əjdaha lazımdı
izlə
dostlar
mən
googlla
gizli elm
-
futurology
-
texnoloji işsizlik
-
4-cü sənaye inqilabı
başlıqdakı ən bəyənilən yazılar:
+35 əjdaha
1. gələcək texnologiyası, insanları və ümumi dünya haqqında təxminlərdir.
məsələn, çox uzaq olmayan gələcəkdə olduğumuz auranı, ətrafı olduğu kimi 3d formada çəkib online paylaşa kiməsə göndərə biləcəyik.
və ya skype danışıqları qarşında 3d ola biləcək.
daha irəli gedə bilsək fikir ötürülməsi, *smartglass*lar və.s
başqa bir misalım da var gələcək təxminləri ilə bağlı, nosbətən uzun və maraqsız:
dünən bir tablet keçdi əlimə, daha doğrusu pulsuz olaraq aldım birindən, ona da 25$a bir narkoman satıb, qaqaş dedi satan yəqin ki oğurlayıb narkotik almaq üçün götür işlət.
görürdüm qurdalamağa başladım, ekranı sınıqdır tabletin. şəkillərinə mesajlarına baxmağa başladım. bütün hesabları açıq idi, google, facebook, instagram.
bütün həyatı əlimin altındaydı adamın. hətta bu kim iləə mesajlaşırdı mən görürəm ki hal hazırda mesajlaşır.
tək otaqda qalır, bir iki selfie çəkib. *xanax* şəkilləri var, sonra xanaxı əzib damara inject etmək üçün hazırlayıb şəklini çəkib. şəkillərdə gözləri axır, uyuşturucu bir dərmanın təsiri altında olduğu anlaşılır.
facebookda qızlara cavab yazılmamış mesajlar yazıb, "hey ordasan, necəsən?" cavab gəlməyib yenidən dərmanlara sarılıb. bir qaqaş ilə mesajlaşması var, damara necə milli gram vurmalıdə onu soruşur sonra ordan uzun bir söhbət başlayır səs mesajları ilə. dünən mən də kefli kefli oturub qulaq asırdım. ikisidə uyublar, səs göndərirlər bir birinə və səs tonları belə dünya ilə işimiz bitib sanki deyir.
bir qız ilə danışıb, qız bir iki çılpaq şəklini göndərib, sevindim qaqaşın adına. gülümsədim. qız da babat idi. adamın həyatında heç kim yoxdu. 30lu yaşlarda yaraşıqlı oğlan. şəkillərin birində bir uşaqla futbol oyununa getmişdi, gözü axırdı yenə.
tabletin adını dəyişmədim, qaqaşın adı qaldı, steve, profilə də xanaxları yığıb smiley düzəldib şəklini çəkib onu qoyub. hər şeyi izah edir əslində o şəkil. bütün həyatının, dostlarının o dərmanlar olması.
hesabları açıq saxlamışam, hələ də izləyirəm steve'i, ev adresindən tut, google map ilə hal hazırda hara getdiyini belə görə bilirəm.
bu söhnətin gələcək təxminlərinə nə dəxli?
çox ağrı verən həqiqət də olsa, gələcəkdə bizim həyatlarımız da beləcə satılacaq. biz öldükdən sonra və digital dünya irəlilədikdən sonra, deyək ki 100 il sonranın insanı, çox cüzi məbləğlə 100 il əvvəl yaşamış sənin "online həyatını" alacaq və onun yeni əyləncəsi olacaqsan, keçmişdə çəkdiyin şəkillərə, dialoqlarına baxacaq və üç gün sonra bezib atacaq bir kənara. bu qanuni olmasa da, qeyri qanuni çox da çətin bir şey olmayacaq. düşün sənin hal hazırda yaşadığın bütün problemlərə həyatını alan insan baxıb təbəssüm edib unudacaq.
bu sadəcə bir təxmindir əlbətdə.
