7. azərbaycanda (baxma: ultras) və (baxma: hooligans) mentalitetini özündə cəmləşdirən azad futbol azarkeşi qrupu. 2009-cu ildə azarkeş qrupu kimi yaranmasa da, daha sonralar ultras qruplaşmasına çevrilmişdir. imarətin üzvləri 90 dəqiqə ərzində tribunada oturmamalı, bəstələr oxumalı, komandasına təmənna güdmədən dəstək olmalı, digər komandaların ultras qruplaşmalarına öz gücünü göstərməlidir. "azərsun arena"da sektor 1a, tofiq bəhramov adına respublika stadionunda isə 1 sektor imarət tayfa tribunasına aiddir.

imarət adı qarabağ futbol klubunun ilk stadionu olan imarət stadionunun adından götürülmüşdür, fan klubun ən böyük ideoloqu allahverdi bağırov və 2-ci qarabağ müharibəsində şəhid olmuş məhəmmədəli ibrahimlidir.

hazırda tribunanın sloqanı şəhid məhəmmədəlinin dediyi "qələbə sadəcə inamdır" fikridir. azərbaycanda tribuna və ultras mədəniyyətinin formalaşmasında çox böyük rolları olmuşdur.