37. Bir dəfə Aqşin Yenisey müsahibəsində demişdi ki, Səməd Vurğunun yazdığı şeirləri mənim nənəm də yazar. Sonra jurnalist Vaqif Səmədoğludan müsahibə alanda soruşub ki, sizcə, azərbaycanın ən böyük şairi kimdir? O da cavab vermişdi ki, Aqşin Yeniseyin nənəsi.
17. tanrı hər şey verib sənə:
kor gözlər,
həqiqəti yalnız yuxuda sayıqlamaq üçün sözlər.
hər gün üzünə geyinmək üçün cürbəcür üzlər.
ucalmaq üçün dağlar, boğulmaq üçün dənizlər.
və mənim kimi bir aşiq,
həmişə dərdli-dərdli başını qaşıyar ucadan,
heç vaxt olmayan sevgilisini əzizlər.
6. yazdıqlarından bir pox başa düşmədiyim, bəzən düşmüş kimi olduğum ama yenə də tam qanmadığım, hər yazısına auuuu reaksiyası verən yüzlərlə insan gördükdən sonra bunu bazamın zəif olması ilə əlaqələndirdiyim, səsi suyu şirin underground el şairi.
2. şeir dəst-i xətti illərdi dəyişməsə də, yenə də oxumaq zövq verir. amma bir də göləqarğısancan var ki, şeirlərin romantikasından çox uzaqdı. sadəcə o kitabı oxutmaqla bir xariciyə azərbaycan haqda geniş təsəvvürlər yaratmaq olar, təbii tərcümə edə biləcək qədər geniş söz bazanız varsa.
31. şeirlәrinin şәrhә ehtiyacı yoxdu. azәrbaycanda onun kimi yazan (yaza bilәn) tәk özüdü. nәsri isә tamam fәrqli, әkrәm әylislidәn sonra dilin bu qәdәr dәrinliyinә gedib özünә leksikon formalaşdıra bilәn tәk-tük yazarlardandır. *niyazi mehdi * demişkәn: " aqşinin dili fәlsәfә yararmağa uyğundur."
simasında da çox qәribә (yaxşı mәnada) ifadә var. bir dә lәhcәsiylә birlәşәndә adam çox canayaxın hiss edir.
son dәfә dәrsdә, 5 saylı dәri zöhrәvi dispanserdә tәsadüfәn görüşdüyümü xatırlıyıram.
3. overrated deyəcəm önyagı deyəcəklər, düz deyəcəklər bəlkədə nəmm. onu bilmirəm ama bildiyim tək şey var oda azərbaycan xalqı çox tez tırkaya gedən xalqı, səhərdən bəri internetdə dolanan şeirini paylaşmayan qalmadı. 10 dəfə oxumuşam arxa arxaya ama ordaki "qeyri adi" liyi hiss edə bilməmişəm. yəqin sevirlər aqşini, ona görə bu 9 sətrdən ibarət şeirinə qurban olanlar var.
--sitat--
burda bekarciliqdi
oturub kresloda
daragima dolasmis
saclarini yoluram
orda isler necedi?
özümden nigaranam
bir yaz görüm neceyem?
nece yaddan cixiram?
nece unuduluram?
--sitat--
buda öz profilində şeirin altına yazılan iki şərh(anlayana);
-maraqlidi, ferqli yanashma. chox maraqlidi *
hassiktir?fərqli yanaşma?
36. qadınlar haqqında mühazirə
(a. kuşun arvadı üçün oxunmuşdur)
əvvəlcə qanunlar qadınları pozur, sonra qadınlar qanunları
qocaldıqca çox şeyləri öyrəndim,
öyrəndim ki, dayanacaqda dayanmış qadının
tez-tez saata və güzgüyə baxması xəyanətin ilk əlamətidir.
xəyanət ritm axtarışıdır qadının, eləcə də kişinin
xəyanətlər hər kəsə öz ritmini bəxş edir.
ritmlərin ən gözəli qadınlara həsr olunub,
şerlərə yox.
zamana insanın bədəni lazımdır,
məncə ömür qocalıqdan uşaqlığa doğru başlasaydı
daha gözəl olardı
onda bu qoca fahişə
axırda məsum bir qız uşağına çevrilər və ölərdi.
qocaldıqca çox şeyləri öyrəndim
öyrəndim ki bir kişi susuzluğudur
hər qadının sonrası
ancaq su, yaxud göz yaşı ilə deyil
uşaqla ölçülür kişi ilə qadının arası
uşaqsız evində pişik saxlayardı əmimin sonsuz qarısı
sən demə gecələr uşağa çevrilirmiş pişik.
kişi sevgisi qadına uşaq doğurmaq üçün deyil
ancaq doğurmamaq üçün də deyil
kişi sevgisi qadınları qucaqlamaq, zorlamaq üçün deyil
ancaq qucaqlamamaq, zorlamamaq üçün də deyil,
kişi sevgisi xəyanət etmiş qadını qətlə yetirmək üçün deyil
ancaq qətlə yetirməmək üçün də deyil
bilmirəm nə üçündür kişi sevgisi
bir onu bilirəm ki
acığını sevdiyi qadından çıxan kişinin
böyük oğlunun adı ümiddir.
kişilər yatağa canını qoyar qadınlar bədənini
budur əsas məsələ
sən qadınsan bilərsən bunları.