+15 əjdaha
10. pessimits və neqativ fikirlər oxumaq istəmirsinizsə bu entryni oxumayın. bəzən özüm belə bezirəm öz düşüncələrimdən. bunlar 15-20 dəqiqəyə yazdığm qarışıq fikirlərdir, çox cididyə almayın.
gələcəklə bağlı təxminlər edərkən sadəcə bir proqnoz qoymaq olmaz, zira bunun tam əksidə ola bilər. məsələn insanın gələcəyi ilə bağlı min illərlə sonra üçün bilinən dörd fərziyyə var, dördüdə məntiqlidir, *transhumanizm* var məsələn, və ya insanın öz bioloji təkamülü və.s ona görə gələcəklə bağlı proqnoz mütləq mənada baş verəcək demək deyil, bu bir ehtimaldır.
sosial-iqtisadi mənada qıtlıq başlayacağını düşünürəm. daha doğrusu bu fərziyyələrimdən sadəcə biridir. bunun əksi də ola bilər, qeyd edəcəm.
robotlaşmanın artması, fabriklərdə işçi qüvvəsi yerinə maşınların işləməyə başlaması, texnologiya, ucuz və qabiliyyətsiz olan işçi qüvvəsinə ehtiyacı ortadan qaldıracaq və dünyəvi işsizlik başlayacaq. ənənəvi iqtisadi nəzəriyyələr keçərliliyini itirəcək. bunu marks vaxtında demişdi onsuz da. ama marksın vaxtındakı dünya ilə indiki dünyada xeyli fərq var. məsələn xammala olan ehtiyacın çox böyük dərəcədə azalması dünya iqtisadiyatını yenidən formalaşdıracaq. nüvə enerjisinin və ya günəş uğurlu formada dünyada işə salınmasından sonra neft, kömür kimi xammallara ehtiyac qalmayacaq və boş bir balon kimi heç bir bacarığı olmadan iqtisadiyyatı ayaqda duran ərəb ölkələri kimi ölkələr ( ki 20 il sonranı görə bilməyən azərbaycan prezidenti ilahın da dediyindən başa düşə bilərik ki ərəblər də gələcəyi görə bilmədikləri üçün) balonları partlayacaq. burda maraqlısı odur ki, məmməd məllimin dediyi kimi *zuqzvanq*a girri bu ölkələr yəni ediləcək heç bir "yenilik" ölkədəki iqtisadiyyadı düzəltməyəcək. düşünmürəm. belə deyək: dünya tarixində azərbaycan kimi ölkələrin çox vacib bir ölkə olma ehtimalı var idisə, artıq yoxdur, çünki sonun başlanğıcına girilib və bundan sonra ediləcək heçnə məncə xilas etməyəcək vəziyyəti. dünyanın ən böyük dəmir idxalçısı çin məsələn 14% azaldıb idxalını, nətiəcədə nə olur? ona dəmir satan ölkə qalır ac. inkişafı dayanır. ibtidai formada həyata qayıdacaqlarını düşünürəm bəzən. məsələ sadəcə azərbaycan deyil əlbətdəki, əhali sayı 300 milyonun üstündə olan amerika da eyni problemlə qarşı qarşıyadır fikrimcə. zira keyfiyyətli işçi qüvvəsi azdır. 30 milyon əhali mühəndis, həkim, proqramistdirsə onlar istehsal edən tərəfdirlər. ancaq proqramist olmaq işi həll eləmir, birazdan proqramist olmaq müasir fəhlə olmaq olacaq. və məktəbdə öyrədiləcəyinə görə sadə, adi bir şey olacaq. bu səbəblə gələcəyin diskriminasiyasının zəka diskriminasiyası olacağına inanıram, mentalizm də deyilir. genetik diskriminasiya da deyə bilərik. daha zəkalılara ehtiyac olacaq, ya da bacarıqlı zəkalılara. özünə hansısa bacarığı öyrətməyi seçməmiş nihilist zəkalılar da ehtiyac olmaya bilər. geri qalan tərəf də fəhlələrdir və onlara ehtiyac qalamyacaq. ya da kapitalist sistem istehsal etdiyi məhsulun alına bilməsi üçün fəhlə olaraq işlədəcək yenə də. başqa bir düşüncə, dövlətlərin yox olub şirkətlərin yüksəlməsi və insanların bariz formada siniflərə bölünməsidir. fəhlə dediyim, mənim üçün məsələn bir mühasib, fəhlədir. belə bir sayt var 
