Bu gün 2011-ci ilin hər yeni ilini qeyd etmək üçün getdiyimiz köhnə evin dağıldığını eşitdim.
2000-lərin əvvəli 30 dekabrda ailəcək tamam təşviş içində idik. Hər kəs səhər tezdən oyanıb yapışdı bir işin qulpundan. Bayram ab-havası idi, onun təlaşı idi. Yeni ili rayondakı köhnə evimiz vardı həmişə orada keçirirdik. Yenə də, yeni il gəlirdi deyə orada qeyd etmə qərarı almışdıq. Çox vaxt oranın yolları bağlı olur deyə əvvəlcədən getmək gərəkdir. Ailəcək toplanıb sıxasıxla mindik maşınımza. 3 qardaşın 3-ü də tam bir düzənbaz idik. Ona görə də hər kəs özünün ehtiyacı olan şeyi gizlincə keçirtməyə çalışırdı. Bir ay kimi uzun müddət olmayacaqdıq. Mən də bir il müddətində yığdığım məmmədlərlə bir blok siqaret almışdım. Normalda siqaret çəkmirəm heç illərlədir ki, çəkmirdim. sadəcə sıxıntılı olurdum. Ərgən beyni. Nə isə, çatdıq balaca evimizə. Atam, mən, mama, bacım, məndən əlavə də iki qardaşım. Bayram üçün də hər şeyi hazırlamışdıq. Tək qalırdı evi hazırlamaq, bəzəmək. Bunu da yavaş-yavaş edirdik. Deməli, 3 qardaş bir bacı düşüb, əmək biliyimizo göstərirdik. Məktəbdə törə adlı müəllimim vardı. Elə hamımızın müəllimi idi. Sağ olsun, qəşəng şeylər öyrətmişdi bizə. Evdə kağızları bir-birinə keçirdib zincir hazırlayırdıq. Bacım və ən balaca qardaşım kəpənək hazırlayırdı. Mən də düşüb odun yarırdım əksər vaxt. Gecə soyuq olurdu və rayon yerində də radiatr qoşmaq ağla, məntiqə sığışmırdı. işıq onsuz sönür, ona görə də odun peçi işlədirdik. Odun peçi üçün də odun gərəklidir. Bu işə də mən baxırdım.
Ayın 30-u səhər tezdən qalxdıq. Anam və bacım “staliçni” salat, yarpaq dolması, aş (dovğa), toyuq qızartması, tort və düyü süzəcəkdilər. Ayın 31-nə çatdırmalı idilər. Kiçik qardaşım əksər vaxt onlarla qalırdı. Yardım üçün. Ortancıl qardaşıma evi bəzəməyi tapşırırdıq. Əmək qabiliyyəti hər kəsdən üstündür. Mən də, atamla birgə düşüb odun yarmağa davam edəcəkdim.
Ayın 29-undan başladı möhkəm qar yağmağa. Ailəcək otururduq işığın sönməyini gözləyirdik -*. Radioaya qulaq asırdıq, şamın qabağında dovşan, quş kimi heyvanların quruluşunu əllərimizlə təqlid edirdik. Amma çox vaxt tam edərkən balaca qardaşım əlini şamın əriyən hissəsinə batırıb şamı sıxıb söndürürdü. Şam qurtarana kimi oynayardıq özümüz üçün. Radioya məndən başqa təkcə atam gedərdi. O da xəbərlər üçün. Xəbərlər bitəndən sonra gün boyu mütəmadi olaraq bu mahnı gedirdi. Mən də aparıb qoyurdum odun doğradığım yerdə qulaq asa-asa başlayırdım odun doğramağa. Ayın 30-u 29-undan başlayan qar səbəbilə yaman günə düşmüşdü yarım metrdən çox olan qar iliyimi dondururdu axşam 6-da. Özüm üçün bir cığır açmışdım, odunumu doğrayırdım. Və birdən elə linkini paylaşdığım mahnı radioda çalınırdı. O mənzərəni görməli idiniz. Çöldə möhkəm yağan qar, pəncərədən masanın ətrafında toplaşan ailə, burnumun qızartısı, baltam, gizlətdiyim siqaret. Möhtəşəm mənzərə idi. Mahnının sədaları altında cibimdə gizlətdiyim siqaretdən birini gizli-gizli yandırdım. Başladım çəkməyə -*. Gözəl mənzərəni çox gözəlləşdirmişdim. Sonra da odunları götürüb qaçdım yerimə. Səhəri gün oyanıb ailəcək köhnə ilin son gününün dadını çıxardırdıq.