1. inandığım şey allahdırsa, bəs
inanmadığımın adı nədir
kimsə mənə demədi.
zaman böyüklüyünü gizləmək üçün
özünü kiçik hissələrə bölüb
saniyəyə, dəqiqəyə, saata
indi ayağına ona görə yıxılmışam ki
heç vaxt əyilməmişəm həyata.
sözlərinin sahibi azərbaycanlışair.
30. bu şeiri ilə, böyük sözlər işlətmiş şairdir. necə incidiblər ala bunu
qapqaraciyərin sevgisi
bədəninə toxunduqca kədərlənirəm,
kədərlənirəm ki, bu gözəllik bir gün həyatda olmayacaq.
öləcəyəmsə, bu gözəlliyin yerini tanrıdan soruşmaq üçün öləcəyəm.
tanrıya – insanı palçıqdan, sevgini ayrılıqdan,
ayrılığı ölümdən yaratmış bu tanrısıza sübut etmək istəyirəm ki,
səni tapmaqdan ötrü, yoxa çıxmaqdan belə qorxmuram.
yaşayıb səni itirməkdənsə,
ölüb səni tapmaqdı sevgi - mənim üçün.
mən tanrının yox, sənin yoxluğunun ateistiyəm.
gözlərin bütün qadınların gözlərinin müəlliməsi idi
insana necə baxmağı öyrədirdi.
əllərin uzaqlaşmaq dərsi keçirdi.
çünki biz
insanlardan uzaqlaşa-uzaqlaşa yaxınlaşmışdıq bir-birimizə.
səni hamını itirdiyim yerdə tapmışdım, doktor.
bundan sonra başqasını sevsən də sevinəcəyəm
biləcəyəm ki, o da mənəm.
amma sən
bu boyda gözləri necə, kimin arxasında gizlədəcəksən,
hardan tapacaqsan o nəhəngi?
danışdıqca ağlamağım gəlir,
ağladıqca susmağım
susduqca yoxa çıxmağım gəlir, doktor.
bax, yenə də ağrıyıram
saatımın əqrəbi sol qolumu sancıb!
zamanın zəhərini qatıb qanıma.
bir insan ört üstümə, tənhalıqdan üşüyürəm
bax, əlçatmaz ağacların başında mürgüləyən külək əsməyə başladı yenə
gecənin qaranlığından ağappaq qar yağdı
üşüdük və göylər yenə sübut etdi ki,
sevəndə qaranlıq da ağappaqdı.
doktor, hər qadın həvvanın uzaq qohumudu
hər kişi adəmin yaxın dostudu.
alma ağacı görəndə iyrənirəm
çünki bu ağacın əcdadı
qadının cənnətdə yediyi
qadağan olunmuş meyvənin
mədəsində gətirdiyi toxumudu.
gülü ağac olmaq arzusu soldurur
bizi tanrı olmaq iddiası öldürür.
ağaclar tanrının özünə bağışladığı nəhəng güllərdi.
vaxt vardı, ümidsizliyim də
mənə yaşamaq üçün ümid verərdi.
doktor, geri dönmək, yenidən gil, palçıq olmaq istəmirəm
məni elə sev ki, yenidən palçıq yox,
biryolluq yox olum.
aç qolundakı saatı, doktor, gözəlliyini zamana qısqanıram.
biz ayrı-ayrılıqda o qədər xoşbəxtik ki,
bir yerdə olanda bir az da bədbəxt olmaq istəyirik.
doktor, məni unutsan, elə unut ki,
səndən sonra heç kimin yadına düşməyim.
8. nə şeirlərindən nə kitablarından xəbərim var, ama sosial mediada adının glamurlaşdırılmasına görə məndə bir ön yarqı yaranmışdı, ta ki ləhcəsini eşidənə qədər, danışıq ləhcəsi mənə ifadəediləbilməyən bir yaxınlıq hissi aşıladı.
A kişi qırığı, indi durub desəm ki, Amerika alimi, ömrünü dinin yalan danışdığını sübut etməyə həsr etmiş Oldz siçovullar üzərində apardığı təcrübələrlə bu nəticəyə gəlmişdir ki, ilahiyyatın insanları əsarətdə saxladığı cənnət-cəhənnəm xofalogiyası, sadəcə, beyində baş verən nevroloji proseslərlə bağlıdır, qohumlarım ətimi didəcəklər. Adam cərrahiyə yoluyla siçovulların beyninə yeritdiyi elektrodlar vasitəsilə sübut etmişdir ki, cənnət həzzini və cəhənnəm əzabı qorxusunu bu dünyada hətta heyvanlarda da yaratmaq mümkündür.
25. həyat o qədər balacadır ki, böyük adamlar darıxırlar orada.
eşidirəsən həyat!
o qədər balacasan ki, böyük adamlar
darıxırlar səndə.
divin mağarada,
hökmdarın taxtda,
güllən lülədə, çağan qundağda darıxır.
ən yüngül xəstəliklərin də bir gün ölüm xəbərdarlığına çevrilir.
hər gün bir ümidin ölür, yerinə bir əzabın, qorxun dirilir.
göyərçinlərin dimdikləyir başını bit basmış heykəllərini
gücün çatanları daşa, çatmayanları torpağa çevirirsən.
bir ümid tapanda dostlarla bölüşürük aramızda
ovub hələ quşlarına da atırıq.
şəkilçi qəbul etməyən “əlvida” sözü kimi tənhayıq...
...darıxırıq... darıxırıq...
" target="_blank" class="sonses" rel="nofollow">http://www.youtube.com/watch?v=3Urif6eHHtQ) naxçıvanın rayonlarında insanların çoxu türkiyəyə işləməyə gedir. çoxu cahil insanlardı, oxumamış, oxumağa fürsəti olmalış, ora gedəndən sonra da işdən başqa heç nəyə vaxt ayıra bilməyən insanlar. onlardan soruşsaydız ki, türkiyə ya da istanbul haqqında nə fikirləşirsən, 5-3 dənə cümlə qur görək. bundan məntiqli fikirlər səsləndirəcəyindən şübhəm yoxdu.
necə olub, nə baş verib bilmirəm, bir də görmüşük ki, azərbaycanda yazıçılar əmələ gəlib. eyni zamanda da köşə yazarları və "köşə yazarı" sözünün özü. aqsin yenisen günel movludseymur baycan bir birinin şöbələridi. yazırsan yaz, yaza bilirsən yaz. ta sənin nə işinə qalıb axı, camaata lağ eləmək, məzələnmək, təhqir eləmək.
33. qədim gəmi
vicdan ölmədiyimiz bir dünyanın
cəhənnəmidir
yerini axtarsan, azarsan, itkin düşərsən öz
bədənində
günah ölmədiyimiz bir dünyanın cənnətidir
tikan tək gizlənib güldə, musiqi tək örtünüb
çılpaq simdə!
gül tikanın, səs sükutun azadlığıdır!
öz yalqızlığına keşik çəkən o qoca əsgər,
başqalarını öldürdü başqalarının uğrunda
yarası qasnaqladı, metala, medala döndü sol
çiyninin altında.
məqsədi buralı kimi ölməkdi!
çünki yer üzü öz ölümləri ilə məşhurdur!
ustalar ona şabalıd ağacından tabut əvəzinə
əsa qayırdı.
çünki insan öz ümidlərindən daha
uzunömürlüdür!
əsa ağacın, ağac tabutun azadlığıdır!
və o məmləkətin bir quyusundan su çıxdı, bir
quyusundan neft!
bir məmləkət ki, at kimi kişnədi odla suyun
arasında.
kişnəyəndə and içir at!
qisasının dördayaqlı olduğuna!
su yanğının əsarəti, yanğın odun azadlığıdır!
qaranlıq gecənin yalnız insana aid rəngidi.
pisliyi yalnız insan çevirə bilir çörəyə.
insanın azadlığıdır qabağına çörək atılıb
həyətdə
zəncirlənib bütün fəsillərə, qaranlıqdakı ağ
itdə.
çöldə qara qurdda ulayan itin azadlığıdır!
ölmüş bir kəndlini heç danışmadan torpağa
gömdülər
sanki, günahkarmış və cəzası ölümmüş
yaşamağının.
ölüm budursa, tanrısı bir diktatordur bu
sükutun.
hər sükut bir bütün azadlığıdır!
bu yetim uşaqlar, çətin uşaqlar
səkilərə atılmış quru çörək qırıqlarının
arzularıdır.
atalarını müharibə yeyib, analarını namus!
insan hələ də vətən keşiyi, bədən keşiyi
çəkirsə,
hamının olan və heç kimin olmayan bu qədim
gəmidə,
onun azadlığı…
onun azadlığı… bağışla, ey nuh!
şalvarda gizlənmiş g*tün azadlığıdır! sifarişi verən: ayın yarısı
15. "hisslərimi çəkəcəkdim
pəncərədəki nəfəsinizin tozuna
qoşulacaqdım saçlarınızın
yağışlı və küləkli bir gündə keçirdiyi
etiraz aksiyasına
heç olmasa milçəköldürən kimi
karınıza gələcəkdi əllərim
sizsə..."
38. Son 10-15 ilin ən yaxşı şairlərindən biri ikən özünü gözdən salan adam. Hər şey haqqında danışır. ədəbiyyatdan, tarixdən, fəlsəfədən, siyasətdən, sosiologiyadan, publisistikadan, hər şey haqqında niyə danışmaq məcburiyyəti hiss edirsən ki? Adam bir şeyin ustası olar, ondan danışar da.
24. Keçen ay xesteliyi ile bağlı Mir Şahinin öz üslubunda müsahibe aldığı adam. https://www.youtube.com/watch?v=l1Ki9hyzU6Y
Babat tenqidler yağmışdı Mir Şahinin ünvanına bundan sonra : az.azvision.az/news.php?id=34414
əjdaha lazımdı
izlə
dostlar
mən
googlla
)