(youtube: 
)
)kovboyların deşifrə olmasından, bir üzvün öldürülməsindən, atışmadan, qaçışdan, grammar.naziyə başlarına gələni anlatmaqlarının üstündən altı ay keçmişdi.
artıq tombstoneda 6 ay əvvəl baş verən bütün bunlar unudulmuşdu. dust ridersa daha çoxu qatılmış, daha da çoxu öldürülmüşdü. qəsəbədə çoxları doğulmuş, daha çoxu ölmüşdü. əyalətdəki qəsəbə şerifləri daha çox rütbə almış, daha da çox işləmək məcburiyyətində qalmışdı. çox polis övladı atasız qalmış, daha çoxunun atası quldurluğa başlamışdı. əyalətin üstündə bilinməzlik küləyi, qan və tozla bir-birinə qarışmış, the grand canyonun boğucu havasını özü ilə gətirirdi.
beşlimiz yenə harasa dördnala tələsirdi. xeyr dördüncü olmayan məzarından dirilib gələn mariya kürüsü deyildi. dördüncü köhnə şerif köməkçisi, yenicə dust ridersa gəlmiş hailluciferdi. ən son şerifi bakirfikirlə yaşadığı anlaşmazlıqdan, belindəki revolveri onun boğazına dayamış, qanını pəncərəyə sıçratmışdı. birbaşa nyu meksikodan alabamaya çaparaq gəlmişdi. atlılar arxalarını toza tutduğu yerdə, qəsəbədə nələr baş verirdi?
dasein həmişəki kimi oh! susanna dinləyərək uzaqlara doğru yol çəkirdi. zazoza həmişəki kimi otelin arxasındakı fermadan tapdığı dişi nə varsa, ətrafına yığıb masada pulları səpələyirdi. reyn öz burbonunu başına dikmişdi, gözləri cıvıl-cıvıl nəsə axtarırdı.
bertrand zobrist vardı, ayda 2 dəfə qəsəbəyə yolu düşür, hər dəfə də nə isə icadla gəlirdi. bu dəfə yanında gətirdiyi şey, patrona bənzər, üfunət iyindən azca hallı bir şeydi. soruşanda nədir deyə, deyir elə, "inəklər üçün yemdir, məhsuldarlığı artırır"
-haha, bu ağıllı adam hələ də bilmir, inəklərin məhsuldarlığını artırmaq üçün belə şeylər kifayət etməyəcək. yerliləri oralardan çıxarmalıyıq biz, o torpaqlar daha bərəkətlidir. alim çıxıb bizçün?!;
bertand da başını yellədib, havanna purosunun tüstüsünü barmaq uclarına kimi çəkərək, gecələyəcəyi the grand frontierdakı otağını, otağındakını düşünürdü.
at fermasına baxan theeyeschico da burda iti. baxmayaraq ki, üst-başından həmişə at iyi gəlirdi, sevgilisi qab həmişə ona sarmaş-dolaş fırlanırdı. ikiliyə dəyib dolaşan da yox idi, özləri üçün gəlib içib, sonda da pulu artıqlamasıyla verdiklərindən heç kimin vecinə deyildi çox da. axı vəhşilərin qanunuydu, atları, uşaqları, qadınları öldürmək olmazdı. neçəsi əməl edirdi? cəmiyyət arasında hamısı, qəsəbədən kənarda amma bəlkə heç biri.
şerif timidus öz otağında nəsə cızma qara edirdi. köhnə köməkçisi neon dust riders üzvü çıxıb edam edildikdən sonra, yerinə nevabigg gəlmişdi. nevabigg qəsəbə sakinləri arasında mənfi olaraq çox populyar idi. hər dəfə barda 10-15 nəfər yığılanda nevabiggin kürəyinə vurub, nə desə məsxərəyə qoyulan, yazıq bir polis məmuru idi. buna baxmayaraq şerifin yanındakı adamların içində qəsəbə sakinlərinin özlərinə ən yaxın gördüyü də adam idi. nə vaxt ki, şerif, ya da hər hansı şerifin adamı bir qanunsuzluğa yol versə, balkona çıxıb bütün camaatdan nevabigg üzr istəyərdi. sevəni çox idi, məzələnəni də.
