38. bir gənc qızın dilindən:

"5-6 yaşım olardı. məktəbə yeni başlamışdım. həmyaşıdım bir qardaşım var. bir gün səhər yuxudan duranda qardaşıma gördüyüm yuxumu danışdım. parta yoldaşımla toyumu görmüşdüm. 11 ildə yanımda kim oturubsa ona həmişə simpatiya duymuşam. indi baxıram necə eybəcər oğlanlar idi..(gülür). indi də yuxum aydın yadımdadır.ağ gəlinlikdə idim əlimdə də gül var idi. eynilə anamgilin şəkillərində gördüyüm kimi. təkcə fərq portretdə iki balaca uşaqların olmağı idi. yuxumu qardaşıma danışan kimi qaçıb atama xəbərlədi. bacım yuxusunda filankəsnən toyu olduğunu görür. atam otağımıza girib məni belindən kəmərini çıxararaq möhkəmcə döydü. şokda idim. anlamırdım. ağlaya bilmirdim. amma sonra anladım ki, çox ayıb bir iş tutmuşam. əxlaqsızlıqdır bu. bir oğlanla toyunu görmək, yuxuda. deməli mən nələr düşünübmüşəm ki, o da yuxuma giribmiş. mən, 6 yaşındakı qızcığaz. illərdir heç bir oğlanla münasibətdə ola bilmirəm. uşaqlıqda alınan travma belə yazırmış insanın gələcək həyatını. deməli belə tənha olacağammış 6 yaşımdan sonra. heçkəsə güvənməyən, hamıdan qaçan bir qızcığaz. atamın o gün ilk və son dəfə deyildi məni, bizi (anamı) döyməyi. bunlar bir çox səbəbdən təkrarlanacaqdı. və mənim bir çox xəyallarım baltalanacaqdı. uzaqlaşacaqdım arzulardan, diləklərdən. anam kimi..."