, gələcəkdəki işinizin robotlar tərəfindən əlinizdən alınıb alınmayacağına, faizinə baxırsınız. maraqlıdır. mütləq düz deyil əlbətdəki. bir göz atın. sonra dünyanın ən güclü robot istehsalçılarından olan *fanuc*un məhsulları olan bu əjdaha qaqaşlara bir baxın. yaxşıca baxın ama. o iki robotun necə işlədiyini başa düşməyə çalışın. alqoritmlərini fikirləşin. bu robotlar sənin işini əlindən alacaq. sənə ehtiyac olmayacaq. o robotların alqoritmini başa düşə bilirsən? öyrənib düzəldə bilərsən səndə? onda sənə ehtiyac ola bilər. hansı ki bunu evinizdə oturaraq internetdəndə öyrənə bilərsiniz məsələn. mən bunu etməməyi seçənlərin tərəfindəyəm. gələcəklə bağlı bir planım yoxdur, ama sizin ciddi yaşam planlarınız varsa, oturun, öyrənin. buarada buna *texnoloji işsizlik*. bu yazdıqlarım mütləq olacaq demək deyil əlbətdəki. məsələn mən tamam başqa tərəfini də düşünürəm, robotların işləməsi nəticəsində bəlkə də *iş* mövhumu tarixdən silinəcək və onlar işləyəcək biz dövlətdən maaş alacağıq. bunlar işin nisbətən iqtisadi tərəfləridir və mən bu barədə çox oxumuram araşdırımıram deyə tam əmin deyiləm nələr ola bilər. mənim maraqlarım başqa sahələrədi nisbətən. burda yazdıqlarım sadəcə fərziyyələrdir. bu sahəni ciddi olaraq araştırmıram. araştırsam nə vaxtsa, yazaram bəlkə yenə. başqa bir fərziyyəm odur ki. aclıq səbəbləri ilə üçüncü dünya müharibəsinin başlaması və dünya əhalisinin yüklü miqdarda azalması. zira üçüncü dünya müharibəsinin təmiz su qıtlığı ilə başlama ehtimalı da var siyasi nəzəriyyələrdə. ama nədənsə çox ehtimal vermirəm, zira ondan daha əvvəl elmin çirkli suyu ucuz yolla təmiz suya çevirəmə yolunu tapacağı qənatindəyəm. robotlar bizim əvəzimə işləyib qida istehsal etsə məsələn, dünyada nə qədər insan yaşaya bilər? ya da dünya nə qədər dözə bilər? bu qaqaşlar deyirlər ki 10 milyard. dünya əhalisinin ən yüksək halda 2050ci ildə 16 milyard ola biləcəyi, normalda isə 9 milyard olacağı gözlənilir. 2100cü ildə isə 10 milyard. bu 10 milyard həddə çatdıqdan sonra əhalinin azalması gözlənilir ya da artmaması. düşüncəsiz formada 400 manat maaş alıb 4 uşaq doğmaq anlyaşı normal olaraq yox olacaq. hansı ki indidən yox olmalıdır. söhbət çox uzanır. qoy bu linki də atım bura maraqlananlar baxarlar. burada yuxarıda bəhs etdiyim texnoloji işsizliyin həll yollarından bəhs edilib. aralarında *qandi iqtisadiyyatı*ndan tutmuş *dövlət yardımı*na qədər fərqli yollar var. istəyən oxuyar.
