(youtube: 
)
- musiqini açıb oxuyun.)ilk 2013 dərsdən gəlirəm, üzərimdəki formanı belə soyunmayıb tv qarşısına otururam. bu qədər həvəsli olma səbəbim musiqi kanalında oxunacaq musiqilərdir. elə gün yox idi ki tv qarşısında türk musiqilərinə rəqs etməyim, xüsusilə çox sevdiyim oynaq mahnılar oxunanda lap özümdən gedirdim. o gün ama eynisi olmamışdı. yenə o mahnı qarşıma çıxmışdı, dəfələrlə "of, yenə mənim mahnım oxumadı" deyib kanalı dəyişdiyim günlərdən biri deyildi. görüm bu necə mahnıdır, klipi necədir? deyib tv qarşısına kildlənmişdim. həyatımda bəlkə ilk dəfə kədərli musiqinin necə olduğunu təcrübə edirdim. ağlımda tək sual var idi "axı bu oynamalı mahnı deyil, bəs insanlar niyə dinləyir?" sözlərini anlamadığımı xatırlayıram, klipini isə heç anlamırdım. niyə o məkandadırlar? niyə kədərli görünürlər? niyə hər şey xoşkən qəfil onlar dalaşmağa başlayırlar? tam olaraq onların arasında nə baş verir?. deyəsən bu mənim romantik münasibətlərin qırıcı olmasında ilk aydınlanmam idi. hə, iki şəxs bir-birini incidir və onlar dalaşırlar. artıq musiqinin təsirinə o qədər düşmüşdüm ki onlar üçün ağlamağa başlayırdım. görəsən bu real hekayədir ya uydurma? və özümü inandırmışdım ki bu klip sadecə uydurmadır. həmin gündən sonra artıq musiqi kanalını açmağımın tək səbəbi var idi, dəfələrlə bu klipə baxıb orada nə baş verdiyini anlamaq. bacım bu musiqini bu qədər çox dinləyirəm deyə hətta anama şikayət etmişdi. anam da belə mahnılar sənlik deyil "niyə gedib dərs oxumursan?" deyirdi. həmin il mən evimizdən ayrılıb xalamgildə yaşamağa başladım, onların isə türk kanalları yox idi və bu mahnı unudulub getdi.
o gündən sonra bu musiqini müxtəlif zamanlarda bir neçə dəfə ytda tapıb yenidən dinləmişdim. bayaq yenə qarşıma çıxdı və gördüm ki mən heç unuda bilməmişəm bu musiqini. aradakı fərq isə sözlərini çox yaxşı anlamamdır və qərara gəldim ki mən bu musiqini çox sevirmişəm.
şərhlər: