885. oxuyan, dərdimə şərik olan varsa. çox sağol.

üç gün əvvəl axşam saatlarında hər yerdən bloka atdı. sözlük daxil. düşündüm ki həqiqətən bitdi hər şey. həmin günün səhəri yenə axşam saatlarında blokdan çıxarıb bir neçə sual verdi. işlərin necə və niyə bu raddəyə gəldiyini fikirləşib fikirləşmədiyimi soruşdu. fikirləşirəm, 7/24. sonra vaxtında demədiyi və ürəyində qalan narahatçılıqları, elədiyim səhvləri həmin blokdan çıxardığı vaxt yazanda dilə gətirdi. cavab verərkən düşündüm yəqin özünü ifadə edib məndən qorxmadan hər şeyi deyir. barışırıq axır ki. gördüm yox. elə bunları demək üçün açıbmış bloku. təzdən atdı bloka. bir sonrakı gün, yəni dünən təxmini sübh üç ya dörd arası sevdiyi çiçəklərdən buket düzəltdirib həyətinə atdım. qayıtdım evə. günorta oyananda gördüm yenə blokdayam. nəfəsim daraldı. ürəyim sıxıldı bərk. dedim bəlkə səhv evin həyətinə atmışam. hər dəfə gözümün qabağında eyni qapıdan eyni həyətə girirdi. məni aldatmış ola bilməzdi bu mövzuda. necə ola bilər, bir qız evinə ötürüləndə başqa həyətə girib sevgilisi getdikdən sonra ordan çıxıb öz evinin həyətinə girsin. bu sual içimi yeyib bitirdiyi üçün getdim məhləsindəki marketə. başın bişirib danışdırdım marketin yiəsini, onda bildim hə düzgün evin həyətinə atmışam buketi. sevinə-sevinə gedib tək ədəd qızılgül alıb yenə atdım həyətinə, gördüm səs yoxdu. qapını döyüb gizləndim. yenə səs soraq çıxmırdı. birdən gördüm qapı açılır, ara küçəylə arxa məhləyə qaçdım ki özü olmaya bilər qapını açan. ailə üzvü çıxıb görər eliyər məni. həmin küçədən təzdən məhlələrinə girəndə gördüm aldığım gül qapının ağzındadı. ani düşündüm özü atıb görəsən? sonra fikirləşdim bəlkə evdən başqası atıb? nəysə, bu hadisələr dünən oldu. bu gün gecə saatlarında başqa telefondan yazdım ki aydınlaşdırım niyə buketi, gülü görüb mənə yazmır. soruşanda yenə eyni şeyləri dedi, bitdi narahat eləmə. əlavə olaraq dedi bir də narahat eləsən, gül atsan həyətimizə, polisə verəcəm səni. anasının da məndən xəbəri var artıq, onu bu çətinliyə salmaq istəməzdim. amma demişdim özünə ki, normal danışmasaq elə ya belə biləcək anası. anası özü deyib elə bir də səni narahat eləsə ver polisə. bir anlıq qorxu verdi bu söz. sonra fikirləşdim bölməyə çağırılma səbəbim camaatın həyətinə gül atmaq olsa maraqlı olar. indi də yazıram gülməli gəlir. fikir vermədim. bayaq elə sübh saatlarında yenə bir dənə buket alıb atdım həyətinə. ümid edirəm polisə verməz. polisə versə də təkcə güldən şikayət edər deyə daha çox ümid edirəm. çünki etdiklərimizi, ona dediklərimi polisə danışsa özümü təmizə çıxara bilməsəm ən az iki ya üç ilim var. ağlında da olsun ki nə etmişiksə bir etmişik. polisə onları danışsa özü də gedəcək mənlə birlikdə. əlavə olaraq düşünmürəm ki, sevdiyi insanı həbsə göndərər. saç rezini hələ də məndədi. sözlükdən bloka ata bilmədiyi vaxt demişdi görüşək götürüm. onu da eləmədi. eybi yox qalsın məndə, barışsaq götürər. barışsaq əgər.