beşli açaraq tombstonun göründüyü dağın zirvəsinə artıq çatmışdı. saat 8-i keçirdi və hələ də 4 saatlıq yolları qalırdı. təpənin kənarındakı qayanın dibində düşərgə qurdular. haillucifer həmişəki kimi ova, hərtərəfli insan ocağa odun yığmağa, barracuda da çadırı qurmağa çalışırdı. artıq yemək vaxtı da keçmişdi, amma "əlini ağzına atmasan, ağzını əlinə atarsan" deyə qızıldərili atasözünü əl üstə tutan qrup, yeməli idi. sabahkı günə hazır olmalı idi, axı onlar səhər yeməyini atacaqdılar?!
haillucifer atın yəhərinə iri bir bizonun ayaqlarını bağlayıb sürüyə-sürüyə gətirirdi. nəhayət yemək bişirməyə başlaya bilmişdilər.
hərtərəfli: "gecə keşiyi kim çəkəcək? dünən cornelius fudge çəkib"
hər kəs üzünü hərtərəfliyə tutub, "deməli, bu gecə sən çəkəcəksən!" deyə bir ağızdan gülüşdülər.
(youtube: )
)haillucifer: "bu silahlarla necə şəhərə girəcəyik, bir fikri olan var?"
cornelius, üzünü havaya tutaraq gülümsəməyə başladı. sabah səhər məni oyatmadan gedə bilərsiniz, amma saat 4-də hər kəs məni "silver dollar"da birinci mərtəbənin barında gözləsin.
barracuda, "bəs, açığa çıxmışlarımız necə olacaq? üzlərimizi keçən səfər görüblər axı. həm də o dəfədən sonra, maska ilə gəzməyə qəsəbədə icazə verilmir"
c: "o zaman nellie ilə reynin qabağına çıxmamağa çalışın" deyib yenidən başını göyə qaldırıb gülümsəməyə başladı.
onların heç biri bir-birini şəxsən tanımırdı. heç birinin digərinin keçmişindən xəbəri yoxdu. corneliusun bir orqan alverçisi, barracudanın kasıb bir fermer, hailluciferin polis, hərtərəflinin motor ustası olduğunu heç kim bilmirdi. onları bu səviyyəyə qədər neytrallaşdıran grammar.nazi idi. onların hamısı grammar.nazini bilirdi. grammar.nazi də onları bilirdi. onlar naziyə güvənirdi. nazinin güvəndiklərindən də şübhə etmirdilər. nazi onları birləşdirmiş, sonra parçalara ayıraraq bərabərləşdirmişdi.
gecənin yarısı, hərtərəflinin yanına əlində jack danieslə barracuda gəldi. sabahkı günü düşünməyə başlayırdılar. nə etdikləri haqqında o qədər qarışıq fikirləri vardı ki, o cəhənnəmə ayaq basmağı istəmirdilər. mariyanın yerdə yatan bədəni getmirdi gözlərindən. o öldürmüşdü bunu, nazinin qabağına həmin silahı atıb eynisini istəsə də, nazi bunu etməyin nəyisə dəyişməyəcəyini deyərək geri çevirmişdi.
hərtərəflinin əli öz qanına batmışdı. ridersa girən hər kəs digərlərini öz qardaşlarından daha yaxın görmək ülvisinə sahib olmalıydı. hərtərəfli sanki özünə güllə açmışdı. düşünürdü, "bəlkə açmasaydım? bir həftə, bir ay sonra, bəlkə də onu qaçıra bilərdik həbsxanadan?" deyə içi-içini yeyərkən, o sözləri xatırlamışdı. "ridersı yoldaşlarınızın üstündə görün. riders olmazsa yoldaşlıq da olmaz" deyə. amma bu onu yüngülləşdirmirdi.
hərtərəfli: "axı ridersın olması üçün, nə qədər kovboy daha ölməlidir?!"
barracuda: "bunun sayını bitdiyi gün öyrənəcəyik" deyə siqaretini cibindən çıxarıb eşələməyə başladı. 2 dənə qalmışdı. bəs etməzdi, amma gedərdi.
butulkanı uzaqlarda işıldayan tombstonea tutub, söyüşlər yağdırır, mariyanı geri istəyirdi. çadırda yatanlar səsini eşidib, heç nə edə bilməyəcəklərindən sadəcə gözlərini yumurdular. hərtərəfli sağa sola daş-kəsək yağdıraraq 1 saat sonra yuxuya getmiş, barracudanın çiynində yatıb qalmışdı. artıq keşiyi barracuda çəkirdi, tək əlində viski butulkası ilə.
