Karyera, kimlik və aidiyyət böhranı arasında qalmışam
Asosial biriyəm. Həyatım əsasən ev və iş arasında keçir. Atam da rəhmətə gedib. Təəssüf ki, bir az “mama uşağı” kimi böyümüşəm və bu da xarakterimə təsir edib.
Mühasibəm və ixtisas üzrə özüm üçün 3 yol görürdüm:
1. Dövlət qurumunda işləmək
2. Peşəkar mühasibat sertifikatları alıb özəl sektorda inkişaf etmək
3. Beynəlxalq sertifikatlara hazırlaşıb Big4-a daxil olmaq və sonradan xaricə çıxmaq
İngilis dilinə illərlə çox vaxt ayırdım deyə, beynəlxalq istiqamətdə getmək istəyirdim. Amma Financial Accounting imtahanından 48 bal ilə kəsildim. Ondan sonra illik ödənişi də etmədim, yenidən hazırlaşmağa motivasiyam qalmadı.
İndi isə yenidən toparlanmağa çalışıram. DipIFR hazırlaşmaq istəyirəm. Paralel olaraq milli mühasibatlıq, vergi məcəlləsi və digər peşə biliklərini də öyrənirəm. Amma beynim həddindən artıq yüklənir.
Məndə mükəmməlliyyətçilik, ADHD və həddindən artıq xəyal qurmaq problemi var. Bunlar həm enerjimi, həm də fokusumu çox dağıdır.
Digər tərəfdən, Azərbaycanın idarəetmə sistemi, mentaliteti, insan həyatına və əməyinə verilən dəyər məndə ciddi yorğunluq və nifrət hissi yaradıb. Ölkədən çıxmaq, hətta gələcəkdə vətəndaşlıqdan imtina etmək barədə düşünürəm.
Amma paradoks ondadır ki, bu dili də sevirəm. Azərbaycan dili mənə çox şey qazandırıb. Öz milli kimliyim və aidiyyət hissimlə bağlı daxilimdə ziddiyyət yaşayıram.
Bir tərəfdən düşünürəm ki, xaricə getsəm başqa cəmiyyətə uyğunlaşa biləcəyəmmi? Orada özümə yer tapa biləcəyəmmi? Digər tərəfdən isə anlayıram ki, savadlı, inkişaf yönümlü insanlarla sosiallaşmaq, münasibətlər qurmaq lazımdır. Amma həm zaman, həm enerji baxımından bunu çox çətin və yorucu görürəm.
Bu mövzuda tövsiyə və fikirlərinizi yazsanız, sevinərəm.
2. 25 yaş ciddi yaş deyil inkişaf üçün hələdə uzun yolun var çalış acca sertifikatları al
Sonuncu Xürrəmi @97552
3. 25 yaş ciddi yaş deyil inkişaf üçün hələdə uzun yolun var çalış acca sertifikatları al
Sonuncu Xürrəmi @97553
postun sahibi
4. @97553 niyə görə ciddi yaş deyil? Bu f3 də kursun pulu şirkət verdi, digər xərcləri özüm çəkmişdim, babat xərclər oldu, düzdür imtahan çətin deyildir. Bəlkə də məsuliyyətsizlik və ya kursun keyfiyyətsizliyi idi. Kursun o qədər effektiv olmadığı fərqinə vardım. İndi bilmirəm, F3 yoxsa Dipifr hazırlaşım?
8.8.4.4 @97554
5. salam. hər şeydən əvvəl özünün yazdığın istiqamətləri araşdırıb dəqiqləşdirməlisən.
big4 şirkətlərinə girmək və girəndən sonra qalıb işləmək asan məsələ deyil. sən big4-a əsas məqsəd kimi yanaşırsan ancaq çox adam ora ilkin pillə kimi yanaşır. orda başlayıb senior olub daha sonra ordan digər şirkətlərə menecer və s. kimi getməyə çalışırlar. digər şirkətlər də big4-dan gələn senioru baş üstə qəbul edir. big4 şirkətləri də bunları bildiyi üçün daha gənc kadrlar seçməyə çalışır. (sənin yaşın çox deyil ona görə big4-a yönəlməkdə problem yoxdu. ancaq vaxtında qərar verib hərəkət eləməlisən) lakin big4-a girsən belə orda qalıb senior olmaq da hər kəsin bacardığı bir şey deyil. iş şəraiti ağırdı. çox iş görürlər, overtayma çox qalırlar, görükləri iş də çox məsuliyyət tələb edir. qısaca çox stress çəkirlər. elə buna görə senior olan çox adam qaçır ordan.
pms dövlət qulluğunda və ya dövlət qulluğu sertifikatı tələb etməyən ancaq dövlətdən maliyyələşən qurumlarda artıq tələbdi. burda işləyəcəksənsə bəli, pms ictimai sektor almaq vacibdi. ancaq özəl şirkətdə işləcəksənsə hələ pms-ə tələsməyə bilərsən. pms almamışdan əvvəl f7 almağın daha sərfəli ola bilər. çünki f7 aldığın zaman pms-in 1-ci mərhələsindən azad olursan. yəni bir imtahanla həm f7 sertifikatını həm də pms1-i almış olursan. qalır sadəcə pms 2.