hətta istəyən bu sahədə yazsa çox sevinərəm. mənim məsələn yanımda iqtisadiyyatla maraqlanan dostum yoxdur, özümün də bu tip gələcək proqnozları barədə oxuyub araştırmağa vaxtım olmur. olan vaxtını başqa şeyləri oxumağa ayırıram. kimsə yazsa çox sevinərəm. gələcək təxminlərinə, bu tip proqnozlara *futurology* deyilir bu arada. bilməyənlər üçün deyim dedim. mən daha çox işin digər tərəfləri ilə maraqlanıram. vaxt olduqca yazaram. genetik, bioloji tərəflər mənə daha maraqlıdı.
tariximdə heç düşmədiyim qədər dəxlisiz bi kruqa düşmüşəm ki bu tip söbətləri edə biləcəyim heç bir dostum yoxdur ətrafımda. ya bu tip, ya gələcəklə bağlı başqa söhbətlər, ya fəlsəfi ya elmi, heçnə. daha doğrusu deyəsən ətrafımda söhbət edəcəyim dostum yoxdu. hər şeyi özün oxuyub öyrənə bilmərsən, vaxt çatmır. dostların mənim üçün bir mənasıda budur, informasiya alış verişi. ama yoxdu. onların hamısı uzaqdadı. skype da çox işlədən deyiləm. pivə içib durub gedəndə dodaqda siqaretlə küçəyə işəməyin yerini vermir.
elə yəni çox da yayındırmayım söhbəti. çox da şey eləməyin. yeyin için çəkin. çalışın doğurmayın. özünüzə yük yaratmayın. dərd eləməyin. beş günlük dünyadı pulu olan varsa gəlsin pivə alsın oturaq içəy. yola verəy. çox da ciddiyə almayın. nə də düzələcək deyə təsəlli də etməyin özünüzü. ən pis şəraitə hazır olmağa çalışın. daha rahat olur. mən məsələn başlayacaq olan qıttığa tədbir olaraq silah almağı düşünürəm. konserva alıb yığıram. çox da şey eləmirəm yəni.
edit: bütün bunları yazma səbəbim dünyanın qozumda olması deyil. sadəcə beynimi əyləndirirəm,beyin fırtınası edirəm özümçün. yoxsa aclıq başlayacaq, nəsə etməliyik falan deyil məsələ. çox da sikimdəydi.
+12 əjdaha
3. təsəvvür edin; kompüterin qarşısında oturub, mərci şorbası qaşıqlayaraq film izləyirsiz və dadadadaaammmm! bir nəfərin üçölçülü elektron şəkli qarşınızda peyda olur və deyir ki, qolunuza yerləşdirilmiş düyməyə basaraq qidalanmanızı təmin edə bilərsiz. filmlər isə çoxdan arxivə basdırılıb.
the artist filmində belə bir şey var: səssiz film ulduzu olan adamın kariyerası səsli filmlərin yaranması ilə çöküşə uğrayır. film boyu hər şey səssiz ikən səsli filmlərin yarandığı nöqtədə adamın toxunduğu hər şeydən səs çıxır, insanların güldüklərini eşidir, hər tərəfdən səslər gəlir. bircə öz səsi çıxmır.
bu filmə buna görə aşiqəm.
həyatınızı bütün ciddiyyətilə həsr etdiyiniz şeylər gündəmdən çıxdıqda nə hiss edərsiz? yaxud, zövq aldığınız şeylər köhnəfikirlilik kimi qəbul olunsa, həyatınızı boş yaşadığınız fikri sizi dəli etməzmi? hazırda biz gənclərin də yaşlı nəsildə yaratdığımız təəssurat bu deyilmi?
bir dövrə modernizm adı qoymaq sanki sonuncuymuş kimi dəyərləndirmək idi. amma insanlar son atımlıq bomba olaraq postmodernizmi ortaya atdılar. "postpostmodernizm" və daha çox "post"lar ağ eləmək olar.