səhər açılmışdı. çadırdan əlləri hava əsnəyərək çıxan haillucifer yerdə yatan ikilinin çiyinləri arasına bir təpik atıb oyatdı. yatmalarına çox əsəbləşmişdi. hazırlaşıb qəsəbəyə doğru hail, hərtərəfli, barracuda yola çıxdı. cornelius isə hələ də şlyapasını başına basıb, qucağında model 1873ü ilə yatırdı.
atları yenidən tərpətməyə başlayan cavan kovboylar qəsəbənin girişində ayrıldılar. at dəlisi hail, fermaya doğru yola çıxdı, barracuda içki satılan dükanları gəzir, çantasını viskilərlə doldurur, hərtərəfli silah dükanlarına nəzər yetirirdi. saat 4 olana qədər başlarını qatmaq məcburiyyətindəydilər.
dasein yuxudan duran kimi hazırlanıb, işlədiyi qızıl dükana doğru tələsirdi. dasein və ortağı timey wibey wibbly wobbly hər gün sıra ilə dükanda otururdular. və təbii ki, daseinin olduğu günlər daha çox müştəri olurdu. qadınların qızıla görə deyil də, daseinə görə bura gəldiyini bilən ərləri hər dəfə daseinə baxıb köks ötürür, bəzən gic olurdular. anlayacağınız daseinin işi saz idi. amma nə faydası, daseini heç nə çəkməzkən.
fermada theyeschico təzə doğulmuş dayçanı əlində fırça ilə təmizləyirdi. alnındaki təri silib hailə baxış atdı, amma onu tanımırdı. qəsəbədəkilər tanımadıqlarına qarşı ehtiyatla yaxınlaşırdılar.
-hey, kimsən?
+mən? heç, burdan keçən sıradan bir insanam. sən kimsən?- deyib, bir ayağını hasarın taxtasına qoyub, dirsəyi ilə dizinə söykəndi. theeyes qarşısındakının çətin cəviz olduğunu anlayıb belini dikəltdi, hər şey yaxşı getsə, axşama ziyafət olacaqdı. yaxına gəlib, əllərini yumaq üçün su taxtasına əyildi.
-mən theeyeschico, burdakı atları yetişdirirəm. səni daha əvvəl qəsəbədə görmüşəm?
+yox, mən sadəcə burdan keçirəm. atlarını görüb, bir nəzər salmaq istədim.
-həə, atlar. gözəldir elə deyil? hər gün görəndən sonra özündən bir parça kimi görürsən, adiləşir.
+elədir- deyib atının yelinini sığalladı, - amma özündən bir parça olması, onu özəl qılan şeydir də. bir kovboyun atı olmazsa, nəyi qaldı ki? əsas da, kovgirlin.
-eh, siz kovboylar. hər şeyə ya gərəyindən çox məna yükləyib, ya da ümumiyyətlə hər şeyi boş verib adamı dəli edirsiz.
+eh siz fermerlər, heç bir estetikadan anlamırsınız;
deyəndə qab əlində teştlə çölə çıxıb theeyeschiconun bir kovboyla söhbətləşdiyini gördü. təzə dayçaya süd hazırlamaq lazım idi, theeyesı səslədi, theeyes dönüb yeni müştəriyə işarə elədi. qab da yanlarına gəlib söhbətə qoşuldu
-qəsəbədə yenisiz?
+yox, sadəcə buradan keçirəm. çox gözəl, şirin yerə oxşayır(indilik; deyə ürəyində dedi)
-həə elədir, o araqatan quldurlar olmasa, daha da yaxşı yerə çevriləcək.
+nə baş verib ki?
-6 ay əvvəl, dust ridersın 4 kovboyu bura girmişdi, nəyin arxasınca gəldiklərini bilmədik, amma geridə bir ölü buraxıb getdilər. indi belə hamı onları axtarır, saloonun girişində başlarına 2000 dollar qoyulub. girişdə də var, gördün onları?
+heç görməmək olar?- hail xəfif gülümsündü
-həə, bircə tutulsalar.
+eynən. bircə tuta bilsək.
günəş artıq təpəyə qalxdıqca, hail əlində iki atla, hərtərəfli hər belində qoşaaçılan 1887lər, barracuda sumka dolu viski, burbonla saloondan içəri girib, blackjack üçün masa axtarmağa başladılar. barracudanın blackjackdə əla şansı vardı, hər dəfə 200 dollardan aşağı çıxmazdı salonlardan. oturub oynamağa başladılar.
bu dəfə salonda dasein yoxdu, nə reyn nə də keçən dəfədən bütün planları pozan nellie. üçü də sadəcə corneliusu gözləyirdilər. barracudanın qabağındakı, son əlini açıb gözləri dörd açıla barracudaya zilləmişdi. əlində iki qara 8, iki qara tuz vardı. barracuda ucadan gülərək məlum hadisəni xatırladı.
