Dünən günortadan sonra hava açılan, işə gələ bilməyənlər gələn, bütün sistem tam oturuşandan sonra dedim elə "mən çıxıram, sabah da olmayacam". Havadan doyunca ləzzət aldım. Səhər hamı standart günün qaçaqaçında olanda öz kefimdə uzun yolu gəzə-gəzə təzə nömrəmi 5 qat ucuzuna götürməyə gedirdim. Yenə o "bu qaqaş kimdi belə bu cür nömrə ala bilir?" baxışlarıyla baxırdılar. Dayım uşaqları da görən kimi dedilər elə "kefin çox babatdı". içimdəki rahatlığı 10 gündü məndən beşbetər üzünü gülən görmədiyim favoritim olan kassir qıza ötürməyə düşmüşdüm. Nə olsa, hər dəfə səmimi, xoş bir gülümsəməylə qarşılayır* məndən öncəkilərə elədiyini görməmişəm . Günorta parkda uzanıb günəşdən o qədər ləzzət aldım ki, gəlib evdə son 1 ayda yatmadığım qədər rahat yatdım. 2 gündü xətrin istədiyim, xətir saxlayan hamıya bir-bir yazdım, görüşdüm, görüşə bilməyənlərlə də telefonda danışdıq. Çətinlik bir azca keçən kimi yaddan çıxaranları qınayıb özüm elə olası deyildim hər halda. istədim hamıya göstərim, ötürüm, yayım.
Saat 1-dən şəhəri öz kefimdə gəzirəm, indi gəlmişəm evə. Balkonda oturub ulduzlara diqqətlə baxanda başa düşdüm ki, 2018-dən bəri ilk dəfədi bu qədər diqqətlə və dinc, ləzzət alaraq baxıram. Ən son kəndəki həyətimizdə otların üzərində uzananda baxmışdım, hər şeyin başın buraxıb, telefonu, kommunikasiyanı atın bakıdan gedəndə. Açıb həmin günlərdə dinlədiyim youtube playlist'imə qulaq asıram bayaqdan.
Axşam Nəsimidə olanda yayın əvvəli pul istəmək əvəzinə "əmi, mənə su ala bilərsən?" deyən uşaqla rastlaşdıq. Bir dilənçiyə görə dəhşət savadlı və mədəni danışığı vardı, çox xoşuma gəlmişdi. marketə salıb "ürəyin nə istəyir, götür, mənlikdi" dediyim və nə istəsə alacağımı bildiyi halda eləcə "bunlardan içməmişəm, hansı dadlıdı?" soruşub, önərdiyimi götürüb getmişdi. Fırlatmamışdı, kişi kimi açıqca bəri başdan məqsəd və istəyini açıqca demişdi, kişi kimi də sağollaşıb getdi harasa. Axşam görəndə yaxınlaşdı ki, "əmi, necəsiz? Nə olub belə?". Keratanın necə də yadında qalmışam. Bu dəfə heç nə istəmədi, mən təklif elədim. Yenə nə istədiyini açıqca dedi, 2 "qaqaş" gedib oturduq parkda, birlikdə yedik. Uşaqlığını doyunca yaşaya bilmədiyinə pis oluram. amma özünü aparmağı o qədər xoşuma gəlir ki. Sırtılmayıb, əksilməyib, ləyaxlı, "Достойный" uşaqdı. Onla söhbətləşib böyüyəndə həmişə belə dürüst olmağını, "11 yaşın var, hələ hər şey qabaqdadı" deyəndə, onun nələr etdiyini, başıma nələr gəldiyini və s şeylərdən danışanda bir anda dayım yadıma düşdü. Mən balaca olanda dayım da eynilə belə: sanki 2 böyük insan, həyatda öz yeri, istəkləri və arzuları, hər şeyinə hörmət edilməli olan fərdmişəm kimi danışıb dərdləşirdi mənlə. Özümü onun yanında balaca, görülməyən bir varlıq kimi yox, əsl şəxsiyyət kimi hiss edirdim. Ümid edirəm o da bu cür hiss elədi. Elə danışdıq ki, heç adını da öyrənmək də yadımdan çıxdı. Gələn dəfə rastlaşanda nömrəmi verəcəm. Evə gələndə də (baxma: durduq yerdə adamın içini soyudan şeylər/-384651) entrisindəki qız yadıma düşdü yenə.
Nəysə, uşaqlar dedi mama məni axtarır, telefonu açıb ona da yazdım. Yenə kollekviumlar başlayır, Yenə "kafedrada düz-əməlli müəllim var ki? Sən allah bunları elə" deyib imtahan sualları, sillabuslar, elektron jurnallar ilə bir ton iş yüklədi. Hələ də heç nədən xəbəri yoxdu, mən də həftəsonuna kimi çatdırmalıyam. Bu gün sabah pensiyaya çıxmalıdı, bu illər ərzində Kişi qızı kimi 1 qəpik pul götürmədi. Hər cürə qəhbəlik elədilər, amma Hər dəfə "bəlkə, fakültədəki uşaqları tapıb sualları satım? Mənim etdiyimi heç kim bilməyəcək, 50/50 bölək, bir az da sən gün gör", "keçən ilkiləri at, kopyalayıb edim" deyib yoxlayıram, arvad yenə də acıqlanır ki, "gijdəmə!". Zatən edəsi deyiləm, o da qəbul eləsə, gözümdən düşər. Xasiyyətini bəyənməsəm də, xarakterini və bu cür duruşlarını sevirəm və heyranam. Arada "əlimin altından saysız müəllim keçib, sənin yarın qədər belə bilmirdilər" tırkasına gedib doktorantura oxuyub unidə müəllimlik eləmək pərilərim də gəlir.
Bu günlərim hələ xoş günlərim deyil, üstəsindən gəlməli olduğum çox şey var, amma rahat nəfəs almışkən doyunca dadın çıxartdım. Nəysə. Çoxdandır bir mahnı tapıb atmışdım qırağa, vaxtının çatmağını gözləyirdim. bu gün ancaq ona qulaq asmışam. Bütün olanlardan sonra hər cümləsi iliyimə işləyir...
pis ruhları qov, Ulduzları çağır
Pulsuzlara ver, uğursuzları qov
Gündüzləri keç, axşamları sev
Sonsuzluğa baxıb, onsuzluğa döz
(youtube: 
)
)