insanlığı nə gözləyir? zamanla hər kəs faniliyini qəbul edə bilərmi? bütün fikirlərin sonu nihilizm gətirirsə, sondan sonra nə olacaq? insan psixologiasının rasionalistləşdiyi göz önündədir - bizdən əvvəlki nəslin emosianal və pafoslu fikirləri bizdə ikrah oyadır. yeni müxalifət köhnəyə gülür, yeni aktyorlar əvvəlkilərə qəribə baxır, alternativ musiqi janrları qəlibləşdirilmiş ton keçidlərini rədd edir... bəs ən sonda olacaq olan nədir? məsələn, incəsənət mənasız hesab olunanda (artıq başlayıb), seksual həzz minimum həddinə çatanda insanlar nəyin uğrunda yaşayacaqlar? hər şey nisbidir, amma nisbətənin nisbətinə nisbətdə ən minimumlar təzədən yüksək göstəricilərə qayıda bilərmi? heç inanmıram.
+13 əjdaha
20. təxmin: super-spesifik kontentlər
tarix: önümüzdəki 15 il içərisində
Şirkətlərin şəxsi datalarımızın daha detallı versiyasına sahib olmağı və quantum computing ilə bərabər həyatlarımıza girəcək olan super-spesifik kontentlərin yaradılması.
uzun müddətdir onsuz da, axtarış tarixçəsi, instagramda bəyəndiklərimiz və bənzər datalar sayəsində bizə özəl reklamlara, feedlərə sahib oluruq fəqət kontentlər də, süni intellektin də işin içərisinə girməyi ilə daha da spesifik bir yerdə durucaq: son günlərdə yeni şirkətini açan və xoşbəxtliyin pik nöqtəsində olan alidə-yə özəl yaradılmış musiqilərdən ibarət spotify playlisti, bir ilini daha oyun oynayaraq keçirməyə qərar verən londonlu benedict-ə özəl elden ring bənzəri oyun, blade runner-ı çox bəyənən və təsirindən çıxa bilməyən, həmçinin son 2 həftədə 6 səfər ghostingə məruz qalmış jonah-a özəl science fiction, romance kateqoriyalı ridley scott tərzində çəkilmiş film.
sadəcə zövqə görə yox, eyni zamanda duyğusal durumunuz ilə də üst-üstə düşən şəxsə özəl kontentlər. çiy və politik şəkildə ifadə etsək, “böyük qardaş sizi izləyir” fəqət mərkəziləşmiş yox, sadəcə sizə özəl, sadəcə sizin üçün orada olan “personalized”/”customized”(şəxsiləşdirilmiş?) bir böyük qardaş.
+9 əjdaha
7. bəzilərinin reallaşması hardasa şübhə doğurmayan təxminlərdir.
çox yaxın gələcəyə daha da inkişaf etdirilməsi planlaşdırılan nano texnologiyası bizim nəvə-nəticələrimizin bizdən "miras" apardığı xəstəlikləri yayan hüceyrələri taparaq xəstəliyi elə ana bətnindəcə məhv edəcək. bu elə təxminən xərçəng xəstəliyinin,şəkərli diabetin erasının bitəcəyi anlamına gəlir. bu texnologiya ilə insan ömrü 150 ilə çıxarıla biləcək. amma, gələcəkdə 3-4 metr boyu olan nəhəng nəsillərin meydana gəlməsinə təkan verməklə bağlı proqnozlar nikbin deyil. boyumuzun artması üçün lazım olan hipofizləri artırmaq çətin olmasa da 3-4 metr boyun sümük və əzələ sistemimizlə uyuşmadığını nəzəriyyələr qətiətlə təkid edir.
nano-nun da qara məqsədlər üçün istifadəsi qaçılmaz olacaq. həşərat görünüşlü xırda cihazlar asanlıqla ən yaxşı halda cəsus kimi bizimlə bağlı videolar çəkəcək, pis halda isə bizi "dişləyib" qanımıza öldürücü zəhər inyeksiya edəcək.
yuxarıda qeyd edildiyi kimi qalxarkən unutduğumuz yuxuların video görüntüsünü görmək mümkün olacaq.