-dead man's hand!
hər kəs gülüşməyə başladı. təbii ki, hər kəs bu hadisənin tarixini bilirdi, lakin az sonra olacaqlardan da xəbərsizdilər.
beləcə, son 50 dolları da cibinə yığan barracuda, artıq içkilərin pulunu çıxartmışdı. bu vaxtı, qapı möhkəmdən çırpılaraq açıldı. içəri girən oydu. cornelius fudge. hər kəsin gözü ona zillənmişdi. ona görə yox ki, o qapını möhkəmdən çırpırdı. ona görə ki, qrupun ən köhnə üzvlərindən, indi isə şerifin adamlarından olan bayerlik onu tanımışdı!
dərhal silahına davranmağın cornelius qarşısında mənasız olacağını düşünüb, sadəcə başını aşağı salmaqla kifayətləndi.
cornelius, yavaş addımlarla hamının diqqətini çəkəcək tərzdə bara doğru yaxınlaşıb 4 sangria sifariş verdi. uzun, qızılı revolverləri, qara şlyapa, qəhvəyi palto, qara çəkmədə qızılı mahmızlar onu çox diqqətçəkici edirdi. can-canlar daseindən sonra corneliusu görüb, lap bayram edirmiş kimi oynamağa başlamışdılar.
barmen j. de molei bir nəfərin 4 içki sifariş verməsinə şübhəyə düşüb, bir əlini masanın altındakı winchesterına qoydu. cornelius;
-o şeyi etmə qoca, hamımız yanarıq;
deyib, stolun üstündəki burbonun ağzından tutaraq masaya çırpdı və qırıq şüşəni arxadan gizlincə yaxınlaşdığını düşünən bayerlikin düz dodaqlarının üstünə basdı. onu yerə yıxıb kimliyini soruşmaq istəyəndə gözləri bərəlmişdi. bayerlik gülümsəmək istədi, amma şüşə ağzını kəsirdi. cornelius əlini bayerlikin bıçaq tutduğu əlinə uzadaraq, ucadan qışqırdı
-necəsən, köhnə dost?!
###
-eşidə bilmirəm səni, nə baş verir? nədir bu geyim belə, anlaya bilmədim;
deyə şüşəni bayerlikin ağzından aralayıb, boğazına dirədi.
+sizi neçə ildir gözl....xxxx...
sözünü bitirə bilmədən, şüşə boğazından udlağına, ordan da nəfəs borusuna keçərək döşəməni qana buladı. cornelius alucardsayağı gülüşlə, köhnə dostunu, ya da bir xaini yollamağın sevincini yaşayırdı. və gözyaşları tökmürdü o. o öyrənmişdi, dostlarını da boğazlayacağı günün gələcəyini. bayerliki deyil də, arxadan yaxınlaşan kölgəni o rəfin şüşələrindən görmüşdü. amma etdiyinin nəticəsini bir azdan görəcəkdi.
j. de molei əlini silaha atarkən, masanın üstünə qalxıb bir təpiklə silahı barın o biri küncündəki barracudaya atan hərtərəfli onu saxladı. cornelius, ayağa qalxıb üstünü düzəltdi. dəri paltosundakı qanı sildi, üzünü dəsmalla quruladı. yaxasını bağlayıb kəmərini düzəldərək, barmendən açarları istədi. j. de molei, açarları verərkən, yanlışlıqla qolu arxadakı rəfə çırpıldı, rəf aşağı düşdü, arxadakı pəncərə göründü.
bütün bunlar olarkən, şerif timidusa artıq çoxdan xəbər getmiş "dust riders burdadır!!!" deyə postunu tərk etmişdi atı ilə.
qəsəbədəki kəllə ovçuları ilə əlaqəyə keçilmiş, hər kəs dördnala silver dollara doğru gəlirdi.
cornelius kəşfiyyatının doğru olmasına qürrələnib, 4 gündür onla məzələnən yoldaşlarına baxıb, pəncərədən içəri tullandı. arxasınca da digərləri. içəridə sanki cənnəti yaşayırdılar. əgər bu cəbbəxananı daşıya bilsələr, kim bilir, üzvlərlə birlikdə yeni bir qəsəbə belə quracaq qədər irəliləmə edə bilərdilər. amma, işlərin hamısı istədikləri kimi getməyəcəkdi.
