20. odysseyus-un entrysini hörmət əlaməti olaraq ayaqüstə oxudum. Açığı gələcəklə bağlı olan təxminlər mənə həmişə maraqlı gəlib. Əsas da fikir verdiyim şey insanların hər il keçdikcə gələcəklə bağlı təxminlərinin daha da qaranlıqlaşmasıdı.Təxminən 30 il bundan qabaq görüntülü zəngi xəyal edən insanlardan sosio-ekonomik uçurumu təxmin edən insanlara. Açığı mənim də gələcəklə bağlı düşüncələrim heç ümidverici deyil. Əslində həmişə belə olub amma təxminlərimi öz gözlərimlə görəcəyimə qəti ehtimal verməzdim. Amma indi dünyanın son 5 ildə keçmiş olduğu inkişaf mənə bu çöküşün heç də uzaq olmadığını düşündürür. Sözsüz bu çöküşü gətirəcək olan şeyin süni intelekt olduğunu təxmin edə bilirsiniz. Uzun illərdən sonra ilk dəfə insanlığın uçuruma doğru getdiyini amma bunun qarşısını ala biləcək kimsənin olmaması həqiqətən də tam kinolar üçün yazılacaq senaridir. Artıq insanların işlərini itirib itirməyəcəkləri deyil onların yoxluğunda dünya iqtisadiyyatının necə davam etdirməli olduqlarını düşünürlər. Müxtəlif həll yolları göstərilir(Sosial dövlət , dünya əhalisinin azaldılması, ölkələrin ləğv olunması və s.).Açığı heç birinin uğurlu ola biləcəyini düşünmürəm. insanlığın elmi fantastik romanlarda olduğu imi tamamilə məhv olub yerini digər canlılara verəcəyini də düşünmürəm amma cəmiyyətlər arası fərqlərin əsas da diskriminasiyanın olacağına əminəm. Artıq erməni azərbaycanlı kimi yox varlı kasıb diskriminasiyası olacaq.Artıq son 10 ildə artan iqtisadi problemlərdə insanların buna çox açıq olduğunu məncə siz də görmüsünüz. Açığı bu postu yazmaqda məqsədim haqlı çıxmaq deyil. Bizə müqəddəs deyə aşılanan vətən, ailə, hətta sevgi kimi anlayışları özünüzü qurban verəcək qədər ciddiyə almayın. Sistem və dünya çöküşə gedərkən, heç bir müqəddəslik kömək etməyəcək.