robotlar xidmət sektorunu və əyləncə mərkəzlərini bir mənada işğal edib işsizliyin radikal formada artmasına rəvac verəcək.
artıq darta- darta qaldığımız adapter kabelləri ləğv olunmaqdadır. 2013-dən bəri isə, başın, gözün hərəkəti ilə toxunmağımıza ehtiyac olmadan istifadə oluna bilən cihazlar sınaqdan uğurla çıxıb.
böyük ehtimalla bizim və ya, övladlarımızın görəcəyi "düşüncəni yazan telefon" ların proyekti də var.
heç şübhəsiz gələcəkdə insanlıqişıq sürəti ilə (1 saniyədə 300 000 km) və ya bunnan artıq sürətlə hərəkət edə bilən kosmik raket düzəltmək üçün dəridən- qabıqdan çıxacaq. bu gün kainatda gördüyümüz ən uzaq göy cismləri 13,7 milyard işıq ili uzaqlıqdadırsa, işığa meydan oxuyan raketlər ucsuz- bucaqsız bir səfərə çıxa bilərək başları qarışdıran paralel dünya müəmmalarına bir dəfəlik, konkret cavab tapacaq.
bəlkə də süni intellekt növbəti dünya müharibələrinin birində nəvə- nəticələrimizin ən qatı düşməni olacaq...!
+6 əjdaha
5. istədiyimiz anda yatıb-oyana biləcəyimizə imkan yaradan texnalogiyalar gələcək. bəlkə daha sonra heç yatmağa ehtiyac belə duymarıq. nəvələrimiz gələcəkdə dayanmadan işləyəbiləcək fəhlələrə çevriləcək.
kimbilir, bəlkə işləməkdən imkan tapsalar bizi də dirildərlər
+6 əjdaha
15. (baxma: protez beyin)
--spoiler--
burun əməliyyatından daha trend olacağından əminəm
--spoiler--
+6 əjdaha
17. Gələcək haqqında fərdi analitik düşüncələrim belədir. Razılaşmamaq haqqınız da var....
Dünyada yürüdülən qlobal siyasətin konturları çoxdan çızılmışdır. Sadəcə işədüşmə zamanı bu günkü reallıqları əhatə etdi. Böyük güc mərkəzlərinin strateji projesində müttəfiq və rəqibləri əhatə edəcək oyunun qaydaları sonadək hesablanmışdır.
Böyük siyasətin əsas hədəfləri bütün Şərqi əhatə edir. Bütün Şərq ölkələri yeni nizama girəcək. Bu proje artıq işə düşmüşdür. Proje qarşıdakı onillikləri əhatə edəcəkdir.
ABŞ və Avropa dövlətlərinin gələcəkdə təhlükə mənbəyi olaraq gördükləri ən böyük güc Çin Xalq Respublikasıdır. Çinin insan resursları və inkişaf edən iqtisadi potensialı bütün dünyaya təhlükə vəd edir. Avtoritar rejimlərin güc mərkəzinə çevrilməsi həmişə təhlükəlidir. ÇXR-nın gələcək siyasətində Şərqi və bütövlükdə dünyanı öz hegemonluğu altına almaq reallığı dayanır. Bu planı reallığa çevirmək üçün böyük potensiala da malikdir.
Hələ 20-ci əsrin sonunda Çin dövlətinin yeritdiyi siyasətin qarşısını almaq üçün Qərbin analitik beyin mərkəzləri fəaliyyətə başlamışdır.
Sosialist sisteminin dağılması ÇXP-nı önə çıxardı. Böyük insan resurslarına malik avtoritar ölkə sürətlə idtisadi inkişaf yoluna çıxdı.
