the wolf of wall street

11. filmdə *margot robbie* və *leonardo dicaprio*-nun olması məncə filmin uğurlu olmasının əsas səbəbidir. ikilinin bu qədər mükəmməl olduğu bir film bəlkə də bir daha çəkilməyəcək.

--spoiler--

gələk filmin əsas xüsusiyyətlərinə: sonradan varlı olan bir insanın özündən çıxması, seks və narkotik asılısına dönüşməsi yəqin ki, bu qədər ətraflı və dəqiq təsvir edilə bilməzdi. ətrafınıza baxsanız belə insanlardan görərsiniz, seks və narkotik asılısı olmaya bilər amma kasıb olduğu vaxt yoldaşlıq etdiyi insanlara, kasıb qohumlarına aşağıdan-yuxarı baxması, daha yuxarı təbəqələrə can atması, mədəni surətdə özündən çıxması, özünü sanki "tanrı" kimi aparması "sonradan görmüş" insanların əsas xüsusiyyətləri ola bilər. əlbəttə sıfırdan həyatı qurmaq, kasıblıqdan varlı olmağa yüksəlmək pis şey deyil amma gərək insan özünü itirməyə, çox da "mənəm-mənəm" deməyə; çünki həyatı anlamaq olmur, ağıla belə gəlməyəcək səbəbdən müflis olmaq mümkündür.
jordan-ın kasıb vaxtlarında yanında olmuş arvadını bir gözəlçəyə görə atması və sonda müflis olmasından sonra həmin gözəlçənin ona yaxşı bir dərs verməsi, yəni onu adam yerinə qoymaması "pul bitdi, eşq bitdi" deyimini bir daha təsdiq edir.
jordan-ın sonda ona milyonlar qazandıran "can dostu"-nu satması da əslində dostluqlarının pul üzərində qurulduğunu, saxta olduğunu aydın şəkildə göstərir.
filmdə jordan-ın atası max oğluna (jordan-a) tez-tez "nə əkərsən onu da biçərsən" deyərdi amma görünür jordan bunu heç filmin sonunda həbs olunanda belə anlamaq istəmirdi.
sonunda jordan-ın şirkətinə fbi basqını və şirkətin əməkdaşlarının həbsi ərzində çalınan *mrs. robinson* mahnısı həmin səhnəni əfsanəyə çevirdi. bu cür səhnələrə çox az filmlərdə rast gəlinir.
nəticə olaraq sabirdən gözəl bir kəlimə demək olar: " pul qazan amma şərəfini itirmə. pul gedər, bir gün yenidən gələr amma şərəf gedər, gəlməz!"

12. "1 saat 30, olmadı, 2 saat nəyinizə bəs eləmirdi, hörmətli martin scorsese bəy?" dedirdən və aldığı tərifləri sırf məşhur cast-i ilə rejissoruna görə alan filmdir. al, qoy yerinə fərqli aktyoru və rejissoru, belfort-un hekayəsindən xırda, çeynənmiş bir insanlıq dərsindən başqa dişə dəyəsi heç nə çıxmaz. düzü, belə də çıxmayıb. pis film deyilsə də, hər kəsin iddia etdiyi qədər möhtəşəm də deyil, hətta heç deyil. amma filmdə margot robbie elə ideal görünür ki, sanki həqiqi deyil, toxunsan, qırılacaq çini bir kuklaya bənzəyir.

Yalnız deyilsən!

Yalnız deyilsən!