454. əziz günlük. gün sonunda ilahi düşüncələrə qapıldım. müsəlmanam, doğrudur. amma mənim ilahi aləmə baxış bucağım daha fərqlidi. durmadan məni düşündürən bir sual var. mən nə istəyirəm? nə üçün bir şeyləri əldə etdikdən sonra yenədə daha çoxuna göz dikirəm? daha çoxunu və daha gözəlini arzulayıram? niyə mənim içimi yeyib bitirən bu yüksəlmə istəyi var? etdiklərim mənə çox yetərsiz gəlir? nəticədə tanrının məhsuludur insanoğlu. bəlkədə insanın məqsədidir tanrıya bənzəmək. öz yaradıcısını yüksək səviyyədə təmsil etmək və ona yaxınlaşmaq. məncə budur bu sualın cavabı. insanoğlunun bu qədər çabalaması nə üçündür axı? insanlar durmadan bir yerə tələsir, əziyyət çəkir və daha çoxu. sanki bütün bunlar əbədiymiş kimi. ətrafda gördüyüm heç bir şey mənalı deyil. insanoğlu əzəldən məna axtarışında olub onsuzda. ağlasığmaz böyük "şeylər" var mənə görə. kəlmələr yetərsizdir ifadə etməyim üçün. eləbilki bir "səbəbə"," qüvvəyə" doğru çatmağa çalışıram. sanki hər qərarım, hər addımım "ona" doğru istiqamətlənir. istəməsəm belə. dəli deyənlər belə var mənə. amma vecimədə deyil ətrafın dedikləri. inanıram. bu inancım qram belə olsun sarsılmır. bir gün "yüksələcəyimə" inanıram. bir gün bitmək bilməyən "məna axtarışı" arzuma çatacağıma əminəm.