Regionda ÇXR-dan gələn təhdidlərin qarşısının alınmasına görə real güc mərkəzinə ehtiyac yaranmışdır. Hələ sosializm sistemi dağıldığı zaman bu projenin reallaşması üçün ilkin olaraq Rusya Federasiyası nəzərdə tutulmuşdur. Böyük ərazilərə, hərbi potensiala malik Rusya Qərbin müttəfiqinə çevrilərək Çin dövlətini yerində otuzdura bilərdi. Lakin Rusya Qərblə müttəfiqlik yolu tutmadı. iqdisadiyyatını təbii sərvətlərdən aslı vəziyyətə salmaqda davam etdi. Ətrafındakı kiçik avtoritar ölkələri də arxasınca sürüdü. Bu proje özünü doğrultmadı.
Rusya Ukrayna ərazilərini istila etdikdən sonra özünü tamamilə oyundankənar vəziyyətə saldı. Qərbin nəzərdə tutduğu Rusya ilə müttəfiqlik amili ortadan qalxmış oldu.
Regionda yeni güc mərkəzinə ehtiyac yarandı. Güc mərkəzi kimi tarixin ilkin və orta dönəmlərində Çin dövlətni yerində otuzdurmağı bacarmış Türk ölkələri nəzərdə tutuldu. Böyük insan resuslarına, ərazilərə, zəngin təbii sərvətlərə və ən əsası Qərblə real müttəfiq olmaq ehtimalı Türk dövlətlərini önə çıxardı.
Ən bariz nümunə Türkiyə Cümhuriyyəti idi. Qərbin uzunmüddətli strateji müttəfiqi və NATO-nun üzvü kimi bütün Türk dövlətlərini bir bayraq altına yığa bilərdi.
ilk növbədə Türkiyə Cümhuriyyəti regionda aktiv siyasi fəaliyyətə keçməli idi. Zatən Rusya və iran tərəfindən sıxışdırılmış Türkiyə bunu çoxdan gözləyirdi. Nəhayət gözlənilən an çatmışdır. Türkiyə bu vəzifəni çox uğurla bacardı.
Türkiyə, Pakistan və Azərbaycan başda olmaqla Şərq coğrafiyasındakı ölkələr siyasi, iqtisadi və hərbi baxımdan yaxınlaşma içərisindədir. Bəzi ölkələr hələlik gözləmə mövqeyindədir. Rusiya gələcəkdə Türkiyəyə qarşı tutacağı mövqeyin necə olacağını gözləyir. Rusiyanın günü-gündən zəiflədilməsi həmin ölkələri Türkiyənin yanında yer almağa doğru itələyəcək.
Türkiyə Cümhuriyyətinin başçılığı ilə qurulacaq geniş arenanın şərti adı Turan Birliyi kimi nəzərdə tutulmuşdur. Turan Birliyi arenasının sərhədləri Çinin sınırlarına qədər uzanacaq. bu bütün Türklərin çoxdankı arzusudur. Lakin adı Turan Birliyi olsa da, qeyri Türk ölkələrinin də arenada yer alacağı məlumunuz olmalıdır.
Turan Birliyinin siyasi, iqtisadi və hərbi cəhətdən inkişaf etdirilməsi nəzərdə tutulur. Çünki ÇXR-in qarşısındakı rəqib böyük gücə malik olmalıdır.
Çin dövlətinin içərisində Doğu Türkistan projesi Rusya və iran probleminin həllindən sonrakı mərhələdə qaldırılacaq. Əgər Çin Doğu Türkistanın müstəqilliyini qəbul etməsə, böyük müharibə başlana bilər. Müharibə təxminən 20-30 il də sürə bilər. Bu da Çin iqtisadiyyatını tamamilə dağıdacaq. Geriyə çəkilmək zorunda qalacaq.
Rusya və iranın dağılma projesi artıq işə düşdü. Ermənistan-Azərbaycan münaqişəsi sona yaxınlaşır. Böyük ehtimalla Türkiyədən Turan ölkələrinə qurudan yol açmaq üçün Naxçıvanı Azərbaycandan ayıran Meğri ərazisindən dəhliz yaradılacaq. iranın Azərbaycan sərhədlərinə ordu toplaması amili də bununla bağlıdır. irana müttəfiqi Ermənistanla əlaqələrinin kəsilməsi yaxşı heç nə vəd etmir.
