23. Övladımın yanında (kiçik yaşlarında) telefon, kompüter kimi şeylərdən istifadəni minimuma endirib, əsasən, kitab oxuyacam. Uşaq ətrafında nə görür onu vərdiş edir. Amma təbii ki, bu bəs etməz. Övladımın ətrafına da diqqət edəcəm. Bütün günü pubg oynayan, tiktokda yatıb duran, söyüçcül uşaqlar varsa, çalışacam onlardan uzaq dursun. Mütləq idmana qoyacam. Güclü olsun, özünü müdafiə etməyi bacarsın, çəkingən biri olmasın. Tez-tez söhbətlər edəcəm. Tamamilə dünyadan təcrid etməyəcəm, əyləncə də olacaq. Kitab oxumaq da bir yerə qədərdir. Nəticədə o da uşaqdır, öz həmyaşıdları ilə oynamaq, əylənmək istəyir. Amma əyləncəni telefon, kompüter, televizorda görməyini istəmirəm. Top alacam, ən azından futbol oynasın. Lap lazım gələrsə, mən də oynayaram. Təki öyrənsin, həvəslənsin ətrafını da cəlb etsin.

Lakin ətrafı, dostları barədə bacara biləcəmmi, bilmirəm.