itən atestatı yenidən almaq
#digərbəylər, atestat itəndə məktəbdən almaq olur yenidən? təhsil nazirliyindən gəlməlidi ya müdür verə bilir?
1. Təhsil sənədlərinin dublikatının verilməsi
6.1.Təhsil sənədinin itirən şəxs sənədin itdiyi şəraiti ətrflı şərh etməklə ərizə ilə təhsil
müəssisəsinin rəhbərinə müraciət edir. Ərizə polis dairəsindən sənədin axtarışda olması barədə
məktub və “Azərbaycan müəllimi” qəzetindən verilən elan əlavə olunur. Ərizəyə bir həftə
müddətində baxılır.
Elanda şəxsin soyadı, adı, atasının adı, itirilmiş sənədin adı, nömrəsi, onu verilmiş təhsil
müəssisəsinin adı, sənədin verildiyi tarix göstərilir.
Texniki-peşə, orta ixtisas və ali təhsil müəssisələrində təhsil sənədinin dublikatı arxiv
sənədləri (əmr, dövlət imtahan komissiyasının protokolu, təhsil sənədlərinin verilməsinin
qeydiyyat kitabı) əsasında verilir.
6.2.Ümumi təhsil müəssisələrində direktor ərizəni və ona əlavə olunan (6.1. bənd)
sənədləri qəbul edərək məsələyə pedaqoji şurada baxır, müsbət qərar qəbul edildikdən sonra şura
qərarından çıxarışı qiymət cədvəli ilə birlikdə rayon (şəhər) təhsil şöbəsinə təqdim edir, təhsil
sənədi blankının verilməsinə dair rayon (şəhər) təhsil şöbəsi müdiri tərəfindən müvafiq göstəriş
verilir.
6.3.Dublikat kimi verilən təhsil sənədinin sağ tərəfinin yuxarı küncündə “Dublikat”
ştampı vurulur.
6.4.Təhsil sənədinə dublikat bir dəfə verilir. Dublikat təhsil sənədi itdiyi halda ikinci dəfə
dublikat verilmir.
6.5.Dublikat təhsil sənədi əslindəki məlumatlara uyğun doldurulur və bu təlimatın 4.4.,
4.5. və 4.8-ci bəndlərində göstərilən şəxslər tərəfindən imzalanır.
6.6.Dublikat təhsil sənədi sahibinə pasport və ya doğum haqqında şəhadətnaməni təqdim
etməklə şəxsən verilir.
6.7.Təhsil sənədinin itirmiş şəxsə diplom, attestat və şəhadətnamənin əvəzinə arayış
vermək qadağandır.
29.01.2014 mesaj izləmə Googlla