1. həyatımda oxuduğum ilk kitab idi. 8 yaşında atam dərslikdəki əsərdən kiçik hissəni oxumağa həvəsimi görüb kitabı gətirib mənə verməsəydi, heç vaxt bu yaşımda bu qədər kitab oxumuş ola bilməzdim əminəm ki. bununla başlamağımın səbəbi də, uşaqlara mütaliə aşılamaq üçün əla kitab olmasıdır. hər nə qədər uşaq ədəbiyyatı sayılsa da, kilsə hissələri, tomun ailəsindən, evindən, onu öyrədən yaşlı kişidən, saraya gələn ruhunu şeytana satmış qadından, meşədəki zahiddən danışdığı hissələr heç də sadəcə uşaqlara aid şeylər deyildi məncə. təsvirləri olduqca güclüdür bu əsərin. oxuyanda evlərin beynimdə canlandırdığım görüntüsünü üstündən keçən bu qədər ildən sonra hələ də gözümün qarşısına gətirə bilirəm. yəni, uşaqlarda oxuma vərdişi, həvəsi yaratmaq üçün ideal kitabdır. oxuyun, oxutdurun.