171. Mən var dövlət filan istəmirəm. Amma istəyərdim ki, 3 yaxın dostum, orta gəlirli peşəm olsun. 3 dost olmasa da olar, lap olsun 2. Amma əsas odur ki, canlara dəyən oğlanlar olsunlar. Bir də adi bir balıqçı qayığı olsun. Üstündə kiçik bir yelkən olsa da olar, olmasa da. Bu qayıqla dənizləri fəth edim. Havay adalarından vurum, Solomon adalarından çıxım, Ficidən Marşal adalarına gedim. Səhərləri başımın üstündə uçan qayağıların və okeanın səsi ilə açım. Yeməyim balıq, içməyim rom olsun. Bir də istəyərəm ki, Azərbaycanda, sonra isə bütün dünyada proletar diktaturası qurulsun, amma bu indiki dövr üçün bir az çətindir. Qalanlarını etməyə çalışıram.