14. "köçüb gedəcəyəm praqaya
əl əvəzi hamı başını yelləyəcək arxamca
"heyif" sözü feldir vağzallarda.

köçüb gedəcəyəm praqaya
içi dolu çex qızının yanına
qadının içinə bir şəhər
heç olmasa bir küçə,
heç olmasa bir tin,
heç olmasa bir məhəllə,
heç olmasa bir ev,
heç olmasa bir otaq,
heç olmasa bir kişi,
heç olmasa bir uşaq,
heç olmasa bir odun belə sığmırsa
soba dibində yatmaq gözəldir
qar yağan axşamlarda
"heyif" sözü feldir vağzallarda".