17. məsim bloklarına girirdi ki, əlindəki yabanı gördü. əvvəlcə yabanı atasının qarajına qoymalı idi. bir də binanın aşağı başına getməli olduğu üçün mırıldandı, məzahirin də varyoxunu söydü. qarajlarında çoxdandı sürülməyən, köhnə qaz 24 var idi. məsim hər içəri girəndə dərindən köks ötürürdü. maşını satmaq barədə atasını neçə dəfə dilə tutmağa çalışmışdı amma hamısı faydasız olmuşdu. artıq gec idi. maşını metallomdan başqa heç yerə götürməyəcəkdilər. yabanı içəridə bir yerə atıb çıxdı. geri dönərkən mağazanın hələ açıq olduğunu gördü. girib bir manatlıq kontur və tum aldı. evdən içəri girəndə atasının yatmış olduğunu hiss elədi. anası isə hələ televizora baxırdı. mətbəxə keçib yeməyin artıq qalanını qızdırıb yedi. iri cüssəsi doymadığı üçün əlavə olaraq bir kasa ayranın içinə çörək doğrayıb yedi. konturu cibindən çıxarıb qonaq otağına keçdi. balansını artırdıqdan sonra ilk işi face girmək oldu. sonuncu girdiyi səhifənin şəlalənin profili olması artıq onu təəccübləndirmirdi. ilk öncə şəlalənin bugün elədiyi yeniliklərə baxdı. bunu edərkən inboxuna bir mesajın gəldiyini görürdü ancaq bilərəkdən açmırdı. əmin idi ki, şəlalədir. məsim şəlaləni əslində bəyənirdi. qızın sexi yerişi, danışığı, ortalama gözəlliyi və bədən quruluşu məsimi cəzb eləmək üçün kifayət idi. amma məsim şəlaləni sadəcə sikmək istiyirdi. onun gözü başqa yerlərdə idi. xarici görünüşünə görə çox qızı özünə heyran eləmişdi ona görə də ən böyük arzusu imkanlı bir qızla evlənmək idi. bunu nə vaxtsa edə biləcəyindən əmin idi. dəb-dəbə içində yaşamağa, bahalı maşın sürməyə onunda haqqının olduğunu düşünürdü. inanırdı ki, xarici görünüşü və buna əlavə olaraq özünü qızın yanında duyğusal aparmaqla istənilən qızı toruna sala bilər. şəlalə ona çox əlçatan yerdə idi deyə məsim bekarçılıqdan girişirdi. şəlalənin ona olan marağı məsimdə "verəcək" ümidləri doğururdu. məsim şəlalənin paylaşdığı şəkillərə, mahnılara və statuslara baxdı və bütün bunların onun üçün olduğunu düşündü, bəlkə də haqqlı idi. mesajlar bölməsinə keçəndə biraz duruxdu. yazan başqa adam idi...