393. Bu gün əsrlər sonra kimləsə flirt etdim, buz tutmuş qəlbim diqqət bombardmanı qarşısında bir pişik balası kimi müdafiəsiz qalıb ərimək qərarına gəldi, daha düzü silsiləvi lovebombing ilə o həddə gətirildi. Amma sonra düşündüm ki, bu buzların əriməsi dünyanın gələcəyi üçün təhlükə təşkil edir, aysberq əlinə su tökə bilməz qəlbimin yanında, o qədər qəm yükü və itmiş sevgilərlə doludur ki. Zarafat bir yana, başa düşdüm ki, proper münasibətə (əyriağızlar kimi arada ingilis sözləri işlətmək istəmirəm amma proper əvəzinə 'fərli/düzgün/əməlli-başlı' yazsam mənası itir sözün) uyğun deyiləm... hmm, çox sadə səbəbi var - çünki heç vaxt yaşamamışam. Kimləsə oturub şərab içə bilmərəm, birlikdə film izləyə bilmərəm, eyni çarpayını bölüşə bilmərəm (he really knew how to cherish). Mən bütün bunları tək etmişəm, və bunun dəyişməsini də istəmərəm deyəsən. 17 yaşımda olsa bura poe'dan alone şeirini yapışdırardım, indi o ruh yoxdur.Ona görə də, çətin də olsa, bloka düyməsinə basmağı bacardım, saatlarla sürən mənəvi böhrandan sonra.