O anları yenidən yaşamaq istəyərdim. Bilirəm, indi geri qayıtmağım mümkünatsızdır, çünki o xatirədən edə biləcəyim tək şey indi də etdiyim kimi illər sonra siqaret çəkə bilməyimdir. Atam vəfat edib, bacım tamam ölkənin tamam ayrı bucağında, ortancıl qardaşım mənlə ölənə qədər danışmayacağı sözünü verib. Anamın ayaqları isə tutmur. Ən kiçik qardaşım da Türkiyədədir... Ancaq yeni ili tək də olsam, orada keçirdəcəm.
199. çoxlu xatirələrimin, danışacaq hekayələrimin olması. pis yada yaxşı fərq etmir. həyatı sıxıcı, şəffaf bir şüşənin arxasından izləyirsinizsə sizin üçün hər xatirə bir xəzinədir. kassirin sizə gülümsəməsindən tutun, küçədə özünü ayağlarınıza sürtən pişik balasına qədər. xatirə, günün sonunda sizi heç tanımayan birinə özünüz haqqında nəsə danışa biləcəyiniz deməkdir. xatirəsizlik insana başına gələn ən travmatik hadisələri belə sevdirir. onları heç kimə danışmırsız, bəlkə utanırsız yada drama queen kimi görsənmək istəmirsiz. amma yenə də içinizdən həmin xatirəni sahiblənirsiz, sevirsiz. çünki gözlənilməz, rutindən kənar idi. səhər-günorta-axşam yemək yeyib yatmaqdan, hər gün eyni otağda eyni şeyləri etməkdən fərqli idi. pis xatirələr heç xatirəsi olmamaqdan yaxşıdır, bəli. çünki beyniniz onları hardasa yaxşı formaya sala bilir, heç yoxdan onlara təcrübə gözü ilə baxa bilirsiz. digər tərəfdən heçliklə heçnə etmək olmur. olduğunuz yerdə qalırsız. yada əslində olmadığınız yerdə. nəticədə xatirəniz yoxdur. ətrafımdaki bir çox insannan fərqli olaraq səyahət etməyidə bu səbəblə istəyirəm. xoşbəxt olmaq üçün yox, hekayələrimin olmağı üçün. (baxma: harada deyilsənsə orada xoşbəxtsən)
42. masabaşı yox, yataqbaşı işim olsun. yataqdan çıxmadan yaşamaq isdiyirәm. bir otaq, kompüter, düz yatağın yanında unitaz, soyuducu zad. telefon olsun yemәyimi sifariş edim, arada dost tanışı çağırım falan.
158. Dişi pişik valideyni olmaq. istəyirəm min bir əziyyətlə baxıb böyüdüm, sonra özü üçün yaşasın, məni saymasın. Doğandan doğana gəlib balalarını üstümə atıb getsin yeni eşqlərə yelkən açmağa-*. Mən də arada "a qəhbə, gəl yetimçələrinə yiyə dur", "yenə hansı küçə pişiyinin qucağında miyoldayırsan" – deyinə-deyinə nəvələrimi böyüdüm.
7. tranzit yollarda irihəcmli hündür uzun kamazlar olur. ölkələrarası yük daşıyırlar nəsə. hə həmin kamazın üstündə böyük hərflərnən "ağaoğlu, beş kardeşler, karahanlılar" zad yazır. həmişə istəmişəm mənim də soyadım orda yazılsın. çox istəmişəm. həyatda buna görə mübarizə aparıram desəm biraz pis səslənər. ama belədi.
165. əvvəllər uşaq ağlı ilə hamı kimi çoxlu pulumun, maşınımın, evimin olmasını istəyirdim. indi isə tək istəyim bütün dünyanı gəzə biləcək qədər pulum və sağlığım yerində olsun. hə, bir də kafa dengi sevgilim olsun. bütün dünyanı tək gəzə bilmərəm.
