765. Eh günlük, sənə nələr danışım. Bilsən necə çətindir... ağzımda quş da tutsam, yaranmayacam onlara. Arxanda durmayan bir anan var. "Axı onlar səndən böyükdür, söz güləşdirmə". Əlbəttə, onlar mənim haqqımı tapdalaya bilərlər, amma mən susmalıyam.
Onlar nə bilir gender bərabərliyi nədir. "Qadın haqları deyirsən. Hə, hə sən də onlardan olacaqsan, qadın haqları, qadın haqları. Qadın evdə oturmalıdır. Qadın nə qədər evdə olsa, o qədər yaxşıdır. Qadınlar şeytanla daha yaxın olur deyə tez vergi alırlar. Bəs nə üçün falçılar, cindarların çoxu qadındır. Buna görə. Kişilərə vergi verilməsi üçün uzun bir yol keçməlidirlər". * oxuyanda siz də wtf??? dediniz bilirəm
Vaxtı ikən ədəbiyyat hazırlığına gedirdim deyə qardaşım demişdi: "sən evdə qalmamaq üçün hər şeyi edirsən, ədəbiyyat nədir ki, sən ona evdə də hazırlaşa bilərsən. Sən elə gəzirsən, gəzməyi sevirsən, ölürsən gəzmək üçün, təki evdə qalmayasan".
Halbuki yayda ayda-ildə 1 dəfə gəzməyə çıxardım. Çölə çıxmaq anlayışı binanın həyətində qonşu qızla gəzmək və kəndə getməkdən o yana nadir hallarda çıxardı. Lan mən heç gəzməyi sevmirəm e. Bəlkə sevərdim, bilmirəm.
"Oqtay Eloğlu"dakı Aslan bəy, "Anamın kitabı"ndakı Mirzə Məhəmmədəli və "Müsibəti Fəxrəddin"dəki Rüstəm bəy. Eh ən məsumu sən qalırsan Rüstəm bəy. Sən məni nə qədər də sevirsən. Rüstəm bəy qədər nə qədər də geridə qalsan. Sən də "neyniyirsən o olimpiadanı, sınağa ayırdığın 3 saata dərs oxuyaydın, axırda da imtahana girərdin"...
___________________________________________________
başlığa dərd yaxınmağa gələndə gördüm bunları yazmışam. o vaxt dolub yazmışam amma davam etdirə bilməyib saxlamışam. nə dəftərə, nə hansısa app-ə yaza bilmədiyim üçün bura dərd yanacam. burda ən azından tapa bilməzlər məni. mən elə ümid edirəm...
neçə gündür başımda fikirlər dolaşır, o qədər başım qarışıqdır ki. gecələr rahat yata bilmirəm dərslərimə görə. yatmaq istəsəm, ağlım çatdıra bilmədiklərimdə qalır. yatanda dərin yuxuya gedə bilmədiyimi düşünürəm. ümumiyyətlə, keyfiyyətli yuxu almıram. bunun üçün və ağlımda qaçışan fikirlər üçün həll yolu tapacam.
elə bir vəziyyətdəyəm ki, sadəcə dərslərini və sosial fəaliyyətini düşünməli olan balaca qız olmaq istəyirəm. amma mən başqa şeylər düşünmək məcburiyyətindəyəm. həqiqətən, qayğısız günlər bitdi. böyümək sayılmaz bu günlərin bitməsi.
nə edəcəyimi bilməyim belə yetər. məni yalnız dərslərim sıxsın istəyərdim sadəcə. "hukfak çok zor yaaaa"deyərək dolaşmaq istəyərdim sadəcə. başqa ifadələr işlətmək istəməzdim. sadəcə bir az da dözməliyəm. belə, sözlük, bacaracağımı bilirəm. hələlik!