47 yazar | 30 başlıq | 98 entry
yenilə | gündəm


#son entrylər 98 yeni entry

təkcə mənmi edirəm deyə düşünülən şeylər 7 yazarların eyni doğum gününü paylaşdıqları məşhurlar və əlamətdar hadisələr 7 cəmiyyətə demək istənilənlər 6 rus dili bilməməyin dözülməz ağırlığı 3 gözəl qızların axmaq olması 5 pişik   molla rejimi 2 squid game | kino   ingilis dili üçün podkastlar 2 uçan adam sabri   house of wax | kino   yazarların paylaşmaq istədiyi yemək reseptləri   mbti 3 öyrənildiyində təəccübləndirən məlumatlar 4 kartof püresi 2 rafael fiziyev   klassik ana sözləri 3 vsauce 2 təkcə mənmi edirəm deyə düşünülən şeylər 4 #sözaltı fotoqrafiya   gözəl qızların yalnız olması   günü ifadə edən mahnı   yazarların eyni doğum gününü paylaşdıqları məşhurlar və əlamətdar hadisələr 6 paxıllıq 3 #sözaltı art   depressiya   the batman   little miss sunshine | kino   chef | kino   jon favreau | kino   tiger-1 2 sözlük yazarlarının qorxuları   səs azərbaycan   #sözaltı music   nocturne in c sharp minor   sözaltı günlük   lotereya   tarif şurası 3 özünü müdafiə idman növləri 4 doqmatizm   the steel man   ən nifrət edilən insan tipi 3 cəmiyyətə demək istənilənlər 5 fitness   samsung 2 görücü üsulu ilə evlənmək 2 milkdromeda   the prince and the pauper   hərbi qənimətlər parkı   pentakill   #sözaltı radio   misty   yandex music   krav maga   kasıblığın qurdurduğu cümlələr   yazarların həyatdan çıxardığı dərslər 3 miro semberac   məzahim quliyev 2 qəfil gələn yaşama istəyi 3 detroit become human   jane maryam   ege fitness   yazarların paylaşmaq istədikləri musiqilər   qəfil gələn intihar etmək istəyi   hidden orchestra   trentemoller   azərbaycan dövlət simfonik orkestri   nifrətlə sevmək 4 içki içərkən dinlənəcək mahnılar   hank azaria | kino   helen hunt | kino   gaslighting   amaliya pənahova | kino   qardabani   sünnət   pripiska   g20   evrim ağacı   darıxmaq   ferenc puskas   laszlo kubala   cashback   sözaltı sözlük   janna dark   gözəl qızlar   subdomain   burak yılmaz   mc donalds   margaret ann bulkley   saturn devouring his son   həyatda öz yerini tapa bilməmək   alexithymia   davamlı dava edən ailədə böyümək   steve cutts | kino   klipi ilə dinlənilməli olan musiqilər   course capacity is full   amerika birləşmiş ştatları   back-end developer materialları/alətləri/xəbərləri   möhtəşəm türk mahnıları   işdən qovulmaq   oktyabr   yazılmamış əsgər terminləri   alfredo di stefano  









min bir gecə

| ədəbiyyat

facebook twitter əjdaha lazımdı   googllalink
həzz verən klassik musiqilər - uşaqlıqda oxunan kitablar - uşaq vaxtı oxunub unudulmayan kitablar - sotadic zone - sözaltı günlük - azərbaycandan çıxmış ən yaxşı süjet xəttinə malik hekayə - fikrət əmirov - bəsrə - bağdad -