143. Övladımdan öncəki zamanlarda bütün arzularım özümlə bağlı idi. O doğulduqdan sonra isə yalnız onunla bağlı xəyal qura, arzu edə bilirəm. insanın övladı olanda bütün eqosu bitir. Yalnız günbəgün inkişaf edən o balaca can haqda düşünə bilir. Mənim həyatdakı ən böyük istəyim onun rahat və xoşbəxt həyatı olmasıdır. Onun çox savadlı, dünyanın ehtiyacı olacağı bir insan olmasıdır. Və bunun üçün bacara bilmədiklərimi belə bacaracağıma söz vermişəm. Ona bildiyim bütün elmləri öyrədəcəyəm ki, o da öyrətməyi və öyrənməyi bacarsın. Bu dünyada bir iz qoyub getməyi bacarsın. Düşünürəm ki, biz bunu bacaracağıq.
132. Bütün bağlılıqlardan xilas olmaq. Hələ də unuda bilmədiyim ilk sevgidən,mən bataqlıqdan çıxmağa çalışdıqca məni özünün də boğulduğu bataqlığa çəkməyə çalışan qohumlardan,ən ağırı isə xilas olmağı istəməsəm də məcbur tərk edəcəyim ailəmdən xilas olmaq istəyirəm.Özümü rahat və azad hiss eləmək istəyirəm.Sadəcə canım istədiyi üçün bir şeylər etmək istəyirəm.Amma bacarmıram,çünki zəncirləri qırmaq üçün kifayət qədər güclü deyiləm.O gücü qazanacağım ilk an yenidən yüksələcək və öz dünyamın hakimi olacam.
210. O gün olsun sözaltınında youtube kanalı olsun və timidus hər ay fərqli yazarla question and answer tipli videolar hazırlayıb həmin kanalda paylaşsın.
21. neçə illərdir nə arzulamışamsa həyata keçmişdir. o qədər fürsətli olmuşam ki ilk məktəbi belə xaricdə oxumuşam. üniversite illərimi də orda bitirmişəm. hər kəsin arzzulayacağı bir şeydir elə deyilmi? bunun fərqindəyəm. hətta arzuladığım işdə belə işləyirəm. gəlirimdə qane edicidir. həmişə arzulamışamdır. sevdiyim qız belə mənə hə deyib. artıq evlənmə dönəmindəyik də hətta. çox şanslıyam çox. bütün bunlar olarkən belə həmişə hər şeyin yaxşı olacağına inanmışamdır. bəlkə də bunun üçün bu qədər şansım yavər gedib. tək arzum tam dört qızımın olmasıdır.-* onlar üçün xüsusi ümidlərim, xəyallarım var. buna ürəkdən inandığım üçün tanrı bu arzumu belə həyata keçirəcəyinə inanıram. hər şeyi xəyal edirəm deməklə heçnə əldə olunmaz. əllərin bomboş qalar. sadəcə arzu et və buna inan.
172. 1. salamat ieltsi vermək may ayına qədər (min. 7.5, o kadar)
2. yaya qədər nə qədər mümkündürsə, python öyrənmək (təbii ki, ondan sonra da öyrənmək)
3. gələn il macarıstana təqaüd ilə getmək (stipendium hungaricum)
uf bu 3ü olsa, çox babat olare, corvinusda babat əyləncə, partylər olur, alınsa, əla olar. çələb allah nəsib etsin
196. Dəyişkən insan olmaq çətindi sözlük. Uşaq vaxtı dəniz qulduru, rodeoçu(?) *
o atı sürənə nə deyirlər bilmirəm
, arxeoloq zad olmaq istəyirdim. Böyüdüm və eyni zamanda həm yuxarıdakıları həm də plus olaraq alpinist, bar sahibi, biznesmen, və hentai artisti olmaq istəyirəm. Axırda deyəsən koroğluda dilənçi olacam bruh
88. dünya səyahəti.
bir gün bütün dünyanı gəzə bilmək.ilk olaraq avropadan bashlayib asiyayla davam etmək.afrikada safaridən sonra avstraliyaya baş çəkmək,daha sonra cənubi amerikanı gəzib bitirib,meksikadan etibarən isə bir karavanla yola davam etmək.hər qəsəbədə biraz zaman keçirib kinoya baxmaq,kitablar,musiqi,gecə,və yolu alyaskada bitirmək.
