1. 21.11.2014 tarixində Galatasaray Liv Hospital - Crvena Zvezda (KızılYıldız) euroleague oyunundan öncə Abdi ipekçi idman Kompeksi önündə Galatasaraylı azarkeş(lər) tərəfindən öldürülən serbiyalı azarkeş.

idman oyunlarında bu qədər holiganizm, insan öldürmək təkcə mənə yox bir çox insana çatmayan bir şeydi, ancaq bunun qarşısını da almaq elə asan məsələ deyil. Hələ ki bu ölkələr Şərqi Avropa ölkələridirsə lap betərdi.

Galatasaraylıların sosial mediyada öldürülən gənc haqqında iyrənc şərhlərini gördükdə insan daha da pis olur. Türklərə görə irqçilik sadəcə qara dərili birinə "zənci" demək mənasına gəlir, amma öldürülən bir insan haqqında milliyəti serbdi deyə belə iyrənc şərhlər yazmaq, dilinə gətirmək daha betər irqçilikdi.

Qısacası UltrAslan deyilən əslində Ultras mədəniyyətini özündə cəmləyə bilməyən, yalandan atdanıb düşən bu azarkeş topluluğu Avropada yaşayan türklər üçün necə bir çətinlik yaratdığının hələ də fərqinə varmayıb deyəsən. UltrAslan'ı keçdim Galatasaray basketbol klubunun baş məşqçisi Ergin Ataman'ın Serb azarkeşlərə terorist bənzətməsi etməsi işi daha da mürəkkəbləşdirən ən başlıca səbəblərdəndi. Görün bu insan nə qədər savadsızdısa söylədiyi cümlənin nələrə gətirib çıxaracağını başa düşmür. Serbiya və Kosovada yaşayan yüzlərlə, minlərlə türkün başına gələcək hər bir hadisənin başlıca səbəbi Ergin Atamandır. Serbiya baş naziri artıq Ergin Ataman'ı Serbiyada istənməyən adam olaraq bildirib.

Serbiyalı azarkeşlər də indidən nifrət qusmağa başlayıblar...

Borac - Velez qarşılaşmasında "Türkləri öldürün!" deyə qışqırırlar: https://www.youtube.com/watch?v=1Y1x3P4EpGs

Belqradda "Kim daha tez türk qanını tökəcək" deyirlər: https://pbs.twimg.com/media/B3D4OZ9CYAALW6z.jpg

Ən son bugün isə Partizan'ın Grobari azarkeş qrupu UltrAslan bayrağı yandırıblar: https://pbs.twimg.com/media/B3JUVFECYAAqROE.jpg

Təsəvvür edin ki, Serbiyanın bir-birinə düşmən olan iki azarkeş qrupu olan Grobari (Partizan) və Delije (Crvena Zvezda) sosial mediyada, stadionlarda, basketbol salonlarında bir-birlərinə dəstək olursa deməyə əlavə cümlə yoxdu.

Son olaraq, Serbiyalı azakeşlər 18 Dekabrda oynanacaq olan Galatasaray Liv Hospital - Olympiakos oyununa Yunan azarkeşlərlə birlikdə gələcəklərini açıqlayıblar. Əgər belə bir şey baş versə betər şeylər olacaq. Əslində bu məsələdə türk polisinin də böyük günahı var. Serbiya-Albaniya oyunundakı bayraq məsələsindən sonra oynanan Partizan-Beşiktaş oyunu bir nəfərə belə çırtma vurulmadan bitdi, ancaq istanbulda serbiyalı azarkeş öldürüldü. Daha çox diqqət eləməli idilər bu məsələyə.

Gülməli bir məsələ var, onu da deyib bitirirəm. Serbiyalı azarkeşlər Abdi ipekçiyə yaxınlaşanda ora bura gizlənən Galatasaraylılar Serblər getdikdən sonra "kişilənməkləri" çox gülməliydi. Özünü ultras adlandırıb, amma bir qramda kimliyində ultras ruhu daşımayan UltrAslan qrupu bizi daha nə qədər güldürəcək görəsən -* https://www.youtube.com/watch?v=-Z833S-j7wo