tibb bacısı işi

1. Təcrübə elə vacib deyil, təcrübəsiz tanışlarım gedib işləyirlər, təcrübəni orada əldə edirlər. Amma ən azından təzyiq ölçməyi filan bilsən yaxşıdı, çünki orada soruşurlar bilirsənmi deyə. Damar yolu aça bilməyi filan da soruşurlar, amma bilməsən də bilirəm de, onsuz orada öyrənəcəksən. Bir də ilk başlar 30 sualdan ibarət test verirdilər, onlar da asan imiş. Maaş məsələsinə gəldikdə isə bir az şişirdilmə var. Yüksək maaşı reanimasiyada verirlər, ora da təcrübəsizləri buraxmırlar. Amma qəbulda olana da normal maaş verilir. Sadəcə mənfisi odur ki, iş rejimi çox ağırdır, fiziki və psixi olaraq çökürsən. İş rejimi 8 saatdır, amma o 8 saatda nə əziyyətlər çəkirsən

2. @70885 siz özünüz işləyibsiniz ya da işləyirsiniz? Bir də ki, 8 saatı işləsəm, dərslərə kim girəcək?! Təcrübə qazanmaq yaxşıdı ya oturub evdə dərs oxumaq?

3. @70886 mən bakıda deyiləm, ona görə mümkün deyil onsuz. Amma olsam da yəqin ki getməzdim, çünki ikinci seçim olan dərs oxumağı seçərdim. Dərslər barədə çox da narahat olmağa dəyməz, çünki 2 növbəli işdir. İkinci növbə saat 4-də başlayır, ona qədər də dərslər bitir. Ancaq yenə də çətin ola bilər 16:00-00:00 arası iş, səhər də dərs. Ancaq əgər dərs oxumaq dedikdə bizə universitetdə tapşırılan dərsləri nəzərdə tutursunuzsa, işi seçməyiniz daha yaxşı olar, ən azından mənasız kitabları oxumaqdansa, təcrübə əldə etmiş olarsınız. Yox əgər fərqli bir yol tutmusunuzsa, o yolu seçməyiniz daha yaxşı olar. Yenə də neçənci kurs olmağınızın da rolu var.

4. @70887 məsləhətlərinizə görə çox sağ olun.

5. @70888 buyurun

6. Bunu bilmirəm amma bir dostum özəl klinikada işə düzəlib praktika üçün, maaş vermirlər, amma yaxşıca təcrübə əldə edib. Maaşı boş ver, praktiki savadın olsa gələcəkdə yaxşı qazanacaqsan onsuz. Dərslər barəsində isə heç nə deyə bilmərəm. Dərslərin keçirilmə dərəcəsindən və bir çox başqa faktordan aslıdır, onu ən yaxşı özün qərar verərsən.

7. Bir gün belə bir başlıq yazmışdım. Bu gün o xəstəxanalardan birində işləyən 4 tələbədən 3-ü avtomobil qəzası nəticəsində vəfat edib. Çox pisəm. Bu günlər daha kimlərin canını alacaq, kimlərin gözünü yaşlı qoyacaq deyə oturub gözləyirik. Təəssüf ki, əlimizdən bir şey gəlmir. Yaxınlarına səbir diləyirəm.