159. Bir ev alıb orda tək yaşamaq və işləyib pul qazanaraq səyahət edib dünyanın dörd bir yanından xatirələr toplamaq və eyni zamanda əylənmək. Rock/metal konsertlərinə getmək və tək yaşadığım evə döndükdə sahibləndiyim pişiyimin məni qarşılaması. Bekar qaldıqda isə evdə mahnılar ilə coşmaq
9. dәniz kәnarında ev. 2 mәrtәbә. birinci mәrtәbәsi pub, ikinci mәrtәbәsi yaşamaq üçün. işimlә evim bir yerdә olsun. yoxsa, hәr sәhәr tәlәm tәlәsik evdәn çıxıb, bir dә gecә qayıtmaq istәmirәm. ancaq düz dәnizin dibindә olsun. ya 3-4 metr mәsafә olsun, stol qoyub oturula bilәcәk, ya da elә dibindә. ha bir dә, kitabxana vә kamin olmazsa, olmaz.
mümkünsə mükәmmәl bir hәyat yoldaşı. mümkün deyilsә, әn azından kafa dengi bir hәyat yoldaşı. mәn onu zamanla mükәmmәlә çevirәrәm -*
il әrzindә temperaturu 18-20 dәrәcәni keçmәyәn bir ölkәdә özü dә. ilin böyük hissәsinin yağışlı keçmәsi dә arzuolunandır. ancaq külәkli olmasın bakı kimi.
balaca bir yaxta blәt. uzağı 3-4 nәfәrin sәyahәt edә bilәcәyi. yaxtanın içindә dә balaca bir bar pis olmazdı.
194. azərbaycanımın bu coğrafiyada ulduz kimi parıldamasını istəyirəm. istəyirəm ki, gənclərimiz xarici ölkələrdə normal yaşam axtarmasın. şengen vizası almaq üçün növbələr olmasın və ya green card üçün yanıb tutuşan bir gənclik istəmirəm. istiyən yenə getsin amma söyə-söyə yox. hamı rahat həyat yaşaya bilsin. hamı öz sözünü desin qorxmadan. qərbdən fonlanan bəzi gicdillaxların söz azadlıqlarını yox. xalqın içindən çıxanlar etsin bunu. təhsilli gənclərimizi görmək istəyirəm. ölkəmizi xaricdə ermənistanın qonşusu kimi tanınması reallığı var. nazirlər qəhbələr yığması olmasın. arzum budur ki, uçurum olmasın arada. insanları qaqalar, milliyətçilər, liberallar deyə bölməyək. lgbt üzvü də olsun, milliyətçi də , liberal da amma hamı bir ali məqsəd üçün yaşasın. xoşbəxtlik, bəli hər kəs bu ölkə də hamının xoşbəxt olması üçün yaşasın. normal bir iqtisadiyyatımız olsun,sensurasız kanallar, sabun köpüyü olmayan ziyalılar. bəlkə mən bu günü heç vaxt görmüyəcəm. niyə axı biz hansısa anqlo-saksonun babalarının qurduğu demokratik ölkələrdə yaşıyaq. axı biz bunu yaratmağa qadirik. çox gərginləşirəm düşünəndə bunu yarada bilməmişik. allahdan karma istiyənləri görəndə əsəbləşirəm, hərşeyə razı insanları görəndə əsəbləşirəm. bu sözlükdə fərqli ölkələrdə olan insanlar var. onlar öz ölkəmizdə olardı, ehtiyac yaranmazdı xaricdə olmaqlarına kaş heç. yenə axşam-axşam qəhər boğur.
49. sözlüy yazarlarını hamını bir arada görməy istəyirəm,hətta arada bunu xəyal edirəmki ,hamı bir masa ətrafında əyləşib,məndə kənardan baxıram olara.
190. öz şirkətimi açıb pimp olmaq.
işçi və müşətərilər hazırdı tənbəl olmasam.
bu arada pimp sözü azəricə oğraş tərcümə edilib ehe. ya da qurumsaq. wtf.
151. dostum qayıtsın istiyirəm sözlük. bilim isti evindədi və durub su içməyə də ərinir, bəsimdi. ama indi yaxşıca doymuş, təmiz və isti geyimdə, yatmış olduğunu fikirləşəcəm. gandalf necədi, xiyarə? təlxəy dı green'dən salam deyərsən. *
qoy o şəpiti. darıxıyorussss
102. düşünmədən güvənə biləcəyim, heç zaman yalan danışmayacağına əmin olacağım, həmişə sevəcəyim və məni sevəcək, biryerdə xoş günlər keçirəcəyim gözəl bir insan. indiki vaxtda çox çətindir həmin insanı tapmaq. artıq güvən qalmayıb kiməsə. o insanı tapsam, əlavə heç nə istəmirəm.