Yaxın zamanlarda Ukrayna və Gürcüstan da ərazilərini bərpa etmək üçün müharibəyə başlayacaq. Dünya böyük dəyişikliklər astanasındadır.
+3 əjdaha
4. (baxma: timidusun sözlüyü hissə sənədləriylə yazarlara satması)
(baxma: sözaltı sözlük ltd)
(baxma: gələcəyi təsəvvür edə bilməyən yazar)
+3 əjdaha
13. deyilenlerin eksine irqcilik artacaq. ancaq irqcilik evvelki kimi sefsetelere dayanmayacaq; buna irqcilik bele demeyek. daha cox timidusun dediyi kimi mental diskriminasiya. artiq bu baslayib. meselen qara derililerin iq seviyyesinin ag derililerden daha asagi oldugu haqqinda il erzinde yuzlerle meqale yayimlanir. propoganda aparilir. qara derililerin qebul olduqlari universitet siyahisi, secdikleri ixtisaslar ve s. statistika kimi yayimlanir. afro-amerikalilarin iq ortalamasi 85 filandi. bes-on il sonra bunlar ya muharibelere, xesteliklere ve s. qurban gedecek ya da ele iyirmi ile filan bir-birlerini qiracaqlar. gelecek zeka uzerinde qurulacaq. tutaq ki kecen esr muharibeler avropada olurdu, duzdu? bu esr yaxin serqde olur. kecen esr avropalilar helak olurdu. ancaq bu esr erebler ve s. bu onbes-iyirmi ilde yaxin serqde milyonlarla insan olub gedecek.
konul isteyerdi dunyada her kes sulh icinde yasasin. yeni dunya bu cur olmasin. insanlar bele olmesin. ancaq ortada ciddi bir ferq var; zeka. bu sebeble biz istesek ve istemesek bele fransada 100 nefer olende bu dunyaya tesir edecek; ancaq suriya sabah dunyadan silinse sexsen sizinde qozunuza olmayacaq.
qaldiki suriyalilarin ve s. yaxin serq milletlerinin arasindaki yuksek zekali insanlara. onlara gore narahat olmayin; belke xeberiniz yoxdur ancaq almaniya turkiyeye gelen multecilerden tehsil alanlari, dunya gorusu olanlari ve s. secib aparir artiq. hetta bu yaxinlarda bir muhendis birbasa amerika vetendasi oldu suriyadan.
geride qalanlar ise turkiyede filan qalacaq. ya da ele o serhed erazilerde bes-on ile yox olacaqlar.
dediyim kimi bunun siqnallari artiq gelir.
+4 əjdaha
6. (bax: yuxunu video olaraq qeyd etmək )
+3 əjdaha
19. Neft-ə təlabat azalaq, çünki alternativ enerji mənbələri -dən daha çox istifadə olunacaq
+2 əjdaha
8. (baxma: yaddaş transferi ilə ölümsüzlük)
(baxma: 3d bioloji printer)
+2 əjdaha
14. 1. seks üçün qadınlara ehtiyac qalmayacaq
2. seks üçün kişilərə də ehtiyac qalmayacaq
+3 əjdaha
18. Paşinyan plastik əməliyyat keçirərək öz simasını dəyişib, saxta vəsiqə hazırladıb kimsəsiz adaya yerləşəcək..
+2 əjdaha
12. maşınlar uçacaq, təyyarələr gəzəcək, gəmilər də sevəcək.. alimlər süni ürək düzəldəcək.. ♡
+2 əjdaha
16. junior heydər əliyev hologram texnalogiyası ilə öz seçiciləri ilə tarqovuda görüşür.
+1 əjdaha
9. riemann hipotezi isbat olunacaq.
+1 əjdaha
11. Bitki yetişdirəcək digital məcralar haqqında ted mühazirəsi:
http://www.ted.com/talks/caleb_harper_this_computer_will_grow_your_food_in_the_future
hamısını göstər
