Azərbaycanda mütləq görülməli yerlər və onları təşkil edən ən yaxşı turlar

Salam. Keçən il anam və qardaşımla birlikdə bir günlük Qəbələ–İsmayıllı turunda olmuşduq. İlk dəfə Bakıdan kənara səyahət etdiyimiz üçün ümumilikdə xoş təcrübə idi. Amma sonradan müxtəlif əlavə ödənişlər də çıxdığına görə ümumi xərc gözlədiyimizdən çox oldu. Bir günlük tur olduğu üçün də bütün yerləri rahat şəkildə gəzməyə vaxt çatmadı.
Bu il yenidən ailəmlə (anam, qardaşım və mən) tura getməyi planlaşdırırıq. Əsas düşündüyümüz istiqamətlər Quba–Qusar, Xızı–Altıağac və ya Qarabağ bölgəsidir. Xüsusilə meşələr, şəlalələr, dağ mənzərələri və təbiəti ilə seçilən yerləri görmək istəyirik.
İnstagramda çoxlu tur şirkətləri və səhifələri görürəm. İzləyici sayı da yüksəkdir, qiymətlər də fərqlidir. Amma hansılar həqiqətən etibarlıdır, xidməti keyfiyyətlidir, proqramı yaxşı hazırlanır və qiymətinə dəyər – bunu bilmirəm.
Bu mövzuda təcrübəsi olanlardan bir neçə məsləhət almaq istərdim:
• Qiymət və xidmət baxımından hansı tur şirkətlərini və ya İnstagram səhifələrini tövsiyə edirsiniz?
• Hansı şirkətlə yaxşı təcrübəniz olub, hansılardan uzaq durmaq lazımdır?
• Ailə ilə getmək üçün daha rahat və keyfiyyətli bir günlük və ya iki günlük turlar hansılardır?
• Qarabağ, Quba–Qusar və Xızı–Altıağac istiqamətində ən maraqlı marşrutlar hansılardır?
Həmçinin, bu istiqamətlərdən başqa Azərbaycanda mütləq görülməli, təbiəti və mənzərəsi ilə seçilən hansı yerləri tövsiyə edərdiniz? Mümkünsə həm gedilməsi vacib olan məkanları, həm də onları təşkil edən etibarlı tur şirkətlərini və ya İnstagram səhifələrini paylaşın.
Əvvəlcədən hər kəsə təşəkkür edirəm.