə məntiq elminə giriş üçün ilk oxudulan kitab əsasən əsirəddin Əbhəri'nin "isgaoci"si olub. ikinci mərhələdə isə tələbələrə Katibi'nin "şəmsiyyə" risaləsindən dərs verilib.

Bu arada ibn Sina'nın məntiq əsərlərində verilən misallar mənə aristotelin verdiyi misallardan daha xoş gəlir. Çünkü ibn Sina riyaziyyatdan misallar verərək məsələləri izah etməyə çalışır, aristotel isə biologiyadan və sair. Tədris zamanı riyaziyyatdan misal verməyin daha yaxşı olduğunu məntiq kitablarındakı statement'lərə (türkcə: önerme) baxanda görəcəksiniz.