(youtube: )
)çünki, qapının ağzında reyn onların üstünə kəndirini salmağa çoxdan hazırlaşmışdı. haillucifer silahını çəkip reynin çiyninə iki əl atdı. reyn kənara çəkilərkən, pikolo ilə toqquşdu. pikolo reyni yıxılacaqkən, qolları ilə qaldırıb, yaxınlıqdakı samanların üstünə ata bildi son çarə ilə. əvəzində isə hərtərəflidən çıxan güllə ilə gicgahından qan fışqıraraq samanlığa yayıldı.
reyn əlləri ilə üzünü tutmuşdu, ağlamağına çox az qalırdı ki, dasein salonun digər tərəfindən əlində 2 coltla gəlib içərini atəşli bir yağışa tutmağa başladı. cancanlar daseini görüb, yanına qaçdılar, "nə olar qurtar bizi, zazoza hardadır???". dasein yenə köks ötürüb, qızları buraxıb, içəri girdi. silahı hələ də tüstüləyirdi.
səs küyə zazoza yandakı dəyirmanın arxasındakı tövlədə oyanaraq, şalvarının kəmərini bağlaya-bağlaya qaçmağa başladı. atını doğruca silver dolların arxa qapısına bağlayıb içəri girərkən, daseinlə qarşılaşıb bir-birlərinə silah doğrultdular. zazoza silahı qaldırıb, bara baxdı, orda heç görmədiyi bir açıq pəncərə vardı. içəri boylanıb, bir neçə kovboyun durmadan çantalarına nəsə yığdıqlarını seçə bildi. səslərdən bunların silah olduğunu anlamışdı. içəri dinamit atmaq fikri vardısa da, bundan sonra əl çəkməli oldu.
qapının ağzında başqa bir üz olan, qaçaraddımdanenənanənan göründü. arxasınca bertrand zobrist içəri boylandı pəncərədən. hamının bir ağızdan "qızıl mahmızlar" dediyini eşidib, anidən gələn hiddətlə, içəri doğru qaçdı. əlləri də kəmərindəydi ki, ikili coltunu çıxaracaqdı. yerdə yatan bayerliki görüb, onun cəsədinə basaraq pəncərədən içəri tullanıb, corneliusun bir anlıq dalğınlığından istifadə edərək, onu sinəsindən vurdu. bunu görən, haillucifer, barracuda, hərtərəfli üçü birdən bertranda gülləni boşaltdılar.
bertrand yerə yıxıldı.
-axır ki, intiqamını aldım, juzouuu! deyə gözlərini bağlayıb, gülümsədi.
cornelius fudge ölümlə burun-buruna idi. yoxsa son mu idi? bilinmirdi. tək gerçək, cornelius fudge kimi bir azılı düşmənin də yerə yıxılıb nəfəsinin xırıldaya biləcək olması idi. hərtərəfli onun nəbzini yoxlayır, alnına su vurur, ayıq saxlamağa çalışırdı.
amma faydasız idi, yaralansa belə hətta, bu yüklə atın üstündə qaçmaq qeyri mümkün idi. cornelius əlini revolveri remingtona atıb, öz alnına tətiyi çəkərkən, hərtərəfli baş barmağını, atəşləmə fitili ilə silindrdəki mərmi arasına atdı. imkan verə bilməzdi, təkrar bir yoldaşının ölümünə. olmazdı. bunun da yükünə girmək istəmirdi. artıq o sadəcə özünü düşünürdü. qoymazdı, daha kimsə ölsün, həm də gözü qabağında, üstəlik qurtulma ehtimalı varkən.
