19. içdən içə verdiyi acını təsvir edə bilmirəm. Əlbəttə keçəcək amma bu müddət ərzində insanı elə cür yerdən yerə vurmağı var ki gəl görəsən. Bir tərəfdən də Beynin insana istər yatmış istər oyaq vəziyyətdə ikən gördürdüyü yuxular əzab verir. Xatirələr, xəyallar, yaşananlar və yaşanmayanlar, gündəlik ən xırda detallar... Bütün amillərin toplamı iztirabı təşkil edir. Görəsən o da darıxır, o da üzülürmü mənim kimi və s. suallar, ehtimallar, kaşkilər, bəlkələr insanı əldən salır. Əslində heç birinin fayda etməyəcəyini bilsək də zehnimiz bu kimi düşüncələrin bütün rasional fikirləri üstələməsinin önünə keçə bilmir. Ən azından bir müddət. Amma neçə müddət? Bax buna cavab vermək çətindir. Özü də sevərək yarım qalmış bir münasibətdirsə paho, lap müsibət olur. Bu dövrdə insan özü özünü tanıya bilmir. Normalda etməyəcəyi şeyləri edə bilir. Hətta bir müddət sonra çəkdiyi bu acı və etdiyi şeylər ona mənasız belə gələ bilər. Amma bu dövrdə yox. indi hər şey mübahdır sanki. Yenə də təmkinli olmaq məsləhətdir. Nəyisə. Ver mesajı; Bizi ölüm də ayıra bilməz deyən adamları ən xırda şeylər ayırır.