38. divar boyu uzanan kitabxanamın olması, hip-hop albomlarından kolleksiya vs vs. çoxdur. özüm üçün yaşamaq istəyərdim. kirayə də olsa, bir evim olsun, kiçik və köhnə əşyalı. soyuducuda içməyə hər cür şey olsun, evdən bayıra həftədə bir dəfə çıxım. təki o yalnızlığı yenidən dadım. tanrıyla təkbətək qalıb söhbət edə bilim, vicdanımla üzləşim istəyərdim. mən sonsuz xoşbəxtlik düşünə bilmirəm. hər şeyi yarıda ölüm kəsir. elə ona görə də bunları boş ver, mən əsas ölümü arzulayıram.
137. Ailəmdən uzaqlaşıb öz şəxsi evimdə yaşaya bilmək üçün yaxşı ekonomik vəziyyətə sahib olmaq. Özümə yetəcək boyda ev,evin ortasında fortepiano. Əsas fortepianodu,işdən gəlirəm,yorğun iş gününün ardından ruh halıma uyğun bir əsər ifa edirəm. Bütün yorğunluğum barmaq uclarımdan pianonun klavişlərinə ötürülür,ortaya ecazkar səslər çıxır. 28-30 yaşa qədər yalnızlığımı piano ilə örtbasdır edə bilərəm,özümü ovuda bilərəm. Amma insan bəzən pianonu ifa edən zaman təsadüfən sevdiyin adamın sakitcə arxadan gəlib çiynivə öpüş qondurmasını istəyir.
164. dostunun, sevdiyinin olmamasının gətirdiyi lükslər olsa da, insan onu anlayan birini arzulayır, axtarır. çətin günlərində səmimiyyəti ilə qəlbi isidən, könül oxşayan, qəlbi riqqətə gətirən, anlayışlı, bihudə fikir və əməllərdən uzaq birini arzulayır insan.
130. Yatmaq istəyirəm.Huzurla yatmaq,rahat yatmaq,hər gecə vicdan əzabı və keçmişdəki səhvlərin boğazımdan yapışmadığı bir yuxu.özümə nifrət qusmadığım bir yuxu.
92. söz ehtiyatımı artırmaq. normal fikrimi çatdıra bilmirəm. entrylərimdə eyni sözü yeddi dəfə işlədirəm. arada oxuyuram daha əvvəl yazdıqlarımı özüm iki üç dəfə oxuyub başa düşürəm gör indi oxuyucular necə anlıyır yazmaq istədiyimi.
213. ölkənin hər bir vətəndaşının öz ölkəsi ilə həqiqətən fəxr etdiyi dövlətdə yaşamaq. bu ölkənin vətəndaşları başqa ölkələrin vətəndaşlarına həsəd aparmasın, doğma ölkəsi ilə daim qürur duysun, yaşadığı ölkədən bezməsin, əksinə sevinsin ki, belə bir ölkədə yaşayır. bir vətəndaş kimi bütün hüquqları qorunsun, aldığı əməkhaqqı ilə istədiyi hər şeyi etməyə qadir olsun. insan kimi yaşamaq haqqı olsun. özünə "mən bu həyatı doya-doya, istədiyim kimi yaşayıram" deyə bilsin. özünü, qarşısındakını aldatmadan desin bu sözü. ölkədə dilənçilərin, yaxınları üçün kasıblıq ucbatından yardım istəyən insanların olmadığı bir ölkədə yaşasın.
"siz yardım edilmiş yoxsulluq istəyirsiz, biz isə aradan qaldırılmış yoxsulluq."
~ viktor hüqo
bu arzu gerçəkləşəndən sonra onsuz da başqa arzular da öz-özünə gerçəkləşəcək.
85. həyatımın qalanını bir bitki kimi yaşayıb ,bu dünyadan ayrılmaq.bilmək istəyirəm, hərəkətsiz necə qalınır ,bilmək istəyirəm, istəmədən necə külək silkələyir məni,heç soruşmadan dərilmək necə olur,ayaq altında qalmaq ,susuzluqdan solub tökülmək ,səhər erkəndən üzərimə düşən şehi hiss etmək, səhər mehində az da olsa rəqs etmək ,yağışın altında boynumu büküb titrəmək ,sonra günəşi görüb ona doğru dikilmək ,insan olmaqdan imtina etməyin verəcəyi o sevinci dadmaqdır arzum .
)