-o adamı görürsən?; deyə cornelius bertrandı əli ilə göstərərək davam etdi - onun atası vaxtilə mənim ən yaxın dostlarımdan idi. demək ki, ölürəm, bu adamın sağlığında özü ilə təkcə mənim daşıdığı sirr, artıq səninlə davam etsin.
onun atasını mən lap uşaqlıqdan tanıyırdım. qızıldərili bir soydan idi. adətlərinə çox bağlı, amma o qədər də sərt olmayan, sadəcə beynini "uzaqlar deyə pozmuş"du. onun uzaqlar dediyi, bu vəhşi bataqlığın o tərəfi idi. oranı görmək istəmişdi hər zaman. eyni zamanda biz birlikdə xəzinə ovçuluğu edirdik. buranın daha da qərbində okean var, hərtərəfli. orada çoxlu xəzinələr basdırılıb. biz hər ilin qış ayları oraları ələk-ələk edib, dəniz quldurlarının basdırdıqlarını oğurlayırdıq mağaralardan.
bir gün isə, qaranlıq bir mağaradan çıxardığımız minlərlə dollar dəyərindəki xəzinə məni ələ keçirdi, hərtərəfli. nədənsə göyüzündəki qaranlığa baxıb, qızıl külüngün ona doğru yaxınlaşmasını qəbul edə bilmədim. aramızda mənim hələ də peşmanlığını çəkdiyim dialoqun sonunda,
-keçmişdə qaladığın ocağı xatırlayırsan?
+hansı ocağı, cornelius?
-indi səni buraxacağım ocağı.
+nədir, indi birlikdə sıra ilə yandırdığımız iki qızıldərili ana və uşağının hesabını edəcəksən mənlə?
-edəcəyəm!
+niyə? nə demək istəyirsən?
-burda yollarımız ayrılır, juzou; deyib kibrit yandırdım.- sənlə olan bütün keçmişimi yandırıram.
və əlimdəki molotovun ucunu alovlandırıb juzounun üstünə ataraq, onu yandırdım.
son sözü isə bilirsən nə idi?
+mənim küllərim bir gün səni tapacaq cornelius! sən isə həmin gün bu hekayəni hər kəsə hayqırmaq istəyəcəksən- hayqırıram hərtərəfli. hekayəmi. eşitsələr kaş. bu qədər müddət nazinin yanında sadəcə buna gərək duymadım, çünki ona danışmışdım. hayqıraraq onun çiynində yuxuya getmişdim hərtərəfli. sənin dünən getdiyin kimi. indi isə əbədi gedəcəyəm.
bu vaxt, ağzından qan qusaraq öskürən bertrand, xırıltılı səslə,
-və onun külləri səni tapdı, deyərək son dəfə gülümsəyib, sağ əlində fitilini çəkdiyi dinamiti yuxarı qaldırdı. cornelius, isə, hərtərəfli ilə söhbətini bitirmiş, onun çiyninə tutunaraq qalxarkən bunu gördü. həmin an, hərtərəflini hailluciferin üstünə itələyib,
+və bu qan davasına son verirəm juzou. bu döngü ikimizdən biri yox olana qədər deyil, ikimiz də yox olana qədər davam edəcəkdi. mən sənin kimi küllərimdən doğulmayacağam, amma mən sənin kimi bu işi kiməsə yükləmədən araya başqa qanın girməsini önləyirəm; deyə qışqıraraq dinamitin üstünə atılıb, bertrandı bərk-bərk qucaqlayıb, özünü yerə sıxdı.
partlayışın səsi, şerifin ofisinə qədər yayılmışdı. haillucifer, barracuda, hərtərəfli gözlərini açanda yerdə bədənləri parça-parça olmuş iki baş gördülər. hərtərəfli əllərini yerə qoyaraq ağlayırdı.
-hələ də davam edir, bitməyəcək bu!!
deyə silahı başına dirəyəcəkkən, barracuda silahını alıb, çantasına atdı, partlayışdan açılan dəlikdən, saloonun arxasına keçib, qarşıdakı tövləyə doğru qaçdılar.
hərtərəfli son dəfə corneliusa baxdı, cornelius ona gülümsəyirdi. hərtərəfli bunu da əbədi beyninə həkk edəcəkdi. onun işi axı buydu, hamı hər şeyi unudarkən, o hər şeyi xatırlamalı idi.
tövləyə arxa tərəfdən girərkən,haillucifer çox tanış bir üz gördü. bu səhər rastlaşdığı theeyeschico idi. theeyes onu tanıdı. qısa söhbət etməyə belə vaxtlarının olmadığını görüb, onları tövlənin samanlığına saldı. theeyes onlara kömək edəcək biri deyildi, sadəcə o tanımadığı, əllərində silah dolu çantalar olan, həm də hamısı pərişan halda durmuşkən yadları geri çevirəcək qədər axmaq və xəbis də deyildi.
bəli, theeyes düz bilmişdi, axşama ziyafət vardı, amma nə ziyafət...