ingiliscə adı dragonfly, türkcə yusufcuk, bizdə isə əsasən cırcırama ilə qarışdırırlar. əslində isə bu böcək iynəcə adlanır. yəni wikipediada belə qeyd olunub. biz tərəfdə isə adı “vertolyot böcəyi”dir.
(baxma: təbiətdə ən uğurlu ovçu)
uşaq olanda hər yay, nənəmgilin bağında bunlarla oynayırdım.daha doğrusu, onlara zülm edirdim. setkaya qonanda sakitcə yaxınlaşıb, tuturdum və qanadlarını qırıb əlimin üstündə saxlayırdım. niyə bu yazıq həşəratlara bu işgəncəni etdiyimi özüm də bilmirəm. sadəcə ayaqlarını tenimdə hiss etməyi sevirdim ya da sadəcə uşaq idim. amma artıq bu böcəkləri tutub, ölümə məhkum etmirəm. indi mənim üçün uşaqlığımın bir parçasıdırlar. bilmədiyim səbəblərdən uşaqlığımla bağlı çox az xatirə var ağlımda. bilmirəm bu sadəcə yaddaş zəifliyindəndir yoxsa altında yatan başqa bir şey var. hər nədirsə də bu hal məndə bir boşluq hissi buraxır. bu səbəbdən də melankolik bir insana çevrildiyimi düşünürəm. uşaqlığım, keçmiş həyatımla bağlı ən xırda bir şeyə belə həssaslıqla yanaşıram. çoxu bu mövzuda nələr düşündüyümü, nələr hiss etdiyimi anlamır. amma düşünmürəm ki, belə olan tək mənəm. bəzən fikirləşirəm ki, bəlkə həqiqətən də mən çox şişirdirəm. amma yenə də hisslərim dəyişməz olaraq qalır. bir vaxtlar hər həftə getdiyim o ev, o bağa, artıq aylarla getməyəndə və artıq çox şeyin dəyişdiyini anlayanda, insana sadəcə darıxmaq qalır. yay vaxtında o bağda keçirdiyim günlər üçün də, nənəm üçün də həmişə darıxacam.
bu entryni yazmaq qərarı verəndə, çoxdandır getmədiyim nənəmgilə getdim. bəlkə də artıq ora nənəmgil də deməməliyəm. demək olar ki, hər şey dəyişib. bu həşəratlar belə. çox istəyərdim ki, bura öz çəkdiyim şəkli əlavə edim, amma cəmi bir vertolyot böcəyi tapdım, o da çox həssas çıxdı. şəklini uzaqdan çəkdim, onu da ki kamera fokuslamayıb, uwu sad baka :(. ola bilsin ki, son illərdə baş verən sosial dəyişikliklər onlardan da yan keçməyib. yenə də şəkli əlavə edərəm
konudan bağımsız tattoo üçün də çox estetik bir seçim olduqlarını düşünürəm. bir gün tattoo etsəm, seçimim şübhəsiz bir vertolyot böcəyi eskizi olar.
