712. Və o sualı verəcəyim gün də gələrmiş ki,
biz bir-birimizə nələr etdik belə?!

Səhər yuxudan dura bilmə, sonra dur, güzgüyə bax, nəfəs al, iş dalınca bitib-tükənməyən yol get, işlə, işdə bir şeylər olur, axşam evə qayıdanda qayıda bilmə, başını qat, sonra da yata bilmə, yat və araya sıxışdırılan yüzlərlə əlavə cərəyanlar. Tok keçirməməyə çalışırsansa, ayağını torpaqdan kəsməlisən, tullana bilmirsənsə, izoliyator tap geyin.

Bu qaçhaqaç nə üçündür? Yalandan qulağına fısıldayan, ya da göyə qışqıran saatlıq kirayə məşuqlar, dediklərindən bir şey anlamayan dövrün tələbinə uyğun flört, ya da başqa kəlmələrə tökülmüş "yeni tanış olduğun qadınlar". A?

Yox, biz həyatı və qadınları sorğuladığımız o axmaq mövzuya girməyəcəyik. ikisi də bir birindən ayrı şeylərdir və tərsdir.

sən mənə neylədin?
Məni elə bir adama çevirdim, gözümün önündə havaya qalxmış təhdit barmağını(ya da şəhadət barmağı, siz onu elə tanıyırsınız) qoparıb cerberus üçün yem deyə saxlayıram cibimdə. Günlük həyat o qədər boğaza yığır, ikiyə ayrılıb eyni anda iki fərqli günlük həyat yaşamaq istəyirəm.

Heç birini düzgün yaşamamışkən həm də. Həmçinin nə çarəsizlik, nə kədər, nə qəhər kimi ucuz şeylər həyatımın sonuna səbəb ola bilməyəcək qədər gülünc şeylərdir. Yoxlamağa dəyər təzə bir şey tapmışam. yeni həyata başlamağa hazır hiss edəndə, həyatını sonlandırmağa dəyər.

mən sənə neylədim?!
Onu da sən düşünəcəksən. Səndən yazmayacağam, bura mənim lövhəmdir. Mənim lövhəmdəki ən çirkin cizgi də sənin özünə verəcəyin bu sual olacaq. Bilmirəm nə cavab verərsən. Heç sualı düşünmüsən mi? Bəlli deyil. Ümumiyyətlə düşünən biri idinsə, ya da indi elə olmusansa, yenə də xəbərim yoxdur.

Laboratoriyada insan-heyvan mələzinə dönən fikirlərim, yer üzündə insana hücum edən mutanta çevrilir. Beynimin içində çox cazibədar görünən cümlələr, ağızdan töküldükcə insanları cırmaqlayır, qanadır, öldürür. Çox mənasız fikirlərdir bunlar.

Son olaraq, sözlük. Özümü elə gözəl tanıya bilmirəm ki, artıq. Bir tərəfim durmadan şeirlər yazıb, musiqilər bəstələyən, küçələrdə bir sənətkar olmaq istəyərkən, digər yanım orduya yazılıb hər şeyin üstündən xətt çəkən əsgərə, səngərlərdə bir nəfərə dönüşmək üçün can atır, amma heç birini etmirəm və hər gün səhər dura bilməyib, axşam evə gələ bilmirəm.