    1. şərq mədəniyyətinin bəşəriyyətin söz xəzinəsinə bəxş etdiyi möhtəşəm və ölməz abidələrdən biri olan “min bir gecə” əsrlər boyu mürəkkəb təkamül və təşəkkül mərhələsi keçərək, çoxsaylı tərcümələr sayəsində yarandığı regionun hüdudlarını aşaraq bütün dünyada şöhrət qazanmışdır...min bir gecənin mətnində təkcə ərəblərin deyil, xilafətə daxil olan bir çox digər xalqların bədii təxəyyülünün məhsulu maddiləşmişdir...min bir gecənin tədqiqatçıları abidədə fars, hind, yunan, yəhudi və.s mədəniyyətlərin izlərini açıq-aşkar görüldüyünü irəli sürməktədir...
    abbasilərin xilafəti dövründə başlayan və sonralar “islam intibahı” olaraq adlandırılan viii-x əsrlər, ərəb-müsəlman sinkretik mədəniyyətinin formalaşmasında və tərəqqisində tərcüməçilik fəaliyyətlərinin xüsusi yeri var idi…antik yunan filosoflarının əsərləri ilə yanaşı, sassanilər dövründə yaranmış ədəbi abidələrin pəhləvi dillərindən edilən tərcümələr yoluyla ərəb ədəbiyyatına yeni nəsr janrları meydana gəlməyə başlamışdır…bu tərcümə əsərlər arasında, “kəlilə və dimnə”ni göstərə bilərik…
    min bir gecənin əsas məzmununu oluşturan, onun prototipi olan “hezar əfsanə-min nağıl” məcmuəsi vi əsrdə mükəmməl variantda sassani imperiyasında mövcud olmuşdur...vii əsrdə abbasilər xilafətində edilən tərcümələr yoluyla əlavələr və redaktələrlə zənginləşən “min bir gecə” artıq x əsrdə bütün ərəb xilafətində məşhur idi... lakin o vaxtlar, bu abidə pəhləvicə protoptipinə uyğun olaraq, çox zaman “min nağıl”, yaxud “min gecə” adlandırılırdı... buna rəğmən abidənin bağdad nəşrində gecələrin sayı 100-ü keçmirdi...bir çox mülahizələrə görə, abidənin adının “min bir” olaraq dəyişməsi ərəblərin cüt rəqəmləri uğursuz saymalarıyla əlaqədar olmuşdur...bunla bağlı ən maraqlı ideyanı, min bir gecənin qərbdə ən yetkin ilk tərcümələrdən biri sayılan alman tərcüməçisi enno littman tərəfindən ortaya atılmışdır...littmana görə, əsərin adı türk dillərində qeyri-müəyyən çoxluq bildirən “min bir” idiomatik ifadəsinin ərəbcəyə tərcüməsi nəticəsində yaranmışdır...bu durumu hazırda türkçə və azərbaycan dilində “min bir əziyyət çəkmək”, “min bir xırdavat” kimi ifadələrdə də görmək mümkündür...digər tərəfdən abidənin son təşəkkül mərhələsinin misirdə məmlüklər və osmanlılar dönəmində baş verdiyin nəzərə alsaq, bu ehtimal kifayət qədər inandırıcı təsir bağışlayır...sonralar bu ifadə hərfi mənada başa düşüldüyündən çoxsaylı əlavələrin köməyi ilə gecələrin sayı da başlığa uyğunlaşdırılmışdır...
    2. ərəblərin çıxartdığı ən gerçəkçi kitab
    3. dünya ədəbiyyatına yön verib.janrlara bax.o vaxtların "lost"-u imiş
    mystery/suspense/horror/comedy/erotic/romance/adventure/sci-fi/fantasy
    4. sovet vaxtından qalma dünya uşaq ədəbiyatı adlı külliyat var idi rəhmətlik babamdan qalma. oxumağı ilk dəfə öyrəndiyim zaman başlamışdım bunları oxumağa. monte kristo kontu , kristof kolumb , başsız atlı hətta içində (gbax:duncan) adlı gəmi olan bir roman daha var idi. məni qınamayın, artıq 20 il keçib üstündən, xatırlaya bilmirəm. ancaq xatırladığım bir neçə şeydən birisi də bu min bir gecə nağıllarında keçən aşiqlərin qovuşma səhnələri idi. orada onların bir birlərini duz kimi yalamaqlarından bəhs edirdi. uşaq ağlımla buna heç bir məna verə bilmirdim. indi sözlükdə görəndə təəssirləndim biraz. müharibə vaxtları yadıma düşdü, işıqsız keçən günlər, tapança ilə atış təlimlərimiz, günlərlə heç dəyişməyən menyumuz olan kartof, sidiy iyi gələn sinif otaqlarımız və sinif yoldaşım anarın tuvaletdə qusduğu pomidor yumurta.
    5. "Min bir gecə" nağılları əsasında Fikrət Əmirov tərəfindən yazılmış balet. Premyerası 1979-cu ildə "Mirzə Fətəli Axundov adına Akademik Opera və Balet teatrı"-da olmuşdur. Bu əsər ömrünün sonlarına yaxınlaşan bəstəkarın yaradıcılığına yeni bir rəng qatmışdır. 1983-cü ildə SSRI qurultaylar sarayında tamaşaya qoyulmuş və tamaşada SSRI mədəniyyət naziri pyotr Demiçev və SSRI Nazirlər Sovetinin 1-ci müavini Heydər Əliyev şəxsən iştirak etmişdir. Məhz bu əsər Əmirovu dünya səviyyəsində daha çox məşhurlaşdırmışdır və hal-hazırda da Belarusiya, Ukrayna və Rusiyanın teatrlarında bu əsər tamaşaya qoyulur. Əsərdə bir sıra muğamların intonasiyaları hiss olunur. Balet ikipərdəlidir.

    Birinci pərdədə Şəhriyar ova gedir (oxatanların rəqsi) və ovdan qayıtdıqda məşuqəsinin saray qulları ilə kef məclisi (orgiya) qurduğunu görür və onu qullarında birinin qucağında görərək qəzəblənib (Şəhriyarın qəzəbi), hamısının ölümünü əmr edir (Cəlladların rəqsi), və bu ərəfədə (qadınların yalvarışı) vəzirin qızı Şəhrizadə (Şəhrizadə) peyda olur və baxmayaraq ki, Şəhriyarın daxilində sevgi hissi baş qaldırır, ancaq bu qəzəb hissinə məğlub olur və Şəhrizadəni də öldürtmək istədikdə, o  nağılları danışdıqdan sonra bunu etməsini istəyir (Şehriyar və Şəhrizadənin dueti).

    Ikinci pərdədə isə Şəhrizadə Sindbadın (birinci nağıl), Ələddin və sehrli lampanın (ikinci nağıl), Əlibaba və qırx quldurun (üçüncü nağıl) nağılını danışır. Bununla belə qəzəbi soyumayan Şəhriyar şah ova yenidən çıxır ( Oxatanların rəqsi) və geri qayıdanda Şəhrizadəni nağıl qəhrəmanlarının əhatəsində görür və sevgi qalib gəlir (Şəhrizadənin bayramı).

    Baletdə istifadə olunan "Bağdad bazarı", "Orgiya", "Şəhrizadənin bayramı" məşhur musiqi parçalarıdır. Librettosu Rüstəm IbrahimbəyovMaqsud Ibrahimbəyov tərəfindən yazılmışdır, xoreoqraf Nailə Nəzirova, ilkin quruluşun rəssamı isə Toğrul Nərimanbəyovdur . Əsərin müvəffəqiyyətinə görə yuxarıda sadalanan şəxslər SSRI dövlət mükafatına layiq görülüblər.

    (youtube: )


    Qeyd.
    Baletin məzmunu qısa şəkildə yazıldıqca  əsərdə istifadə olunan mühim musiqi parçaları mötərizədə qeyd olunmuşdur.


sən də yaz!