ayrılmaq

1. Qərarınızı vermisinizsə, baş-başa olacağınız (amma evlilik təklifi zad edəcək imişsinizcəsinə də bir mühit yaratmadan) günlük gedilən bir yerdə daha çox gözləmədən gedib deyin, məncə. Çünki belə şeylərdə ani və əsəblə/qərəzlə dəxli olmayan, düşünülmüş, məntiqi bir qərara vardıqdan sonra gözləməyin heç mənası yoxdur. Daha sevib eləmirsinizsə heç xoş deyil münasibətdə qalmaq. Təki telefonda ya da mesajla zadla etməyin, belə hər iki halda da ikiniz də məyus olacaqsınız təəssüf ki. Səbəblərinizi yaxşı izah edin, kimsəni günahlandırmayın, nə bilim, bölüşdüyünüz anların sizin üçün hələ də dəyərli xatirələr olduğunu, vaxtınızı onunla boşa xərcləmiş kimi heç hiss etmədiyinizi deyin. Məncə bunlar ən vacib, həm o vaxt, həm də sonradan ağıla gəldikcə ayrılığı yüngülləşdirə biləcək detallardır.

2. bilmirəm, onun məni sevdiyi qədər mən onu sevmədiyim və özümü heç bir günahı olmayan bir insanın qəlbini qırmaq üzrə olduğum üçün çox günahkar hiss edirəm. çünki hər şeyi başladan mən idim. adama deməzlər ki, 2 ildi qızı niyə məşğul edirsən ? Bəlkə onun qədər olmasa da mən də çox sevirəm. amma bilirəm axıra qədər getməyi mümkün deyil.

3. Lmao dediyim kimi məncə, sevib eləmirsinizsə heç xoş deyil münasibətdə qalmaq. Lazımınca sevmirdinizsə bu qədər uzatmadan həll etməli idiniz. Narahat olmaqda haqlısınız onda, nə demək olar ki. Günahkar hiss etməkdə də haqqınız var. Amma başqa bir namizəd olmadığı üçün əldəki variantla yetinmək zad kimi çirkin bir şey deyilmişsə, əslində, həyatdır da, hər kəs özündən əmin, hər addımını ölçən biri ola bilməz.

4. əslində münasibətin gedişatı öz əlinizdədi(yəni ikinizin). sadəcə mənə elə gəlir bezmisiniz bir birinizdən. ki bu da olduqca normal birşeydir. və artıq sıxıldığınıza görə enerji xərcləmək istəmirsiniz münasibəti sabit saxlamaq üçün. danışıb həll edin aranızda.

5. Çox sağolun məsləhətlərə görə.

6. sıradan bir görüş kimi get görüş, yəni əvvəlcədən planlama ki, mən bunu deyəcəm, qız bunu desə, bunu deyim, heç ayrılıq söhbətini açma, hələ bir problemlərini müzakirə elə, gör, ağlabatan nəsə əldə edə bilirsən. Yəni, davam etməyə ümid var? Yox, görsən ki, daha əvvəlki dadı-duzu qalmayıb, elə söhbətin ortasında söylə: " bəlkə, ayrılaq?!, məncə hər ikimiz üçün ən yaxşısı budu indiki halda" Daha deməyə sən yaxşılarına layiqsən falan. İki ildi fərqinə varmırdın? ayrılan kimi də depressiyaya falan düşmə, ehtiyac yoxdu. ara- sıra hal-əvhal tutarsan Blok da eləməyə ehtiyac yoxdu, iki mədəni insan kimi yola davam. "Best friends" olun. O qədər yaşanmış xatirələr var.

7. Məncə də bezmisən. Əgər belə olmasaydı problemləri həll etməyə çalışardın nəinki ayrılmaq. Əgər qarşındakı insanın səni sevdiyiuni bilirsənsə onun üçün zərbə olacaq. Amma hiss edirsənsə o da sıxılır, əvvəlki həyəcan yoxdur ayrılsaz daha yaxşı. Əvvəl əvvəl insan gözündə böyüdür, ideallaşdırır, mənfiləri görmür. Amma zaman keçdikcə görünməyə başlayır və beləcə mübahisələr, davalar. Ən xırda şeyləri böyütmələr. Amma qərar verməmişdən qabaq yaxşı düşünün. İtirəndən sonra da peşman olmaq da var.

8. Bir də verdiyin qərar da əminsənsə, inan peşman olmayacaqsan. Bəzən hisslər bizim gözümüzü tutur, qarşımızdakı insanı olduğu kimi yox, xəyalımızdakı kimi qəbul edirik. Hadisələrin təsirindən ayıl bir müddət, özünüzə kənardan bax. Münasibətiniz nə dərəcədə uğurludu? Eynisini mən də yaşamışam. Amma səndən fərqli olaraq, bir il tamam olmamış, bitirdim. Münasibətimiz də ən yüksək səviyyədə idi, kənardan baxanlar belə bizim ailə olduğumuzu düşünürdülər. Amma bir müddət sonra fərqinə varırsan ki, yox elə deyil, sıradan şeylər artıq problem olur, mübahisələr yaranır. Hansı ki, eyni şeyləri münasibətin əvvəlində də bəlkə yaşamısınız və problemsiz ötüşübsünüz. İndi isə elə deyil. Ən çox da sən güzəştə getməlisən yəqin. Mən münasibəti bitirəndən sonra, bir müddət danışmadıq falan. Normal şeydi. Bir il sonra, tam təsadüf görüşdük, heçnə olmamış kimi oturub, danışdıq. O danışdıqca, baxırdım ki, ala mən bunu sevmişəm? ))) Yəni bu qədər kor idim? )) İndi münasibətim var, amma tam sıradan bir insan kimi. İndi görsən, deməzsən ki, siz münasibətdə olmusunuz bir zaman? Halbuki, bir zaman onu məndən soruşardılar, bəs filankəs neynir ( bu gecə də siqareti yandırdıq deyəsən)

9. (baxma: sevgilidən ayrılmaq üçün uyğun yerlər)