69. Avtobus dayanacaqlarında on qəpiyə satılan "peraşki".
içəridəki xalanın altı saatdır peraşki bişirdiyi yağın içinə atılan iki mininci peraşki.. özündən əvvəlkilərin ruhunu özündə daşıyan o peraşki… Çox vaxt ortada bir dənə dərin nəlbəkinin içinə dökülmüş sos olurdu, hamı peraşkisini onun içinə batırırdı. içində kartof olmasa da çox dadlı olurdu. 90-cı illərin qazet kağızlarına büküb verirdilər, üstündə turqut özalla heydər əliyevin şəkli olurdu. sonra da yağlı əlini cibinə salıb daha bir on qəpik axtarırdın.
Sanitariya anlayışının mövcud olmadığı, konfet korobkalarının üstündə nazpəri dostəliyevanın şəklinin olduğu, aygün bəylərin kepka taxmadığı, şəfanın sevgi qatarını ilk dəfə oxuduğu... gözlə, gözlə, hara gedirsən?!