korn

1. nu-metalın en uğurlu rok qruplarından biri.

2. mikrofonu ilə diqqəti cəlb edən metal qrupu

3. hər nə qədər icra etdikləri musiqini sevməsəm də, chuck schuldinerin əməliyyat edilməsi üçün etdiklərini heç vaxt gözardı edə bilməyəcəyim qrupdur.

4. nu metalı məşhurlaşdıran qrup

5. yazarkən və dinlərkən həzz aldığım bir albom haqqında danışacam indi sizə.
mövzumuz korn qrupunun 1994-cü ildə buraxdığı eyni adlı 12 mahnıdan ibarət debüt albomudur.Albomun mərkəzindəki mövzular əsasən sosial zorakılıq,cinsi istismar,travmalar,emosional sarsıntıdan ibarətdir.Albom əsasən qrupun vokalisti olan (baxma: Jonathan Davis)in iç dünyasını təsvir edir.

ilk mahnımız blind insanın öz həyatına və duyğularına nəzarət edə bilmədiyi vəziyyətləri təsvir edir. “I’m so blind” ifadəsi fiziki deyil, ruhi korluq mənasındadır insan özünü anlayacaq gücdə deyil, ətrafındakı dünyadan və öz "mən"indən uzaq düşüb. Eyni zamanda, bu hiss cəmiyyətə qarşı üsyan kimi təqdim olunur.

ball tongue Buradakı “Ball Tongue” ifadəsi ağızda top kimi duran, sanki boğazı tutub söz deməyə qoymayan bir simvolik əşyadır. Mahnı insanın özünü ifadə edə bilməməsi, daxili emosiyalarını udmaq məcburiyyəti və bu vəziyyətin yaratdığı qəzəblə bağlıdır. Sanki kimsə insanın dilini tutub, onu susmağa məcbur edirmiş kimi.

need to mahnısı istək və ehtiyac arasında çaşqınlıq, emosional və fiziki yaxınlıq istəyi, günahkarlıq hissi və şəxsi arzularla barışmaqda çətinlik çəkmək haqqında bir etirafdır. Mahnı Jonathan Davisin öz arzularına görə özünü günahkar hiss etməsini, eyni zamanda bu hisslərdən qurtula bilməməsini əks etdirir.fun fact Jonathan Davis bir çox müsahibəsində bu mahnının konkret bir şəxsə Tori Amosa olan emosional və fiziki cazibədən ilhamlandığını etiraf edib.

clown Bu mahnı Davis-in məktəbdə zorakılığa məruz qalması və fiziki görünüşünə, geyiminə görə təhqir olunması ilə bağlıdır.Clown bu baxımdan normativ kişilik modelinə sığmayan bir gəncin mübarizəsini göstərir.albom konkret təhqiredici bir insan, həm də təcavüzkar sinfi simvollaşdırır.

albomun 5-ci mahnısı olan divine kornun daha qaranlıq və emosional baxımdan qəzəbli mahnılarından biridir.Burada Davis zorakılıq gördüyü adamlara qarşı intiqam hisslərini ifadə edir. "Know what? Fuck you, I'm fed up with you
I'm not as good as you? Fuck no, I'm better than you"

faget əsasən Davis-in uşaqlıq və gənclik illərində yaşadığı psixoloji və fiziki təqiblərə, xüsusilə də ona qarşı yönəlmiş homofobik təhqirlərə və zorakılığa cavab olaraq yazılıb.Davis məktəb illərində gey olmadığı halda, fərqli geyim tərzi və davranışlarına görə tez-tez “faggot” (yəni homoseksual kişi üçün aşağılayıcı ifadə) adlandırıldığını deyir. Mahnının adı və sözləri də bu təhqirin psixoloji travmasını əks etdirir.

Shoots and Ladders albomun 7-ci mahnısı.Mahnı, ilk baxışda sadə görünsə də, əslində bir kritik sosial tənqiddir.Bu mahnı uşaqlıqda bizə öyrədilən mahnıların içində gizli travmalar və zorakı metaforlar olduğunu göstərmək üçündür.Davis bu mahnıda klassik uşaq laylaları və mahnılarının necə gizli zorakılıq, ölüm, dini və sosial qaranlıqla dolu olduğunu anlatmağa çalışır.

Predictable mahnı da əsas mövzu Həyatdakı təkrarlanan səhvlər və bu səhvlərdən qurtulmaq istəyi lakin bundan qurtula bilməməkdir.Mahnı, insanın içində olduğu həyat döngüsündən, eləcə də psixoloji və emosional travmaların yaratdığı dəyişməzlik və təkrarlanan acı dolu nümunələrdən bəhs edir. həmçinin “mən dəyişmək istəyirəm, amma gücüm çatmır” hissi ötürür bu mahnı bizlərə.

Fake (bax: Jonathan Davis) burada özünü səmimi göstərib arxada tam fərqli davranan insanları tənqid edir. “Fake” sözü burada həm fərdi, həm də sosial münasibətlərə aiddir. Mahnı özünü maskalamağa məcbur olan insanlara qarşı çox sərt bir üsyandır. "Your secret lies that you hide Is it that terrible being you inside?"

Lies Bu mahnı fərdi münasibətlərdə yaşanan aldadılma, inamın pozulması və insanın hiss etdiyi emosional məhvetmə haqqında yazılıb. Yalanların təsiri altında formalaşan şəxsiyyət sonda parçalanmağa başlayır. Buradakı emosiyalar həm romantik münasibətlərə, həm də valideyn-övlad münasibətlərinə yönəlik ola bilər.

Helmet in the Bush debüt albomundakı ən qarışıq, metaforik və emosional yüklü parçalarından biridir.Bu mahnı Davis-in metamfetamin istifadə etdiyi dövrlərdən bəhs edir. "Helmet" burada penisin, "Bush" isə qadın orqanının metaforasıdır.mahnı masturbasiya, toxunulmazlıq və tək qalmaq qorxusu mövzuları daşıyır.

gəldik albomun ən ağrılı, sarsıdıcı və eyni zamanda (bax: nu-metal) janrının ən güclü mahnısı olan Daddy haqqında danışmağa.Davis bu mahnıda uşaqlıqda yaxın qohumu tərəfindən seksual istismara məruz qalmasından danışır. Ən ağır məqam isə onun bu barədə danışanda valideynlərinin ona inanmamasıdır.Mahnının sonunda o real şəkildə ağlayır, bu səs albomda saxlanılıb və heç bir musiqi əlavəsi yoxdur.Mahnının adı uşağın gözü ilə ümid etdiyi, amma onu qoruya bilməyən "ata fiquruna" bir qışqırıqdır.

"You raped, I feel dirty It wasn't supposed to be like this".çox ağır misralardır.

Yalnız deyilsən!