hər zaman qeyri-müəyyən oldum sənə qarşı, yaxınlaşmağı inkar etdim, qorxdum. daimi qalacaq qəlb ağrısından, sonradan yaşayacağım kədərdən qorxdum çünki, buna çox əmin idim. sənə özümü, istəklərimi, ən əsası qəlbimdəki sevgini doğru ifadə edə bilmədim. yanımda olmayacağını bildiyim anlarda sənə bağlanmaqdan qorxdum. ama nə faydası sən mən idin sevgilim, o dərinlərdə saxladığım, görməzdən gəlməyə çalışdığım, itirdiyim bütün sevgim idin. bəzən sənə çox kinayələnirəm bəzən də özümə. mən bu idimsə bəs sən? sən nə üçün bu qədər cəsarətsiz idin? o qədər düşündüm ki, ayrıldıqdan bəri çox düşündüm. bizi ayıran səbəblər öhdəsindən gəlməyəcəyimiz qədərmi güclü idi? deyildi. o qədər əminəm ki deyildi. bəs niyə bacarmadıq? niyə bir-birimizə güvənmədik? sevməyin nə qədər çətin olduğunu ikimiz də bildik, bunu inkar etdik ama gözlərin, toxunuşun bunu inkar etmirdi axı. o qədər sorğuladım ki, məni heç sevmədiyinə çox inanmaq istədim. inanım, özüm üçün faktlar uydurum təki bilim məni istəməyən birini hər gün düşünməyin nə qədər pis olduğunu. ama edə bilmirəm o ümid məni hər gün daha çox sənə yaxınlaşdırır. bəlkə də biz yanlış zamanda bir-birini tanıyan insanlanlardıq, ama sənin mənim üçün doğru şəxs olduğunu, məni tanıyan ən yaxınım olduğuna həmişə əminəm. əgər bir şansım daha olsaydı yenə o son görüşə qayıdıb yenə susardım. ehtiyac duymuram, sənin yanında sözlərlə özümü ifadə etməyə ehtiyac duymuram. bilirsən çünki, səni nə qədər istədiyimi sözlərimin bunun üçün kifayət olmadığını bilirsən. içimdəki bütün tufanın sənə sarılanda keçdiyini bilirsən. əgər bizim üçün bir şansa varsa belə bunun üçün doğru zamanı gözləyəcəm. hazır olmadığımız anda bir-birimizdən gələcək olan heçbir kədər yaşansın istəmirəm. ama bil ki xatirə olaraq qalmaq məni ayrılığımızdan daha çox qorxudur. bütün inciklik və cəsarətsizliyim üçün məni bağışla.
(youtube: 
)
)sevgi gerçək və normaldır, ama sən və mənim kimilər üçün deyil sevgilim.
şərhlər: