2. sən incə çiçəklərdəki, jaləm kimi gəldin,
bir qan bahası, bağçama laləm kimi gəldin.
aldın da ucaltdın məni əflakə özünlə,
endikdə, müqəddəs, yeni aləm kimi gəldin.
doldum nəfəsindən saçılan rahiyələrlə,
getdikdə apardın fərəhi, qəm kimi gəldin.
şahlar mənə qibtəylə baxır, ən ulu şah mən,
çün sən ulu göydən, ulu töhfəm kimi gəldin.
bir qanlı gül ağzında və mey kasəsi əldə,
bircə telinə gözlərimin nuru da qurban,
eşqim fərəhim, ah ilə naləm kimi gəldin.
dünya bağı qarlı, mən üzülmüş qoca bağban,
ruhunda qərənfil, mənə həmdəm kimi gəldin,
qüdrət də, məhəbbət də, mətanət də özünsən,
yığdın dağınıq gülləri bir cəm kimi gəldin.
verdin alıb içdim meyi... könlüm dağa döndü,
dağdan tökülən nurlu şəlaləm kimi gəldin.
aləmlərə bildir ki, xəlil heç zaman ölməz,
çün ovcuma əfsunlu piyaləm kimi gəldin.

həbsdə olarkən xanımına yazdığı şeirlərdən biri