dipifr məsələsinə gəldikdə f3 almadan dipfr-a getmək sual işarəsidi. f3 ən bəsit maliyyə sertifikatlarındandı. onu almadan dipfr kimi ağır bir şeyə yönəlmək (mənim fikrimcə) doğru deyil. çünki f3-ü ala bilmirsənsə deməli hələ də başa düşmədiyin şeylər var. dipfr sənə çox çətin gələcək. həmçinin yuxarıda yazdığım kimi f7-yə getmək daha sərfəli ola bilər.
bundan əlavə bu sertifkatların arasında excel (imkan varsa mose) sertifikatı da sərpişdirməyin lazımdı. excelsiz maliyyə qatıqsız dolma kimi bir şeydi.
postun sahibi
6. @97555 Çox sağ olun, dəyərli fikirlərinizə görə. Açığı, Big4 mühitindəki iş yükünə və tempə tab gətirə biləcəyimə çox inanmıram. Hazırda düşünürəm ki, mənim üçün daha doğru seçim F3-ə hazırlaşmaqdır, yoxsa birbaşa F7-yə keçmək? Çünki F7 həm PMS imtahanının birinci mərhələsində, həm də gələcəkdə DipIFR yolunda faydalı görünür. Üstəlik, bildiyim qədərilə F3-də olan bəzi mövzular F7-də də təkrar qarşıma çıxar.
Mose sertifikatı alan əməkdaşlar da görmüşəm və doğrudan da Excel-i dərin bilən insanlar məlumatları çox rahat təhlil edə bilirlər. Mən Excel-i əsasən YouTube vasitəsilə öyrənmişəm, amma hələ də bilmədiyim çox şey var.
Bundan əlavə, hazırda Vergi Məcəlləsini süni zəka ilə birlikdə testlər həll edə-edə oxuyur və öyrənirəm. Sonra digər məcəllələrə də baxmağı düşünürəm. Eyni zamanda vergi bəyannamələri ilə bağlı dərsləri də izləyirəm. Çünki bunlar yerli özəl şirkətlərdə işləmək üçün həqiqətən vacib biliklərdir.
Ümumiyyətlə, mühasibatlıq və maliyyə sahəsində öyrənilməli çox şey var. Sadəcə məni düşündürən əsas sual budur: bütün bunları self-study formasında, yəni təkbaşına və sistemli şəkildə öyrənmək real olaraq mümkündürmü?yəni təkbaşına və sistemli şəkildə öyrənmək real olaraq mümkündürmü??
8. Salam, f3 almadan birbaşa f7-ə və ya dipifr‘a hazırlaşmağı məsləhət görmürəm. F3 accounting üçün ilkin anlayışı formalaşdırır.
25 yaş Acca imtahanlarına başlayıb big4 da işə düzəlmək üçün normal bir yaşdır. Amma həyat heç də planlaşdırdığın kimi getməyə bilir; “f3 alım, big 4- a işə düzəlim, xaricə gedim” ssenarisi sadə səslənsə də yetəri qədər tükədici bir prosesdir.
Big4 da iş şəraiti həqiqətən çox ağırdır, xüsusilə ilk illərdə iş yükü hədsiz çox olur və work/life balance deyilən şey qalmır. Bundan əlavə senior olan kimi yaxşı iş fürsətləri çıxacaq deyə bir şey də yoxdur, adətən belə imkanlar üçün senior kimi də təcrübə toplamalısan.
Xaricə getmək şərt deyil, azərbaycanda da yaxşı şirkətlərdə iş imkanları tapa bilərsən bu təcrübə ilə. Ümumi baxsaq hər iki hal üçün (bu yolu seçsən) qarşıdakı ən azı 4-5 ilin kifayət qədər yorucu və intensiv keçəcəyini nəzərə almalısan.
Pms və dövlət sektoru məsələsinə gələndə qeyd olunduğu kimi dövlət sektoruna yönələcəksənsə ala bilərsən. Ancaq hər bir halda f3 və f7ni bilməyin vacibdir. Sertifikatın özünü almasan belə həm pms imtahanalrına hazırlaşmaq, həm də yaxşı iş yerlərinə qəbul almaq, qısaca desəm maliyyə sektorunda inkişaf üçün bu iki paperi həqiqətən yaxşı səviyyədə bilmək şərtdir.
Self study məsələsinə gəlsək, acca sertifikatlarına ingilis dilin yaxşıdırsa rahatlıqla özün hazırlaşa bilərsən. Bu yolu seçsən self study hazırlaşa biləcəyin saytları bölüşərəm.
1. +
8.8.4.4 @97550